Ilahi Rəhbəron-124

Ilahi Rəhbəron-124

Çın tələbiku qıləy şəvi bəhs kardey be ki,Huseyn(ə) iyən çəy həx zınə rostəvıjə duston,yəğınışon pəydu kardə be ki,maşkinə ruji çı eşği ğıbonqohədə ıştə coni fido bəkardeyn.əmmo,çı iztirob iyən norohətçəti əvəzi,əvon qıləy aşığonə və arifonə be mislə zumzuməş bıə qıləy fəzoşon ofəye.çın mələkuti eşği barzə noxtə Aşurə ruji zohri zəmon be.yəni dəğiğən vey həssosə ləzə və anədə Huseyn(ə) və çə həzrəti ıştə coniku dəvardə yaro-yavəron qıləy əzəmətinə nımojışon bərpo karde ta bə İlahi dərqo aşığ bıə qırd şəxson omuton ki,hətto vey saxtə şərayitədə həm və çı deşmıni hucumon barzə noxtədə Xıdo zikri viro bekardey nibəbe və fəğət çəy əmniyyətinə pənohqoyədə orom bıey bəbe.....

Beşək, İmom Huseyn(ə) iyən çəy ıştə coniku dəvardə və həx zınə rostəvıjə duston,İlahi çın osmoniyə fərmoniku nəşətış sıəbe ki,hamyedə:”ha imon vardə kəson ha! nımojiku(de mələkuti irtibati) və səbriku (rujəku) komək bıstənən (və ıştə rufi iyən mənəvi ğudrəti ziyodkənən)  və çı saxtiyon mığobilədə istiğomət nışon bıdənən.həyğətən,Xıdo de səbrəkəyon bə icoye”.(Bəğərə-154)...

İmom Huseyn(ə) de Xıdovənde-Aləmi mığəddəsə zoti qıləy aşığonə və arifonə rabitəş hestebe.çə həzrəti Ərəfati səhroədə Ərəfə dıvo həm çəy deştə məbudi bıə qıləy mənəvi barzə səviyyə nışon doydə.şəhidon əğə və salar de məxloği iyən Xıdovəndi dərqoyədə bıə bandəon həm qıləy nığıl iyən təsirinə rabitəş bıə ta bəştə tərədoron omuto ki,de Xalığ iyən məxloği rabitə de iyande tanqə formədəy və ım çı qırd peyğombəron məxsusən İslomi azizə peyğombəri(s) jimonədə mevcud bıə.bın zəminədə İslomi mənbəonədə ziyodə nımunəon mevcude ki,çı İmom Huseyni(ə) de milləti bıə insoni iyən əxloği rabitəonədə mevcude.əmmo bə bərnomə zəmoni məhdudiyyəti xoto,ƏMƏ ISƏT BƏÇƏVON ÇAnDƏ QILƏ işorə kardedəmon.de ın umu ki,Xıdovənd bə Huseyni siyrə və rəftoron əməl kardey tovfiğ iyən ovandəti bəmə ətoko.

İruj Huseyn ibn Əli(ə) qıləy vırəku dəvardedəbe.fəğır-fuğəraonku idastə bəsə zəminisə nıştəbin və xorək hardedəbin.əvon çə həzrəti tələbışon karde ki,deəvon bə ico bınışto və xorək bıho.həmonə yolə şəni soyb bıə imom rəyrə çəvon tələbış ğəbul karde və deəvon bə ico binoş karde bo hışkə nun harde. Peşo ə həzrət çəvonku dəvətış karde əvon bəçəvon kə və mənzil booy.həmonə əziz-qramiyə  imom əvonış çok-çoki ğəbulış karde və de ın tərtibi ıştə ıştə insondustiyəti iyən humansitətiş deştə çokə əməli bə nımoyiş noşe.odəmi dığğəti cəlb kardə çi ıme ki,bızınəmon ki.şəhidon salar və əğə şəhodəti bəpeştə çəy mıborəkə bədəmisə pinə rizon hestebe.İmom Səccodiku(ə) çəy illət və səbəbi dəparseyədə,ə həzrəti hamyeşe:ım çı kisə riz və əsəronin ki,çımı pı şəvi toykiyədə və çı milləti çəşiku bə diyəro bə bexıvandə xıyzonon kə şeydəbe və bo həmonə kəonədə jiyə yətim iyən ehtiyocinə hırdənon nun bardedəbe və  əy bəştə kul noydəbe və bəvon doydəbe.....

İmom Huseyn(ə) ıştə rostəvıjə tərəfdoronku əlovə ki,əy ıştə ulqu zıneydən,bə xəlği xıdməti zəminədə ro nışon doey zıneydən ki,ısət bəçəvon bəzi qıləyni işorə kardedəmon:”hakəs çı qıləy mısılmoni duşiku qıləy ğəmi bo peqəto,Xıdovənd həm çəy dınyo iyən axırəti ğussə çəyku bə diyəro bəkarde. Və hakəs ki,bə cokəson çokətiko,Xıdovənd  həm bəy çoki bəkarde və Xıdovənd çokə ko soybonış piyedə”.

Bə ehtiyiocinə şəxson rucu iyən ovardemoni zəminədə hamyedə:”bızınən ki,ehtiyocinə şəxson bəşmə ovard və muraciyət  kardey min cumlə Xıdovəndi nemətonkuye.milləti bəşmə səmt ovard kardey, dıltanqəti iyən mızəmməti izhori məkən və (ıştə ğudrəti həddədə cəvobdeh bıbu)ki,ehanə ım jıqo nıbu, vey mumkine ım Xıdo doə neməton bə qıləy bədbəxtəti peşonə peşmonəti həni hiç qıləy foydəş ni”.....