Mediya terrorizm

Mediya terrorizm

Beynəlxalğ Təşkilot həni Beynəlxalğ Kommunikasiyə ərsədə Rabitə Beynəlxalğə İbemone(İTU). Im İttifoğ  de Telegraf Beynəlxalğə İbemon de Besimə Beynəlxalğə İttifoği ivrədə cəm bıey 1933-ə sori təşkil be. Dıminə Dınyo Canqi bəpeştə milodi 1947-ə sori de İMT de Kommunikasiyə Beynəlxalğə İttifoği rabitə barədə nuyə konvesiyə tərtib kardey be və Atlantik Siti konfransədə bastey be.çın konvensiyə sənəd milodi 1949-ə sori bo icro kardero lozım  vindey be.Kommunikasiyə Rabitə Beynəlxəlğə ısətnə Konvensiyə  həm milodi 1992-ə soriku ğəti iyən icroş lozım be….

Kommunikasiya həxı məfhum tojə vaxtonədə daxili,beynəlxalğ iyən kommunikasiyə həxon bəhsonədə oko doey beydə.ım məfhum bənə sıxani ozodi iyən məlumoti ozodi həxi bıə məfhumon təkamuli seyri nəticəy.məlumoti ozodi feodalizmi devroniku de tosə kommunikasiyə zəmoni çı bəşəri ruşd və ozavziye təbiiyi təkamuli hosil və məhsule ki,dıqlə  Di Təsərrufoti iyən Sənaye inğılobiku dəvardə.rabitəon əsr və zəmon  çı sənaye inğılobi məhsule.qıləy inğılob ki,kommunikasiyə fərhənqış pevolo və hevujış kardey zınə.ım huğuğ bə qəncin iyən fəğırə kişvəron miyono fosilə və məsofə kam kardey lozıməti hosil və məhsule.de qıləy co iborəti bə həxon iyən irtiboton dığğət kardey,aqahəti ixtilofi kam kardey mənoədəy. 1980-ə milodi sori Yunseko Beynəlxalğ Komissiyə tevsiyəş karde:kommunikasiyə barədə demokratik camiyə ehtiyoc bəpe bənə “məlumot pəydu kardey həx,məlumot doey həx,bə xısusi jimoni ehtırom noey və umumi rabitəonədə iştirok kardey həxon” bıə xısusi həxon tədvin iyən tərtib kardey royku təmin beydə.ım həxon həmmə kommunikasuiyə həxon nuyə əndişə və təfəkkuri çərçivədə bə formə dəşe və təşəkkul pədyu kardedə....

Çın tevsiyə dəvomədə Yunseko ko qrup 1980-ə sori sentyabrə manqi 11 iyən 12 ruji Ottavadə bıə iclosədə irtibot iyən rabitə həxıku qıləy tərifişon nışon doe.tıbğe ım tərif fundamental prosesi rabitə iştimoyiye ki,bə fərdon iyən camiyə çı məlumoti və əğedə mubodiləon imkonəti doydə,irtiboti həx çı bəşəri və ıştimo qırd strukturi əsosinə ehtiyoce və bərobər formadə bə fərdon iyən camiyə doə bıə rabitə həxon şomil beydə.bın tərifədə bə dıqlə əsosinə unsiyyəti həxon yəni bə rabitəonədə  ozodi iyən əğedə ozodəti işorə bıə.unsiyyəti ozodəti İMT siyosi iyən mədəni beynəlxalğğə həxon mığovilə 19-ə maddədə həm ğəbul bıə.İron İslom rsepublikə əsosə Ğanun və ya Konistitusiyə həm fundamental  həxon və ozodətiyonış ğəbul kardə və de vistı çominə əsl və prisnipi vositə nəşriyyat və mətbuatış ozodi mətləbonış hisob kardə.illa ki,bə İslomi usulon iyən umumi həxon zidd bıbu....