Ilahi Rəhbəron-119

Ilahi Rəhbəron-119

Əmmo,aya fəğət İmom Huseyn(ə) iyən çə həzrəti bəfodorə səhobəon qıləy vəzifəşon hestebe ki,bo İslomi hifz kardey və oqəteyro ğıyomkon və çı dini nuyə toğə deştə pok və mığəddəsə xuni ovış doe? İmom Huseyn(ə) çın botıl iyən səhfə anti-islomə nəzəon sape qıləy xət kəşeyro,dini alimon po bə miyon kəşeydə və de şiddəti əvoni tənğıd kardedə ta nışon bıdo ki.çı millətiku bənav alimon bəpe çı zolımkor və bedinə hakimon mığobilədə bımandon və ıştə etırozi fəryodi rostkon.bə həmonə dəlili xoto,ə həzrət ıştə nisbətən dırozə xutbəonədə ki,de əmr be məruf və nəhy əz munkəri nomi məşhure,de vanqi  hamyedə.ə həzrət ıştə sıxani de “əyyuhənnas”(ha millət ha!) iborə bino kardedə ta ın nuktə bə yod dəno ki,ım mesaj  fəğət bəçəy əsr və zəmoni məxsus ni və həmmə insonon bəpe bə ım çəşnavi doə sıxanon ciddiyə fomaədə dığğətko.həlbəttə,çə həzrəti sıxanon əsl,de dini alimon əloğdore.İmom Huseyn(ə) çın muhimmə sıvoliku bəhs kardedə ki,zıneydon boçi yəhudi iyən nəsara alimon Kərimə-Ğıronədə zikr bıə? çunki,Xıdovənd (maidə mıborəkə surə 63-ə şərifə ayədə) hamyedə:”yəhudi və məsihi dini alimon milləti de qıno aludə bıə sıxan iyən hərom hardeyku nəhy kardeydənıbin”.bın təhlukəninə  missiyə və risoləti bə vırə rosneyədə səhlənkorəti kardey,çı bəni-israyili camiyəş qıləy əndozədə bə inhirofi səmt şıkırnışe ki, oxoyədə bə ilahi nifin və nəhləti məruz mandə.joqo ki,Kərimə-Ğıron hamyedə:”bəni-israyiliku ə dastə ki, bə(Xıdovəndi) nifin iyən nəhləti məruz mande,ıştə əncom doə əməlonku iyande nəhy kardedənıbin və çokonə bədə ko və rəftoron kardedəbin”.(Maidə-78-79)...

Həyğətədə Xıdovənd çın cəhəto əvoni mızəmmət kardedə ki,deştə çəşi vindəşone ki,sıtəmkoron de fəsodi məşğul beydəbin və dini,humanist və sosyal marzon darışteydə.əmmo bə maddi cazibə iyən bə ğudrətonku tarsi dəlili xoto,sukutışon kardə və ıştə etırozışon nışon doəni. Qıləy holədə ki,Xıdovənde-Aləm Maidə mıborəkə surə 44-ə şərifə ayədə hamyedə:”millətiku(və puçə ğudrətonku)mətarsənən və mıku bıtarsənən”.

Peşo İmom Huseyn(ə) çın alimon iyən milləti inhirofi metodi tənğıdi  ki,çı hakimon kəcə rəftoron mığobilədə  tam jıey və hiç qıləy əksul-əməl nışon nıdoey bəpeştə,co qıləy dastə tarif və təmcid kardedə ki,əvon çı erjon oqəteyədə cəhd kardedən və anti erjə səyon vəy qəteydən.həmçinin ki,Tobə mıborəkə surədə hamyedə:”imoninə merdon və jenon iyande dust,həmfik və koməkəkəyn.bə çokətiyon və loyığ koon fərmon doydən və yavə koonku oqəteydən”......

İmom Huseyn(ə) ki,ıştə ğıyomi hədəfonku qıləyni əmr be məruf iyən nəhy əz munkəri ehyo və bəyji kardey be və ım ko ilahi vocibatonku,Xıdo-Rəsul(s) iyən Əli(ə) siyrə və şıə roy  hisob kardedəbe.ə həzrət de çın dıqlə vəzifə və dini,iştimoyi,mədəni və siyosi missiyə icro noiliyyəton koy məşğul beydəbe və hamyedə:əgər əmr be məruf və nəhy əz munkər qırd cəhətonədə və fərdi iyən iştimoyi zəminəonədə əməli nıbu,qırd ilahi vocibaton ısət çı hoston ya saxt,bə həyğət bərəse və bo bə İslomi dəvəti və çəy nufuziro qıləy mınosibə zəminə hozzı bəkarde”.demiyən çı məzlumon həxon mıdofiyə və de zılmkorə hakimon mıborizə bardey ruf bəyji beydə.umumi sərvəton iyən canqi ğəniməton adilonə surətədə təğsım beydə.sədəğə de usuli iyən solımə roy cəm kardey  və ilahi həkimonə ğanunon əsos  pevolo və məsrəf kardedə.