Həzrət Əli(ə),Kəbə Kə mevlud

Həzrət Əli(ə),Kəbə Kə mevlud

Muhəmməd Əmin bəştə amu kə daxil be.Əbu-Tolıbi jimoni həmro Fatmə binti Əsəd bə ə həzrəti ehtırom noə holədə bəsə səpoysə əyışte.Muhəmmədi(s) hamyeşe:çımı moə!şımə dıconiyon, məyıştənən.az rozi nim şımə bəçımı xoto,bəsə səpoysə bəyıştənən.Fatmə binti Əsədi voteşe:bə Xıdo ğəssəm,havaxti tıni vindedəm çımı rəhmədə bıə qıləy fərzənd  jıqo vırəbəvırə beydə ki,mı həm məcbur beydəm ıştə vırəku rost bıbum.

Fatmə binti Əsəd ıştə hamiləti oxonə rujonədə bəsə dəvardə zəmononsə vey bə Xıdo Kə təvofi səmt şeydəbe.həmonə rujonku qıləyniyədə Məscidul-Həramədə nıştə millət de qırd təəccıbi vindeşone ki,Kəbə divo ihissə (Yəmani rukn) poə be və Əbu-Tolıbi jimoni həmro Fatmə binti Əsəd bə Kəbə Kə dılə şe və çı heyrəti dılədə bıə milləti mığobilədə həmonə divo ijən bəyənde dəçıke.ım mevzu bilofosilə qəvbəqəv bə həmmə vırə pevolo be və bə Məkkə qırd merd iyən jenon quşi rəse və həmməkəs mıntəzir be və çəş kardedəbin ki,həmonə bə milləti çoçinəti boyis bıə ın macəra oxo çokonə bəbe?.Əbu-Tolıbi jimoni həmro seruj Kəbə kədə mande və çominə ruji Kəbə Kəy kəno cəm bıə odəmon bə ikkərə vindeşone ki,Kəbə kə divo ijən poə be və həmonə səbarzə jen qıləy holədə ki,çəy vanqoyədə qıləy nuyəzandə hırdən hestebe,həmonə divo poə bıə vırəku xaric be.çandə ləzə bəpeştə Fatmə binti Əsəd qıləy holədə ki,çəy çehrədə qıləy təbəssım hestebe və dimış sıredəbe,bə əyo bıə kəson voteşe:ha millət ha! Xıdovəndi bəçımı ım zotış pok bıə fərzəndi xoto mınış bəsə coqlə jenonsə barzış qəte.zira bə hiç qıləy jeni de tosə ısət jıqo qıləy icozə doey bıəni ki,Xıdo kədə ıştə hırdəni bə dınyo biyoy.əmmo,Xıdovəndi ıştə kəş çımı ixtiyorədə noşe ta mı ıştə fərzəndi həmonə mığəddəsə məkonədə bə dınyo biyəm.

Fatmə binti Əsəd ıştə nuyəzandi bə kə vardeyədə,Muhəmməd Əmin əyo be. Fatmə binti Əsədi pokə fərzəndi de tosə həmonə ləzə ıştə çəşış oj kardə nıbe.çoko ki,həzrəte Muhəmməd(s) deştə amuyəzo bə dınyo omey mınosibəti təbrik votə holədə əvış bəştə vanqo qəte və bın zəmon həmonə nuyəzandi ıştə çəşonış oj karde.həzrəte Muhəmmədi(s) həmonə nuyəzandış pusəş karde və çəy nomış Əli noşe və bəştə amu iyən amuyəjeni mıjdəvoniş doe ki.həmonə ım nuyəzandi voəmədə qıləy dəvəşə rujon çəş kardedə...