Ilahi rəhbəron-144

Ilahi rəhbəron-144

İmom Məhəmməd Bağıri(ə)  bo əslə islomi bə milləti rosney vəyə qəteyro bəni-uməyyə ıştə dasto omə har qıləy ğeyri-insoni koy əncom doydəbin.əməvi hukmdoron bənə ısətnə zolımə hukuməton səy kardedəbin çı məsumə imomon(ə) iyən çəvon tərəfdoron çehrə və sima xərobkon ta həzrəte Muhəmmədi(s) vardə əslə islomi əndişə və təfəkkuri nufuzi vəy qətey bıbu.əvon ıştə bə ın hədəfi bə həyğət rosnero mıxtəlif nev fırğəonışon icod karde və əvonışon himoyə kardeşone.çoko ki,ımruj kufri dınyo de bənə amerkə iyən səudiyyə ərəbıstoni himoyə kardə DAEŞ iyən co mınhərif,şəytoni iyən  terroristə dastəon təşkil kardey və əvoni himoyə kardey, əslə İslomi dəvəşə çehrə xərobko.qıləy rəvoyətədə omə ki,İmom Bağır(ə) deştə buzurquvarə fərzəndi bo Həcci mərosimi bə vırə rosnero bə Məscidul-Hərami səmt hərəkətışon karde.Həcci mərosimədə ziyodə odəmon cəm bıəbin və həmçinin hişam ibn əbdulməlik  həm bə islomi hukmon zohirədə əməl  kardey məğsədi bə Xıdo Kə ziyorəti tərəf oməbe.İmom Məhəmməd Bağıri(ə buzurquvarə fərzənd İmom Sadığ(ə) hissış karde ki,ın ləzə və an qıləy veyçokə fırsəte ki,de Şiyə xısusiyyəton elon kardey çı əməviyon şəytoni iyən deşmınə siyosəti vəy bıqəton.bə həmonə dəliıi xoto ıştə uzurquvarə pı məhzərədə bəsə poysə əyşte və və de qıləy ruşinə bəyoni rostə şiəyon xıslətonış amarde və hamyeşe:”əvon camiyədə mənəvi,əxloği iyən iştimoyi  əshob iyən dustonin və çı Əhli-Beyti  həyğiyə varison bıə hisob omeydə”....

Kulliyə formədə votey bəbe ki,xilofəti ğəsb kardə hakimon çı İmom Məhəmməd Bağıri(ə) təlimon pevolo bıeyku və mevğıyyətiku de şiddəti norohət bin və de mıxtəlifə bəhonə dılışon hestebe çə həzrəti əzəməti darışton.hişam ibn  əbdulməliki Həcci mərosimiku oqardey bəpeştə əmrış karde ki,çəy huzurədə sıxan kardə İmom Bağır(ə) iyən İmom Sadığ(ə) çı Mədinəku bə dəməşğ biyon.İmom Sadığ(ə) nəğl kardedə ki,əmə bə bə Dəməşğ daxil bimon və hişami se ruj əmənış ğəbul nıkarde.çominə ruji əməşon bə əməvi saray daxil kardeşone.hişam qıləy taxtisə nıştəbe və çəy saray əhl çəy mığobilədə de tiy ğandey və hədəf qətey koy ıştə səşon tasbonəbe.hişami çımı pış deçəy nomi vanqış je və voteşe:deştə ğəbilə yolon tiy bığand.çımı pı hamyeşe:az piy bıəm.həni mıku dəvardə.mıni bıbaxş.hişam ki,çımı pı təhğır kardey fikədə be və dılış hestebe əy ociz nışon bıdo,təhdidış karde ki,hukmən bəpe ımko bə vırə bırosno və bə əyo bıə kəson qıləyni voteşe ki,ıştə kəmoni bəy bıdo.çımı pı çoko ki,vindeşe həni çəy co çorəş ni,əve kəmonış bəştə dastış qəte,okışrnışe və tiyış bə hədəf ğandeşe.iminə tiy dırıst bə hədəfi qıniye.dıminə tiy həm bə iminə tiyi miyon dəşe və əvış poə karde.seminə tiy bə dıminə və çominə qıləyni həm bə seminə qılə sape və de tosə nəvminə qılə hakəza.həmmə vırədə əhsənt və təşviği sədo rost be.hişam ki,ım səhnə çəş kardedə nıbe,beğərol vanqış je:affərin Əba Cəfər.tı ərəb iyən əcəmədə çı tiy ğandə kəson sərvəriş.boçi jıqo nışon doey piyedəbe ki,tiy ğandey ıştıku dəvardə?