Fatməye-Zəhro(s)
Fatməye-Zəhro(s)
Fatməye-Zəhro(s)
Qıləy zəmon ki,kinə soyb bıey ar hisob beydəbe və çok ğəbul beydə nıbe,Xıdo-Rəsul(s) deştə kinə Fatməye-Zəhro(s) iftixor kardedəbe.qıləy zəmon ki,ə həzrət Zəhro(s) vindedəbe,bəsə sə poysə əhıştəbe və bə Zəhroye-mərziyyə(s) səmt şeydəbe.qahi vaxti çı həmmə kəson çəşi vədə bə həzrəte Zəhro(s) qədə daston pusə jeydəbe və qahi zəmon həm ə həzrəti bəştə vanqo qəteydəbe, əy maçə kardedəbe və votedəbe::mı Fatməku(s) vəhışti bu hiss kardedəm”....
Şımə qıləy ovşım ki,komil beyədə mışohidə kardəyone və de zəmoni dəvardey əv qədə-qədə nimə beydə və çəy i nimə fəğət bəçəş çiyedə.Xıdo-Rəsul(s) əzizə kinə Zəhroye-Əthər(s) bənə qıləy ovşımi dəvəşeydəbe və vavriski doydəbe.əmmo,ıştə buzurquvarə pı bəpeştə Fatməye-Zəhro(s) ıştə jimonədə de yolə hodisəon dimbədim ome.de zəmonə milləti ğəfləti, əvon ki, peyğombəri(s) sıxan ki,hamyəşe:”hakəs az çəy mevlambu,Əli həm çımı bəpeştə çəy mevlay” çı viro bekardeşonbe.
Peyğombəre-Əkrəmi(s) rehləti bəpeştə və qıləy məşumə şəvədə i dastə fərdon bə Əli(s) kə hucum vardeşone ta de şımşi zu çı həzrət Əliku(ə) bo tojə zuhurış kardə xəlifə beyət bıstənon. əvon bə ə həzrəti kəybəşon otəş je və de hoziyəti əvışon oj karde.qıləy holədə ki,Zəhroye-Əthər(s) kəybə peştono mandəbe və çəvon varid bıey vəy qəteş piyedəbe.məğər peyğombəri(s) hamyəş nıbe ki,”Fatmə çımı bədəmi i poəy.hakəs bəy əziyyət bıdo,jıqo bızın bəmı əziyyətış kardə”....çən,çıro İslomi Peyğombəre-Əkrəmi(s) rehləti qıləy kamə mıddəti bəpeştə bə jıqo qıləy əməli dast ğandeşone ki,çı nıbuvvəti bostani vıl,çe bə peştono jəqo qıləy zərbə bəy daxil bıbu? mısmor bəçəy bədəni eşo,bəçəy fərzəndi eqıniye boyis bıbu və bəçəy bədəmi qıləy ziyon bıqıno.əmmo,Fatmə(s) ijən çı Əli(ə) viloyəti mıdofiyə kardeyku dast kəşeydəni,mığovimət nışon doydə və Əli(ə) de şımşi zu bardey vəy qəteydəbe.
Həzrəte Fatmə(s) bın royədə poku nınışte və ıştənış dezzu bə məçit rosneşe.qıləy rəsə xutbəş hande,millətış bə İlahi təğva və bə peyğombəri(s) şıə ro və sıxanon əməl kardeyış dəvət karde və çı Ğədiri-Xumikuş vote.peşo çəy sutə dıliku qıləy ah rost be.əmmo,bo hiçkəsi nifinış nıkarde.çə telə hodisəon bəpeştə Fatməye-Zəhro(s) həmonə həjdə sornə banu,həmonə Siddiğeye-Tahirə həmonə xanım ki,İlahi mığərribə firiştə və mələkon ki,çəy barzə məğami bəsə zəmini əhlisə vey çok zıneydən,de ziyodə zəxm və yarə və de ğəmı-ğussə pur bıə dəli bəsə yonqusə eqıniye.ə həzrət ıştə umri oxonə ləzonədə bə Əli(ə) voteşe:”ha çımı amyuəzo ha! Tı hiçvaxti çımı jimoni zəmonədə mıku du nıməse və xəyonətı nıvinde və az hiçvaxti deştı fərmonon mıxolifətım nıkarde”.həzrət Əli(ə) ki,həzrəte Zəhro(s) eşğ çəy daxilədə şuləvər be,cəvobış doe:bə Xıdo pənoh bardedəm!.az tıni mızəmmət kardeysə tı vey əzın,pərhizkor.giromi iyən vey çokiş.ıştıku bə diyəro mandey və fərğəti hiss bomı vey boho bəbe.bə Xıdo ğəssəm! Iştı mısibət çı Xıdo-Rəsuli(s) mısibəti bomı ijən sənibəton tojə bəkarde.inna lillahi.....çın dıjd,dardnok iyən huznvardə mısibətiku.....
