Ilahi Rəhbəron-118

Ilahi Rəhbəron-118

Bəle,İmom Huseyn(ə) bın sıxanonədə umumi fikon ruşin kardey iyən ifşogərətisə əlovə,çı əməvi xıyzoni məşruiyyət və ğanuni bıey nəfy iyən inkor kardedəbe və ıştə bo camiyə rəhbərəti iyən imom bıey ləyoğəti isbot kardedəbe.İmom Huseyn(ə) İlahi dini heyo və bəyji kardero ğıyomış karde və yəzid islomi əndişə və təfəkkuri məhf kardey dumo.bın surətədə çokonə mumkine ki,İmom Huseyn(ə) ıştə beyəti dasti bə yəzidi səmt dırozko?bə həmonə dəlili xotoye ki,İmom Huseyn(ə) bə Mədinə vali ki,əy bə yəzidi beyət kardero dəvət kardeyədə,bəy hamyeşe:”ehanə mı de yəzidi beyətkom,bəpe çı İslomi fatihə handey bıbu”...

Əmmo,aya fəğət İmom Huseyn(ə) iyən çə həzrəti bəfodorə səhobəon qıləy vəzifəşon hestebe ki,bo İslomi hifz kardey və oqəteyro ğıyomkon və çı dini nuyə toğə deştə pok və mığəddəsə xuni ovış doe? İmom Huseyn(ə) çın botıl iyən səhfə anti-islomə nəzəon sape qıləy xət kəşeyro,dini alimon po bə miyon kəşeydə və de şiddəti əvoni tənğıd kardedə ta nışon bıdo ki.çı millətiku bənav alimon bəpe çı zolımkor və bedinə hakimon mığobilədə bımandon və ıştə etırozi fəryodi rostkon.bə həmonə dəlili xoto,ə həzrət ıştə nisbətən dırozə xutbəonədə ki,de əmr be məruf və nəhy əz munkəri nomi məşhure,de vanqi  hamyedə.ə həzrət ıştə sıxani de “əyyuhənnas”(ha millət ha!) iborə bino kardedə ta ın nuktə bə yod dəno ki,ım mesaj  fəğət bəçəy əsr və zəmoni məxsus ni və həmmə insonon bəpe bə ım çəşnavi doə sıxanon ciddiyə fomaədə dığğətko.həlbəttə,çə həzrəti sıxanon əsl,de dini alimon əloğdore.İmom Huseyn(ə) çın muhimmə sıvoliku bəhs kardedə ki,zıneydon boçi yəhudi iyən nəsara alimon Kərimə-Ğıronədə zikr bıə? çunki,Xıdovənd (maidə mıborəkə surə 63-ə şərifə ayədə) hamyedə:”yəhudi və məsihi dini alimon milləti de qıno aludə bıə sıxan iyən hərom hardeyku nəhy kardeydənıbin”.bın təhlukəninə  missiyə və risoləti bə vırə rosneyədə səhlənkorəti kardey,çı bəni-israyili camiyəş qıləy əndozədə bə inhirofi səmt şıkırnışe ki, oxoyədə bə ilahi nifin və nəhləti məruz mandə.joqo ki,Kərimə-Ğıron hamyedə:”bəni-israyiliku ə dastə ki, bə (Xıdovəndi) nifin iyən nəhləti məruz mande,ıştə əncom doə əməlonku iyande nəhy kardedənıbin və çokonə bədə ko və rəftoron kardedəbin”.(Maidə-78-79)...

Həyğətədə Xıdovənd çın cəhəto əvoni mızəmmət kardedə ki,deştə çəşi vindəşone ki,sıtəmkoron de fəsodi məşğul beydəbin və dini,humanist və sosyal marzon darışteydə.əmmo bə maddi cazibə iyən bə ğudrətonku tarsi dəlili xoto,sukutışon kardə və ıştə etırozışon nışon doəni.