Ilahi Rəhbəron-126

Ilahi Rəhbəron-126

İmom Huseyn(ə) ıştə rostəvıjə tərəfdoronku əlovə ki,əy ıştə ulqu zıneydən,bə xəlği xıdməti zəminədə ro nışon doey zıneydən ki,ısət bəçəvon bəzi qıləyni işorə kardedəmon:”hakəs çı qıləy mısılmoni duşiku qıləy ğəmi bo peqəto,Xıdovənd həm çəy dınyo iyən axırəti ğussə çəyku bə diyəro bəkarde. Və hakəs ki,bə cokəson çokətiko,Xıdovənd  həm bəy çoki bəkarde və Xıdovənd çokə ko soybonış piyedə”.

Bə ehtiyiocinə şəxson rucu iyən ovardemoni zəminədə hamyedə:”bızınən ki,ehtiyocinə şəxson bəşmə ovard və muraciyət  kardey min cumlə Xıdovəndi nemətonkuye.milləti bəşmə səmt ovard kardey, dıltanqəti iyən mızəmməti izhori məkən və (ıştə ğudrəti həddədə cəvobdeh bıbu)ki,ehanə ım jıqo nıbu, vey mumkine ım Xıdo doə neməton bə qıləy bədbəxtəti peşonə peşmonəti həni hiç qıləy foydəş ni”.....

Bə cəmyəti xıdmət kardey iyən çı ehtiyocinə fərdon muşkilaton bərtərəf kardey.İslomi iyən Huseyni fərhənqi nəzəku qıləy erjin iyən ğeymətinə əməle.əmmo insoni ıştəni de əxloği fəziləton dərostey  bə həmonə erji əzəməti əlovə kardedə və çəy erji çandin bərobər kardedə.ğasbu həm bə ın dəlili xotoye ki,ə həzrət hamyedə:”ha millət ha!ali və pəsəndidə sıfəton və əxloği xısusiyyəton kəsb kardero de iyande rəğobətkənən və bın mısobiğə meydonədə iyandeyku bənav dəşənən”.

Misri məşhurə ənıvıştonku qıləyni bıə Əllomə Əbdullah Əlayili ıştə”səmmul-məna fi səmmuzat” kitobədə nıvışteydə:”əmə torıxədə de merdon dimbədim omeydəmon ki,çəvon harqıləyni cəbhə iyən cəhətədə ıştə əzəmət və yolyətiş bə nımoyiş noə.qıləyni şucoət,coqləyni isar və ıştə coniku dəvardey və sayirə... əmmo,İmom Huseyni(ə) əzəmət və yolyəti jıqo barz be ki,çəy oxoş nıbə cəhəton bəşəri torıxi qıləy hissəku bıə əzəməti ruşin kardedə.jıqo bızın əv qırd barzə camiyə,kəroməton və barzə insoni iyən əxloği erjon ıştə ehtıvo kardedə”...

De Zeynul-Abidin məşhur bıə İmom Səccod(ə)  bə məşhurə ğovli əsos Hicri-Ğəməri sivı həştminə sori Cəmadiyul-Əvvələ manqi nimədə həzrət Əli(ə) xilofəti oxonə soronədə bə dınyo çəşış oj karde.həzrət Əli(ə) xilofəti oxonə se soronədə muhit vey aşuftə və bəyənde qıniyəbe.Bəni-Uməyyə rujbəruj ğudrət pəydu kardedəbe və hejo həmonə mığdorədə həm əvon de ğətl,zılm iyən ğarəton məşğul beydəbin. bənə yavə mərəzon bıə Xəvaric ki,çı cəholət iyən nodonəti simvol bin,de bə həzrət Əli(ə) zidd bıə canqi çı muaviyə hiyləgər və zolımə hukuməti təsbit və ğoym beyədə qıləy muhimmə rolışon ifo kardə və nəhoyətən həm Əlıi(ə) deçəvon dasti Kufə ibdoəti mehrobədə bıə şəhodəti məğami noyil beydə....

Çəy bəpeştə həm həzrət İmom Həsəni(ə) dasornə imoməti devron bino beydə və İmom Səccodd(ə) qırd bın da sori bəştə buzurquvarə amu de muaviyə bıə qırd canq və dimbədim omey şoyd be.ə həzrət bə Kufə əhli bə ın alicənobə İmomi(ə) ələyh bıə qırd xəyonət və bevəfoəti nəzə kardeydəbe.qıləy bevəfoəti ki, de muaviyə hiyləon vositə nəhoyətən de İmom Həsəni(ə) şəhodəti orəxe.bın zəmoni mıddətədə İmom Səccodo(ə) təğribən çəy mıborəkə umriku senzə sor dəvardəbe ki,çəy pı İmom Huseyn ibn Əli(ə) imoməti zəmon bino be.bən devrədə həm İmom Sccodi(ə) bəştə pı  şəhidon salar bıə İmom Huseyni(ə) de muaviyə bıə keşməkeşon və nomə nıvıştəyon şoyd be.