Ilahi rəhbəron-137

Ilahi rəhbəron-137

Həzrəte İmom Məhəmməd Bağır(ə) Hicri-Ğəməri penco haftminə sori Rəcəbə manqi sıftənə rujonədə  Mədinə şəhrədə çı ismət.təhorət,elm iyən fəziləti mərkzədə bə dınyo çəşış oj karde.bəy Muhəməd,Əbu Cəfər, Kunyə və Bağirul-Ulum yəni elmon poəkə nomışon noe.Şafiyi məzhəbi yolə alim və fəğih bıə İbn Həcər Həytəmi ıştə “Səvaiğ”kitobədə jıqo nıvışteydə:”bəy Bağır nomışon noe və ım kəlmə  çı “Bəğərul-Ərzi” kəlməku yəni zəmini  poəkə mənoku əxz kardey bıə və kayinatış oşko kardedə.zira əv həm çı maarif, hukmon,hikməton və lətofəton oxonə həyğəton və xəzinəonış heste ki,fəğət bo kırtə nəzə soybon iyən nopokon məxfi be,oşkoş karde…..

Ə həzrət qıləy xanedanədə bə hestemoni aləmi ərsə poş noe ki,əvon har cəhəto həmməysə barz və fəzilətin bin.zira,çə həzrəti buzurquvarə pı çı İmom Huseyni(ə) zoə İmom Səccod(ə) fərzənd be və çə həzrəti inə həm İmom Həsəni(ə) kinə Fatmə be ki,qıləy vey alimə və mığəddəsə banu be.bəçəy xoto çə buzurquvarə İmomi(ə) həxədə votey bıə:”Ələviyyun min Ələviyyin və Fatimiyyi min Fatiməyyəyni min Haşimeyyiyni.qıləy Ələvi ki,çı dı tərəfiku Ələviye və qıləy Fatimi ki,dı tərəfiku Fatimiye və qıləy Haşimi ki, dı tərəfiku Haşımi be”.İmom Sadığiku(ə) nəğl bıə ki,qıləy ruj İslomi azizə peyğombər(s)bəştə mahbub iyən təğvaninə səhobəonku qıləyni Cabir ibn Əbdullah hamyeşe:”ha Cabir ha!  Xıdovənd bətı dırozə umr əto bəkarde ta qıləy zəmon ki,çımı fərzənd Məhəmməd ibn Əliyyibnil Huseyni ki,çəy nom Tevratədə de Bağır nomi ğeyd bıə,bəvindeyş və bəzəmon çımı səlomi bəy bırosniş...