Ilahi rəhbəron-132

Ilahi rəhbəron-132

Çın sıvoli cəvob ıme ki,ə həzrət de ıştə cəddi həzrət Əli(ə) Siffeynədə de muaviyə və çəy amu İmom Həsən(ə) bəçəy dınyotələb iyən mınofiğə tərəfdoron xəyonət və nodonəti dəlili xoto  kardə canqonku vində məğlubiyyəti təcrubə kardə holədə ki,vindəşbe əvon çokonə Aşurə fociyədə qıləy rolışon hestebe. əve ə həzrət  de ın dastəon silohinə mıborizə və ğıyomış bə islomi dınyo nəf və xeyri və məsləhətiş nızıne.zira ğərəz çandə həzo beqınoə insoni xuni rukardey çəy həni coqılə foydəş nıbe.ə həzrət muaviyə hukuməti zəmonədə hərəkət kardə de İmom Həsən(ə) iyən İmom Huseyn(ə) namə canqi metodi hərəkət kardedəbe.joqo ki,dəvardə bərnoməonədə votemone ki,İmom Səccod(ə) çokonə deştə ğərra xutbəon de ğəflətədə bıə milləti oğo kardey koy məşğul beydəbe.ə həzrət tam jeydənıbe və dayima çı Xıdo-Rəsuli(s) pokə xanedani bə milləti təğdım kardedəbe və çı əməvi xanedani mırdolə mohiyyəti boəvon oşko və məlum kardedəbe və çı milləti bəçəvon ələyh ğıyom kardey zəminə hozzı kardedəbe.kali

Kali şuur səviyyə saru bıə kəson təsəvvır kardedən ki,İmom Səccod(ə) Xıdo royədə cihod iyən canqiku tarsış hestebe və de həmonə nəzə bə Tobə mıborəkə surə 111-ə şərifə ayə istinodən ki, Kərimə-Ğıron hamyedə:”həyğətən,Xıdo muminonku çəvon con iyən molon de vəhışti ğeyməti hıryeşe. əvon Xıdo royədə canqedən və kışteydən iyən kışte beydən”.əmmo İmom(ə) çəvon cəvobədə hamyeşe:”ehanə Xıdovəndi bə surədə ğeyd kardə kəson xısusiyyəton soyb bıə şəxson pəyduئ karde,bəvədə de əməvi fosidə nizomi canq kardero az hozzım .çoko ki,Xıdovənd çəvon tevsifədə hamyedə: tobəkəyon, ibodətəkəyon,(İlahi drəqoyədə)sıtoyişəkəyon,rujə qətəkəson və rukuəkəyon iyən səjdə kardə kəson,bə mərufi əmr kardə kəson və yavə çiyonku oqətəkəson və İlahi həddon nığo doə kəson (rostəvıjə) muminon Xıdo fərmonış doə ki,bəvon mıjdəvoni iyən bəşorət doey beydə”.....

Beşək,ehanə jıqo barzə fərdon İslomi camiyədə mevcud bıəbe,İmom Səccod(ə) de əməvi xanedani mıborizə bardey pərçəmi bətşə dast əqəti və əməvi sulolə həni bə ğudrəti təkyə kardey nıəznin ta çəvon ıştəni bə dınyo kamə səmərə həvatə ləşkər həni bə İlahi mığəddəsə hərəm və bə peyğombəri(s) mələkutiyə hərəmi təərruz iyən təcavuz kardey və bın mığəddəsə məkononədə jıqo cinoyəton bə vırə rosney nıəznin.coqlə dəlilonku qıləyni nışon doydə ki,İmom Səccod(ə)  viloyətmədor və bəfodorə dustonış nıbe ta ğıyomko,bedin,fosid iyən de eyş-işrəti məşöul bıə hakimon bə ğudrət rəsey be.de yəzidi maqi,əbdullah ibn zubeyr  ki.çı canqiku solim mandəbe və çandə dırozə soronbe ki,bə xilofət iyən hukuməti rəsey fikədə be,Məkkədə ğıyomış karde və çı Hicoz,Yəmən,İrağ iyən Xorasani milləti deəy beyətışon karde.co tərəfiku həm mərvan ibn həkəm ki,çı peyğombəri(s) vey ğəddorə mıxolifonku be və de ə həzrəti vositə çı Mədinəku dərbədər və tojney bıəbe,çı muaviyə ibn yəzidi hukuməti vadoey bədiqə, ğudrəti nıxtəş bəştə dast qəte.əv Şam iyən Misrış bəştə hakimiyyəti jiş varde.çəy bədiqə çəy zoə əbdulməlik ibn mərvan Hicri-Ğəməri şestı pencminə sorədə bə hukumət rəse və Hicri-Ğəməri hafto seminə sori əbdullah ibn zubeyr ki,Məkkədə huumət kardedəbe,bə mıhosirə qətey bədiqə kıştey be.Əbdulməlik kıştey bədiqə Mədinədə xutbəş hande və oxoyədə jıqoş vote:bə Xıdo ğəssəm çımi bədiqə har qıləy fərd ki,bəmı İlahi təğva rioyət kardey tevsiyəko,əy bəkıştem.əbdulməlik əslən qıləy berəhm iyən sıtəmkorə odəm be və ıştə mıxolifon kışteyku hiç qıləy tarsış nıbe.çəy xıdmətkoron və ətrofədə bıə kəson həm bənə əy bin ki,çəvonku çandə nəfər iborət bin çımonku:əbdulməliki İrağədə bıə xıdmətkor həccac ibn yusif səğəfi,Xorasanədə bıə mehləb ibn əbi sufrə,Mədinədə bıə hişam ibn ismail,Misrədə bıə əbdulməliki zoə əbdullah,Yəmənədə bıə çı həccaci boə muhəmməd ibn yusif səğəfi və Cəzirədə bıə muhəmməd ibn mərvan.