Mediya terrorizm

Mediya terrorizm

Atmosferi xaricədə bıə fəzoədə çı devləton fəoliyyəti bə ğayidə əsos kardey zərurət,qıləy amil be ki,isori bədiqə yəni 1958-ə milodi sori dekabrə manqi 13-ədə İMT umumi assambleya de qıləy co ğətnomə bo fəzoku sulhamizə şikilədə oko doeyrode Kopyus nomi (Committee on the peaceful uses of outer space) çı qıləy xısusi komitə təsis kardey proqnoz kardey be.qıləy ironıjə fizikdon professor Hesabi Kopyusi iclosədə de İroni iminə nımoyəndə nomi iştirokış karde və çı atmosferi xaricədə bıə fəzo komitə Kopyusədə İron həm qıləy fəoliyyəti rolış ifo karde.ironi nımoyəndə  dıqlə təkli doə bıə “rəket ğandə stansiyədə təlimoti bərnoməon bə ro dəğandey” və “stansiyə hovzəonədə beynəlxalğə mıtəxəssion heyəti vositə  qıləy elmi bərnoməon tənzim kardey”nışonışon doe ki,çın dıqlə təklifi har deynən ratifikasiyə və ğəbul be...

De “atmosferi xaricədə fəzoku de sulhamziə məğsədi istifodə kardey komitə və Kopyusi yəni de”elmi iyən texniki komitə” və “huğuği komitə” nomi dıqlə co komitə təşkil kardey,de İMT nəzorəti jiyədə bıə məcmuə nomi məmuriyyətış pəydu karde ta elmi,texniki məsələon və çı fəzoku çokonə bəhrə bardey ayid bıə huğuğiku bəhs kardey bıbu və çın komitəku hosil bıə məlumotaon bəpe bə İMT umumi assambleya hasornə iclosi nışon bıdo.dayimi surətədə bıə fəoliyyəton  və çın komitə koy təğib kardey bə beynəlxalğ huğuğonədə hevujə ğaydəon əsosış noe ki,ım həm de “fəzo beynəlxalğə huğuği” nomi zıney be....

Kopyus 1961-ə milodi sori dekabrə manqi 20-ə ruji de qıləy deklorasiyə sadir kardey rəsmən dıqlə əsl və prinsip ğəbul be:əvvəl ım be ki,atmosferi xaricədə bıə fəzo bəpe bo sulhamizə hədəfonro oko doey bıbu və dıminə ıme ki, atmosferiku bəpe fəzo bəpe bo umum bəşəriyyəti qıləy irsi formaədə bıbu.1963-ə milodi sori İMT de atmosferi xaricədə bıə fəzo əloğədor usuli iyən prinsipial ğanunon hozzı kardero ıştə hevujə surətədə bıə fəoliyyətınış bino karde və bın cəhətədə bə həmonə nuyə texnologiyə dast pəydu kardey mohiyyəti və beynəlxalğə eloniyyə və mığoviləon ğolıbədə inkişofi penc qılə prisnsipi ğanun ratifikasiya be....

Huğuği  usul və prinsip ki,insoni atmosferi xaricədə bıə fəzoədə  və bo peykədə insoni fəoliyəton xoto,de tosə ısət penc qılə deklorasiyə İMT Umumi Assambleyadə bə ratifakasiyə rəse,çımiku iborət be:

1-bə devləton təhğiğotonədə və atmosferi xaricədə bıə fəzoədə  bıə fəoliyyəton hakim bıə huğuği prinsipon deklorasiyə -1q963-ə sori.

2-zəmini peykonku bo universal sərostə televiziyə  bərnoməon pevolo kardeyədə bə devləton hakim bıə usul və prinsipon  1982-ə milodi sor.

3- atmosferi xaricədə bıə fəzo çı diyəroku nəzorəti ayid bıə prinsip-1986-ə sori.

4-bə atmosferi xaricədə bıə fəzoədə  atomi enerji mənbəonku istifodə kardey ayid bıə usul və prinsipon-1992-ə sori.

5- de bə inkişof kardə holədə bıə kişvəron ehtiyocon qıləy xısusi nəzə,atmosferi xaricədə bıə fəzoədə  təhiğiğoton sahədə bo həmmə kişvəron mənffəti xoto qlobal səviyyədə həmkoəti eloniyyə -1996-ə sori.......

Peyki barədə Beynəlxalğə həxon prinsipi ratifikasiyə və şərayiti izohoədə,bəpe bə yod dənoey bıbu ki, huğuği iyən siyopsi bəhson kənoyədə ,texniki iyən informasiyə koonədə çı kişvəron rəyrə inkişofi qıləy muhimmə rolış heste