Ilahi Rəhbəron-127

Ilahi Rəhbəron-127

De Zeynul-Abidin məşhur bıə İmom Səccod(ə)  bə məşhurə ğovli əsos Hicri-Ğəməri sivı həştminə sori Cəmadiyul-Əvvələ manqi nimədə həzrət Əli(ə) xilofəti oxonə soronədə bə dınyo çəşış oj karde.həzrət Əli(ə) xilofəti oxonə se soronədə muhit vey aşuftə və bəyənde qıniyəbe.Bəni-Uməyyə rujbəruj ğudrət pəydu kardedəbe və hejo həmonə mığdorədə həm əvon de ğətl,zılm iyən ğarəton məşğlul beydəbin. bənə yavə mərəzon bıə Xəvaric ki,çı cəholət iyən nodonəti simvol bin,de bə həzrət Əli(ə) zidd bıə canqi çı muaviyə hiyləgər və zolımə hukuməti təsbit və ğoym beyədə qıləy muhimmə rolışon ifo kardə və nəhoyətən həm Əlıi(ə) deçəvon dasti Kufə ibdoəti mehrobədə bıə şəhodəti məğami noyil beydə....

Çəy bəpeştə həm həzrət İmom Həsəni(ə) dasornə imoməti devron bino beydə və İmom Səccodd(ə) qırd bın da sori bəştə buzurquvarə amu de muaviyə bıə qırd canq və dimbədim omey şoyd be.ə həzrət bə Kufə əhli bə ın alicənobə İmomi(ə) ələyh bıə qırd xəyonət və bevəfoəti nəzə kardeydəbe.qıləy bevəfoəti ki, de muaviyə hiyləon vositə nəhoyətən de İmom Həsəni(ə) şəhodəti orəxe.bın zəmoni mıddətədə İmom Səccodo(ə) təğribən çəy mıborəkə umriku senzə sor dəvardəbe ki,çəy pı İmom Huseyn ibn Əli(ə) imoməti zəmon bino be.bın devrədə həm İmom Sccodi(ə) bəştə pı  şəhidon salar bıə İmom Huseyni(ə) de muaviyə bıə keşməkeşon və nomə nıvıştəyon şoyd be.muaviyə de zohirədə bə İslomi hukmon əməl kardey,de həzrət Əli(ə) dəvəşə sima təxrib kardey koy məşğul be və de iştimoyi fikon bə dast dənoey bə ğudrəti kursi təkyə kardedəbe və həmçinin de bənə Hucr ibn Ədiyy və Malik Əştəri bıə məşhur və barzə şəxsiyyəton şəhid kardey,ıştə ğeyri-ğanuni hukuməti ğoym kardey dumo be....

Muaviyə de şəytoniyə hiyləon ıştə cinoyəton sape puşniyedəbe və yəzid ki,de şərobxorəti və eyşo-işrəti məşhur be,əvış ıştə maqi bədiqə  çı mısılmınon xəlifə təyin kardeşe.İmom Zeynul-Abidin(ə) bın da sornə devronədə bə İmom Huseyni(ə) qırd ım siyosi və iştimoyi etat-petaton şoyd be ta qıləy zəmon ki,Aşurə dıjdə fociyə bə əməl ome.çə zəmoniku çə həzrəti məşəğğətin iyən xətərinə risolət və missiyə bino be. İmom Zeynul-Abidin(ə) islomi umməti rəhbərəti məsuliyyəti bəştə ehdə peqətə zəmonədə islomi sərzəmini həmmə vıronədə fəğət şımşi hakim be və çı islomi iyən insoni erj və məntığiku  hiç qıləy nışonə mandə nıbe.jıqo qıləy şərayitədə İmom(ə) Kərbəlo əbədiyə ğəhrəmonətiş bə dınyo rosneşe...