Şiiə yolə alimon-94

Şiiə yolə alimon-94

Biharul-Ənvari kitobi coqlə xısusiyyətonku qıləyni ıme ki,Əllomə Məclisi çın dıjdə məcmuə har qıləy fəsli de mınosibə ayəon binoş kardə və har vırədə bə ayəon təfsiri ehtiyoc bıə,çı mıfəssir iyən təfsirəvonon nəzəş bəyon kardə.ayəon iyən təfsiri zikri bəpeşt,de həmonə mevzu əloğədor bıə hədisonış nəğl kardə və ziyodə vıronədə bə rəvoyəti şərhi işorə kardedə vəbo muxatəb iyən handə kəson fame və sərəseyro saxt və çətin bıə kəlməon izohış doə.əv çı rəvoyəton şərh və təfsirədə çı bənə luğət,təfsir,kəlom,torıx,əxloğ və sayirə mıxtəlifə mənbəonku okoş doə.ım şərhon çın muhimmə hədisi məcmuə və kolleksiyə imtiyozonku qıləyniye....

Əllomə Məclisi rehləti bəpeştə Səfəvi hukuməton qədə-qədə ıştə ğudrətışon çı dasto doe və de əfğaniyon bə İroni hucum kardey və de çəy poytaxt İsfəhoni təsxir iyən işğal kardey,təğribən bə dı sa sor bə İroni hukumət kardə Səfəvi sulolə hukumə bə oxo rəse.Səfəviyyə suğuti zəmoniku de tosə Nadir şahi podşoəti və Əfşariyyə sulolə zuhuri zəmoni 13 sor dəkəşe və bın mıddətədə kişvər bə qıləy mərkəzi hukuməti nıbey və bə xarici ğıvvon hucumu dəlili xoto,bə siyosi iyən iştimoyi aşuftəti iyən xaosi dıço be.Səfəviyyə zəmonədə qıləy oromətişon bıə elmi əhli əmniyyət çı miyoniku şıəbe və bo tədris iyən təhğiğiro qıləy mınosibə şərayit mevcud nıbe.jıqo qıləy devronədə Əllomə Vəhid Behbəhani bə elm iyən fəğohəti meydoni poş noe və de qırd saxtiyon iyən kaxtiyon bə ico Əhli-Beyti(ə) məktəbi pərçəmış bəştə duşış peqəte və bənə qıləy mıcohidi istiğomətış nışon doe.Əllomə Vəhid Behbəhani  Hicri-Ğəməri donzəminə əsrədə Şiyə yolə alimonku qıləyniye.əv iyən çəy şoqirdon fiğhi yolə sutunonku bə hisob omeydə və çı Şiyə fiğhi pokə ayini mıdofiyədə qıləy dıjdə təhəvvulot və hdosiə sərmənşə bin. ...

Əllomə Məhəmməd Bağır Vəhid Behbəhani  İminə Məclisi nəvəonku qıləyni be ki,Hicri-Ğəməri 1117-ə sori İsfəhonədə bə dınyo ome.bə zəmon İsfəhon qədə-qədə ıştə elmi mərkəziyyəti ıştə dasto doydəbe.kali şəxson jıqo hisob kardedən ki,Əllomə pı Muhəmməd Əkməl İsfəhoni bo de İsfəhonədə ziyodə rəvoc pəydu kardə Əxbari məsləkon mıborizə bardero bə ım şəhr şe və kali şəxson İsfəhoni şəhri həmonə devronədə bıə siyosi iyən iştimoyi aşuftəgi iyən bəyənde qıniye xoto bə ın şəhr şeey zıneydən.boçi ki,Behbəhoni şəhr bın zəmonədə bo əhle elmi nisbətən qıləy oromə şəhr bə hisob omeydəbe.Muhəmməd Bağır ıştə alim iyən cihodəkə pı sayədə deştə elm iyən fəziləton məşhur be.əv si sor bın şəhrədə mande və səyış karde ta milləti miyono bə nav beşə ixtilofon həllko.....

Əllomə Vəhid Behbəhani  ki,İslomi elmonədə qıləy mohirə alim be,fiğh iyən usuli elmon zəminədə ziyodə kəşfonış bə yodiqor haşteşe və çı Şiyə elmiyyə hovzədə qıləy nuyə ufuğış təsisiış karde.Əllomə Vəhid Behbəhani  nəyinki,fəğət usuli-fiğhi zəminədə qıləy nuyə elmış icod karde,bəlkəm bənə kəlom,rical iyən hədisi elmonədə həm bə barzə elmi dərəcəon dastış pəydu karde.çun fiğhi iyən usuli bəhson çı alimon palu qıləy barzə vırəş hestebe,mərhum Əllomə Vəhid Behbəhani  icod kardə fevğaladə elmi kəşfon ki,qıləy dıjdə təhəvvulış bə əməl vardəşbe, ğafil mande və ya kam məlum be.mərhum Vəhid Behbəhani ricali iyən dirayə bəhsonədə ziyodə kəşfonış həm bə vucudış varde....