Mediya terrorizm
Mediya terrorizm
Mediya terrorizm
Amerkə iddio kardedəbe ki,bo kosmik proqramon ğəbul kardero saziş kardə kişvəron bə rəsmiyyət zıney çəvon veto həxı ğəbul kardey mənoədə be ki.bəy istinodən har qıləy kişvər ıştə kosmik fəoliyyəton məhdud kardey bəzıneyn.bilaxirin mıfəssələ bəhs iyən mızokirə bəpeştə nəhoyətən Umumi Assambleya 1802-ə ğətnomə de “atmosferi xaricədə bıə fəzoku iktişofədə və çəyku istifodə kardero bə devləton fəoliyyəton hakim bıə huğuği usulon deklorasiyə” 1963-ə milodi sori ratifikasiyə be ki,bəçəy əsos uzv bıə devləton ğəbulışon karde ta çı veyə inkişofi zəminədə kosmik sahədə həmkoətişon bıbu.qıləy İronıjə alim Əbbosəli Kədxodayi bın barədə votedə:harçənd ım ğətnomə fəzoku oko doeyədə ğədəğə və ya hətto bə coqlə kişvəri ələyh təbliğoti şomil nıbu,əmmo qlobal sulhi cəhətədə bə fəzoku istifodə kardey prinsipi təkid kardedəbe.eyni holədə məzkur bıə ğətnomə bə kosmosi peyki vığandə devləti ehdə noydə daxil bıə zərəlo-ziyonon.İronədə beynəlxalğə həxon coqlə ekspert Əlayi peyk antenəon pevolo kardey ozodi həddon həxədə jıqo hisob kardedə ki,bərnoməon transilasiyə və əy zıney ozodəti rəğmən ki,bənə qıləy məlum bıə beynəlxalğə həxon prinsipi nomi,peyk antena soyb bıə kişvəron proflaktik tədbiron vindey bəzıneyn .harçənd bo ın pevolo kardey ozodəti prinsipi nisbətədə məhdudiyyəton həm bıbu,hiçvaxti bə peyk antena soyb bıə kişvəron roziyəti əxzi ayid qıləy ğanunonışon tənzim nıkardeşone……
“Atmosferi xaricədə bıə fəzoku iktişofədə və çəyku istifodə kardero bə devləton fəoliyyəton hakim bıə huğuği usulon deklorasiyə”-ədə muhimmə coqlə nuktə bə osmoni cismon iyən atmosferi xaricədə bıə fəzo nsibətədə çı devləton malikiyyət iyən hakimiyyəti prinsipi nızıney be.bə beynəlxalğə mıxtəlifə bəhson bərobər 1964-ə sori qıləy coqlə təhəvvul iyən hodisə bə əməl ome ki,çı devləton bə fəzoku oko doey fəoliyyəton bıə həssosiyyət ziyod be.bın sori bə İMT tərəfiku bıə hisoboti əsos elon kardey be ki, omə da sori ərzədə yəni detosə milodi 1974-ə sori televiziyə bərnoməon de peyk antenəon vositə sərostə surətədə bə kə iyən xısusi mərkəzon vığandey imkonış bıbu…
İMT ım təmayul İsveçi devlətış vodor karde ki,bo kosmik peyki vığandey huğuği məsləon tərtib kardero qıləy ko qrup təşkil doey təklifış doe və 1968-ə milodi sori coqlə ğətnomə ratifikasiyə kardey həm çın ko qrupi huğuği iyən texniki təhğiğoton məhsul be.İMT 2 maddəynə və 4 bandış bıə məromnomə qıləy devləti coqlə devləton daxili ğıvvon təhrik kardey və çəvrə nəzm iyən oroməti bəyənde jeıyro təbliğoti əbzoronku oko doey ğədəğən kardey be.1947-ə milodi sori 110-ə ğətnomə həmçinin beynəlxalğə mədəni-siyosi huğuği mığovilə 20-ə maddə(1966-ə sori) de oşkoə formə irğon canq kardey iyən təhrik cəhətədə ğədğənış karde.çəy bənav 1936-ə milodi sori de sulhamizə mənffəton cəhətədə bə rədyo ləpə və şuaonku istifodə kardey ki,mığovilə uzvon zərərinə proqramon pevolo kardey ğədəğənış hisob karde və lozım surətədə de surəti çəy pevolo kardey bə əməl vardeşone….
Devləton peyk antena bərnoməon sərostə formədə pevolo kardey prinsipi barədə çı devləton nığılə nəzə ixtilofon boyis be ki,İMT Umumi Assambleya de 1982-ə sori 92-37-ə ğətnomə ratifikasiyə bə devləton televiziyə peyk antena bərnoməon sərostə formədə pevolo kardey prinsipi hakim bıə kulliyə usuli nomi noçorən və iminə kərə de qıləy metodi ğeyd be və ım ğətnoməşon bə ray noşone.ım ray noey məlumış karde ki,çı devləton əksəriyyət təmayul pəydu kardeşone ta navnə peyk antena bərnoməon sərostə formədə pevolo kardey ğəbul kardey roziyəti prisnsipiku himoyə kardey bıə təmayulışon heste.1971-ə sori beynəlxalğə ibemoni radyo konfrans bə ğanunon noey işorəş karde ki,bə vəynə ğəbul kardə kəson roziyəti kəsb kardey lozıməti ayid be və bə peyk antenaon proqramon təkid kardedəbe.ım məsələ 1977-ə milodi sori radyo konfransədə de 6222 numrə ğanuni ğolibədə dərc be.
