Ilahi Rəhbəron-128

Ilahi Rəhbəron-128

Imom Səccodi(ə) bə ubeydulla ibn ziyodi hamyeşe ki,çımı boə deştı şəytoniyə ləşkəri dasti bə şəhodəti məğami rəse və Xıdo əvış nıkışte.bəlkəm çı yəzidi bə İslomi zidd bıə rejimi çəy pokə xunışon bəsə zəminisə rukardeşe.

Imom Səccodi(ə) kəlomi oşkoəti iyən ğətiyyət,çı ibn ziyodi xışm və ğəzəbış rost karde və əy əmrış karde ki,İmomi(ə) bə ğətl bırosno.ə həzrət bəçəy ım təhdidi hiç qıləy etıno nıkardə holədə bəy hamyeşe:mıni de maqi təhdid kardedəş?çəmə fərhənqədə şəhodət qıləy matəm və ğəmənqizə hodisə ni.şəhodət boəmə qıləy kəromət iyən neməte və çəmə bəştə deşmınon ələyh bıə həmməysə foydəninə silohe. əbdullah ki,de imoni dimbədim omey ğudrətış ni və çın cidoli oxo deçəy rısvoyçəti və de həyğəton oşko bıey obərəse,əve əmrış karde İmomi(ə) iyən çı əsiron kərvoni bə şam iyən yəzid ibn muaviyə palu rəvonəko,bıvağndo.

İmom Səccodi(ə) Şamədə həm ıştə həxə mıborizəku dastış nıkəşe və bə həzrət Əli(ə) yavə sıxan və nosəzo votə  və əbu sufyoni xanedani tarif doə xətibi de ğətiyyəti covobış doe və hamyeşe: nifin və nəhlət bıbu bətı ha xətib ha!tı çı məxloği roziyəti bəsə Xıdovəndi roziyətisə tərcih iyən bəpe qəteydəş? Tı bızın ki,ıştı vırə cəhəndımi otəşe.peşo İmom Səccodi(ə)de ğətiyyəti dimış qəte bə yəzidi hamyeşe:bəhaşt bıdə az bışom bəsə minbərisə və qıləy sıxan bıvotom ki,bə ın milləti xoşnudəti iyən roziyəti boyis bıbu. yəzid ibtido de İmomi(ə) ım tələbi rozi beydə nıbe,əmmo de milləti ziyodə təzyiğ iyən etırozi oxoyədə əy bə həzrəte İmom Səccodi(ə) bo sıxan kardey icozəş doe.İmom Səccodi(ə) bəsə minbərisə  barzə məğami soyb Xıdovəndış həmdo-sənoş karde və bəçəy peyğombəri(s) səlomış vığande və hamyeşe:ha millət ha! Xıdovəndi bəmə(Əhli-Byeti) elm,səbr,səxovət,fəsohət,şucoət və bə muminon dılon dustəti iyən məhəbbətış əto kardə.çən,peşo İmomi(ə)ıştə xanedanış oşno karde və jıləvoni sıxanış vote:mı Xıdovəndi vıjniyə peyğombər Muhəmmədi(s) fərzəndm ki,Xıdovəndi əvış bo risolətiro səçınış karde və bəy vəhyış karde.az çı Əliyyibni Əbu-Tolıbi fərzəndim ki,əv bo muminon ulqu,peyğombəron varis və çı şırk iyən bıtpərəstəti pərçəmi məhf kardə kəse.mı çı dınyo həmməysə çokə jenon bıə Fatimə(s)iyən Xədiceye-Kubra(s) fərzəndim.mı ikəsi fərzəndim ki,bəştə pokə xuni ğəlton be və məzlumiyyəti vey oxonə həddədə bıə şəhodəti məğami rəse.