Ilahi rəhbəron-134

Ilahi rəhbəron-134

Peyğombəri(s) rehləti bəpeştə  məxsusən əməvi hukuməti zəmonədə ziyodə təhrifon bə əməl omə be ki, İmom Səccodi(ə) deəvon mıborizə bardedəbe və bın royədə ziyodə şoqirdonış perosnəbe.Təşəyyu iyən Şiyə yolə alimonku bıə Şeyx Tusi  ıştə “Rical” kitobədə İmom Zeynul-Abidini(ə) məktəbədə perəsə şəxson rəğəmış se sa nəfər ğeydış kardə.İmom Zeynul-Abidini(ə) məktəbədə perəsə şəxson ku qıləyni həm S`əd ibn Musəyyib be.ə həzrət ıştən çı S`əd ibn Musəyyibi barədə hamyedə:”S`əd ibn Musəyyib bə İslomi sıftədə bıə əslə İslomi maarifon çı milləti həmməysə veyə aqahətiş heste və ıştə rujiqorədə çı əndişə nığıləti iyən dərki nəzəzku həmmysə vey ruşinə şəxse”....

İmom Zeynul-Abidini(ə) məktəbədə perəsə şəxsonku qıləyni həm Əbu Həmzə Somaliye ki,İmom Rıza(ə) çəy barədə hamyedə:” Əbu Həmzə Somali ıştə zəmonədə bənə İslomi peyğombəri(s) bıə Səlman Farsi be.Əbu Həmzə ki,İmom Səccodi(ə) bəpeştə çı İmom Məhəmməd Bağıri(ə) iyən İmom Sadıği(ə) məhzərış həm dərk kardəşbe,İmom Zeynul-Abidiniku(ə) rəsə dıvoş nəğl kardə ki,Rəməzonə manqi səhər və sıbhi vaxtonədə handey beydə və de Əbu Həmzə Somali nomi məşhure.coqlə məşhurə şəxsiyyətonku qıləyni ki,İmom Zeynul-Abidini(ə) məhzərədə ziyodə bəhrəş bardə,Səid ibn Cubeyre ki,elmi nəzəku  şehrət iyən qıləy məxsusə məğamış hestebe və nəzə soybon votəşone ki,zəmini dimisə ikəs ni ki,bəçəy ziyodə elmi və zıney qıləy ehtiyociş nıbu.əv çı ziyodə elmi soyb bıeysə əlovə,həmçinin bə qıləy barzə şucoəti həm malik be və de İmom Səccodi(ə) qıləy nez və nığılə rabitəş hestebe.həccac ibn yusif səğəfi ki,əməvi hukuməti zolımkorə məmuronku qıləyni be,çın rabitəku xəbədo bıey bədiqə əmrış karde ki,əy dastqirkon,bıqəton və bə saray biyon.həccaci binoş karde deəy bəhso-cidoli və qıləy zəmon ki,vindeşe çəy har qıləy sıvoli mığobilədə əv qıləy alimonə və ğoymə cəvob doydə,əve ğəzəbin be və çəy bə ğətl rosney iyən şəhid kardey əmrış sadir karde.....

İmom Zeynul-Abidini(ə) bo mıborizə bardero coqlə əhəmiyyətinə koonku qıləyni çı dıvoku qıləy usuli bəhrə bardey be ki,dini təsirinə təlimon bənə çı muminin silohi nomi ğeyd bıə və İslomi tərbiyə fərhənqədə çı ibodəti mazq və ruf bə hisob omeydə.zira çı insoni de hestemoni aləmi məbdə irtibot və rabitə amile.dıvo bə insoni çəy vey saxtə şərayitonədə qıləy oroməti baxş kardedə və çəy əxloği iyən insoni erjon soyb beyədə ziyodə əsosinə rol ifo kardedə.dıvo həmçinin ə məsuliyyəton xətton təyin kardedə ki,har qıləy insoni əvış bəştə duşış peqətə və və insoni bəçəy və beşə sıvonku nicot doydə, peroxnedə.İmom Səccod(ə)  de jıqo nəzə çı dıvo mənəvi metodiku bəhrə bardedəbe və  ıştəku qıləy boho ğeymətinə əsər yəni “Səyefey-Səccodiyyəş” bə yodıqor haştəşe.Ğomi elmiyyə hovzə idorə tərəfiku bə əhlı-sınnəti yolə alimonku qıləyni və “Əlcəvahir” nomo Ğıroni təfsiri soyb bıə Təntavi “Səyefey-Səccodiyyəku” qıləy nusxə vığandeyədə,əv əy mıtoliyə kardey bədiqə çəy barədə nıvışteşe:kitobım de təkrim və ehtıromi bə dastım peqəte və əvım qıləy yeqanə kitobım vinde ki,bə elmon,marifon iyən hikməton şomil beydə ki,ğərəz əv coqlə vırədə əvoni pəydu kardey beydəni.həxədə bəbe votey bıbu ki,çəmə siyuə baxtikuye ki,de tobə ısət nıbuvvəti xıyzon iyən Əhli-Beyti(ə) xanedaniku jıqo qıləy  əbədi bə irs mandə boho ğeymətinə əsərım pəydu kardəm nıbe.az çandə de dığğəti bəvədə mıtoliyəm karde, vindeme ki,çı məxloği kəlomisə barz və çı xalıği kəloomiku saruye.bərosti çanədə boho ğeymətinə kitobe.....