Ayətullah Ziya Abadi

Ayətullah Ziya Abadi

Bəhmənə manqi 20-ə ruji qıləy yolə alimi bəfoti xəbə intişor be ki,çandə dırozə soron ıştə jimonış bo elmi təlim,moyizə və kitobi təlifi koyış vəğf kardeşe.əv çı Şiyə yolə təfsirəvon iyən erjinə çehrəonku qıləyni və ıştə zəmonə məşhurə xətib iyən alimonku qıləyni bıə.ın yolə alim çı nəfsi təzkiyəku sıxan votedəbe.qıləy holədə ki,ıştən çəy bənav deştə rufi pokəti koy məşğul beydəbe və votedəbe:ehanə qıləy kə rəsmon kəşey piye,sıftə bəpe divoon pokkənən və rəsm kəşeydon.çanədə ki,pok nıkon,nuyəti nibəbe.ğərəz Xıdo co çi çəmə dılədə vırəş qətə.puli məhəbbət,jen,riyosət,şehrət və sayirə ımon həmmə sıvoy Xıdoye.qıləy dıl ki,ğərəz Xıdo əyo vırə bıqəto,Xıdo əyo vırəş ni....

Ayətullah Ziya Abadi ıştə hırdənəti zəmoniku kaştemoni shahədə bəştə valideyni komək kardedəbe və çəvon kəno ıştə pı palu Kərimə-Ğıroni nıvıştey iyən handey omutedəbe.çəy pı qıləy məzhəbi məclisonədə iştirok kardedəbe,Seyd Muhəmmədi deştə bə ico bə həmonə məclison bardedəbe.

Seyd Muhəmməd Ziya Abadi vey rə Kərimə-Ğıroni sahədə bıə bə qıləy yolə alimi təbdil be.əv ıştəni təğdım kardeyədə bə qıləy mıxtəsərə kəlmə iktifo kardeedəbe və votedə:”1307-ə Həşi sori çı Ğəzvini Ziya Abad diyədə bə dınyo omim və çun çımı pı Ziya Abadi diy alimonku  be və Ğom şəhr həm de elmi mərkəzi nomi məşhur be,bo dərs handero bə həmonə mığəddəsə şəhri şe. mərhum Ayətullah Burucerdi,mərhum İmom Xomeyni,mərhum Əllomə Təbatəbayi məşhurə ustodon bin ki,əmə deəvon əyşt-nışt kardəmone və ğasbu həm 14-15 sor həm de ın minvoli dəvarde.Həşi 1340-ə sori bə Tehron omim və çı Hocəğə Mıştəhidi mədrəsədə de tədrisi koy məşğul bim.Kərimə-Ğıroni bəhson.təfsir mıəyyənım karde ki,ıştə mınbərim hədəfin bıkom ta bo mıtoliyə kardero ziyodə vaxtım bıbu ki,əlhəmdu lillah bın barədə ziyodə tovfiğ iyən ovandətim pəydu karde.çandə ki,zum vışkiye de ğələmi nıvışteme və mıntəşir bıə kitobon,kasseton heste. çımı jimoni xulosə ıme və çəy qırd cuziyyoton lozım ni”....

Ayətullah Ziya Abadi norohətçəti çı insonon hərəbaxtəti ioyən çəvon bə Hikməti soyb və Vohidə Xıdo  bıə imon be.ıştə muxatəb və təğib kardə kəsonku tələb kardedəbe ki,bo fik kardero ruji i saat təyinkon.əv votedəbe:nicot pəydu kardə kəs ə kəse ki,əvvəl ıştənış pok kardə.tovbəko,çən peşo həm Xıdo hozı-nozir bıvindo.i mıddət ki,məşğış karde,dırıst bəbe,peşo İlahi ruf bəbe.bəpe əmə ıştən pok bıbəmon ta cokəson pokkəmon.