Mediya terrorizm-2
Mediya terrorizm
Milodi 1919-ə sori Parisi konvensiyadə “devləton hakimiyyəti əsl və prinsip” qıləy devləti bəştə dıyo iyən həvo ərazi komilə hakimiyyəti bə rəsmiyyət zıney be,harçənd ki,ım prinsip jəqo həm dəvomış pəydu nıkarde.ın prinsip de Şurəvi ya Səvet ittifoği bə kosmosi vığandə iminə peyki darıştey be və peşonə soronədə bə devləton bə atmosferi xaricədə bıə fəzo de qıləy nuyə ğanunon bekardey kulliyə formaədə ləğv be.Şurəvi 1957-ə sori oktyabrə manqi 4-ədə de Sputnik-1 nomo ıştə peyki zəmini orbitədə ğərol doey bo bə kosmosi peyk vığandey zəminədə ıştə iminə cəhdış bə səmərış rosne.həmonə sori noyabrə manqi 3-ədə Sputnik-2 bə kosmos vığandeşe.çı Sovet ittifoği ım hərəkət Amerkəş bə qıləy elmi iyən siyosi şoki daxil kardeşe.əve mıxtəlifə səyon bədiqə amerkə 1958-ə sori yanvarə manqi 31-ə ruji "Eksplorer-1" nomo ıştə iminə suni peykış bə kosmos vığandeşe.
Sputnik-1 kosmik peyki çı zəmini orbitədə ğərol doey fəzo hərbi kardeyku bıə bə umumi norohətçəti boyis be.ğərbi kali kişvəron hərəkəton bədiqə,təğribən Sputnik-1 bə kosmosi vığandey çıl ruj bədiqə İMT Umumi Assambleya 1148 numrəynə ğətnomə 1957-ə sori noyabrə manqi 14-ədə de 56 qılə mıvofiğə ray,9 qılə mənfi və 15 qılə neytralə ray ratifikasiyə be.Şurəvi və coqlə həşt qılə kişvər bə ım ğanuni mənfiyə rayışon doe.çın təkllif doey bıə ğətnomə maddəonku qıləyni bə kosmosi vığandə bıə suni peykon de sulhamizə məğsədi bıeyku qıləy xotırcəməri pədyu kardero qıləy nəzorətəkə heyəti təşkil doey be.ım maddə bə fəzoədə iktişofi zəminə və fəzoku bəhrə bardey fəoliyyətonədə bəçəy sulhamiz bıey təkid kardedəbe...
Atmosferi xaricədə bıə fəzoədə çı devləton fəoliyyəti bə ğayidə əsos kardey zərurət,qıləy amil be ki,isori bədiqə yəni 1958-ə milodi sori dekabrə manqi 13-ədə İMT umumi assambleya de qıləy co ğətnomə bo fəzoku sulhamizə şikilədə oko doeyrode Kopyus nomi (Committee on the peaceful uses of outer space) çı qıləy xısusi komitə təsis kardey proqnoz kardey be.qıləy ironıjə fizikdon professor Hesabi Kopyusi iclosədə de İroni iminə nımoyəndə nomi iştirokış karde və çı atmosferi xaricədə bıə fəzo komitə Kopyusədə İron həm qıləy fəoliyyəti rolış ifo karde.ironi nımoyəndə dıqlə təkli doə bıə “rəket ğandə stansiyədə təlimoti bərnoməon bə ro dəğandey” və “stansiyə hovzəonədə beynəlxalğə mıtəxəssion heyəti vositə qıləy elmi bərnoməon tənzim kardey”nışonışon doe ki,çın dıqlə təklifi har deynən ratifikasiyə və ğəbul be...
De “atmosferi xaricədə fəzoku de sulhamziə məğsədi istifodə kardey komitə və Kopyusi yəni de”elmi iyən texniki komitə” və “huğuği komitə” nomi dıqlə co komitə təşkil kardey,de İMT nəzorəti jiyədə bıə məcmuə nomi məmuriyyətış pəydu karde ta elmi,texniki məsələon və çı fəzoku çokonə bəhrə bardey ayid bıə huğuğiku bəhs kardey bıbu və çın komitəku hosil bıə məlumotaon bəpe bə İMT umumi assambleya hasornə iclosi nışon bıdo.dayimi surətədə bıə fəoliyyəton və çın komitə koy təğib kardey bə beynəlxalğ huğuğonədə hevujə ğaydəon əsosış noe ki,ım həm de “fəzo beynəlxalğə huğuği” nomi zıney be....
