Rujə Mo adəton

Rujə Mo adəton

İron qıləy kanə,hevuj iyən çı mıxtəlifə ğovmonku iborət qıləy kişvəre.çın sərzəmini mıxtəlifə ğovmon camaat hasor de qıləy şovğ iyən həyəconi qıləy vəsf nıbə holədə ıştə milli iyən məzhəbi mərosimon bə vırə rosneydən və bın mərosimədə ıştə dini iyən milli ayinon de vey çokə formədə icro kardedən.İronədə çın muhimmə məzhəbi ayinonku qıləyni bə Rəməzonə manqi məxsus ayinonin ki,çın kişvəri mıxtəlifə məntəğonədə bərpo beydə.

Az Əli qıləy İronıjə cıvonim.çımı ko bə İroni viloyəton səyohət kardeye.təğribən mı bə İroni həmmə vıron yəni şəhr və diyon səfəm kardə və de İroni mıxtəlifə milləton ayinon çı neziku oşnom.əmmo,Rəməzonə manqi rujonədə həm farğ kardedəni,İroni har vırədə həm bıbuş.çın hevujə sərzəmini har qıləy quşə və məkonədə həm bıbuş,ğurubi zəmonədə İronıjə iftori xosə bu çı har qıləy milləti və xıyzoni kəyku rost beydə və ım bu qırd kuçəon pur kardedə və səhər iyən iftori vaxti mınocot iyən dıvo sədo və İroni sərzəmini həmmə şəhr iyən doyonədə jiyəsakinon qıləy çokə hiss baxş kardedə.çəmə İronıjon miyono kanə adətonku qıləyni sığ ya anquli ğandey mərosime ki,ısət həm İroni sərzəmini kali məkononədə bərpo beydə.bə ım adəti əsos Rəməzonə manqi bino bıə ruj bənav ğurubi zəmonədə həmmə camaat qıləy hırd ya dıjdə anquli bəştə dast qəteydən iyən vəbə ğıblə mandedən və votedən:Xıdolim ha! Iştə dəvardə bevəcə qıno iyən koonım darışte və ıştənım bo Rəməzonə manqədə ibodət iyən rujə qətey hozzım kardə.peşo həmonə ıştə dastə qətə anquli mehkəm bə zəmin ekkuyedən ta hırd bıbu və jıqo əğedəşon heste ki,de ım anquliyon darıştey çəvon yavə əməlon həm arıştey və məhv beydə.....

İronıjə cıvonon həmmə hırdənəti devroniku səhəri və çəsənə hardeyku qıləy xoşə xotırəş heste. mı həm  yodəme ki,hələ ımrujnə texnoloqiyə jəqo həm inkişofış pəydu kardəş nıbe və hələ zanq jıə saaton nıbe,hamsuyəonku qıləyni vəzifə coqlə hamsuyəon haniku oğo kardey be və əv qıləy məxsusə zəmonədə zanq jeydəbe ta çı kəon əhali oğo bıbon və bo səhəri iyən çəsənə hardero və həmən sıbi nımoji bərpo kardero hozzı beydəbin.peşonə soronədə bə Ğomi mığəddəsə şəhri səfəm kardəbe.dərəsim ki,ım adət bın şəhrədə detosə ısət mvecude və əyo millət bəy Səhərxani ya çəsənə handey votedən.de ım şivə ki,i dastə səhəri zəmonədə məxsusə mınocot handedən və de fanus və fənəri kuçəonədə hərəkət kardedən və hamsuyəon oğo kardedən.nəyinki,fəğət Ğomədə bəlkəm bənə Xomeyni bıə coqlə şəhronədə həm ım adət mebvcude.Xomeynədə nevcıvonon ımkoşon bəştə ehdə peqətəşone və de təbli jıey hamsuyəon haniku oğo kardedən....

İronədə Rujə mo səhəri zəmonədə kanə dəbonku qıləyni Şəvxani ya bəşəvnəy  handeye ki,ım mərosim vey vaxti Cənubi Xorasani ostonədə bərpo beydə və ...həmonə mərosim Səhərxani vaxtiye.bə ın dəbi əsos səhəri zəmonədə sr kərə bə təblıi jeydən.iminə dəfə bo milləti çı haniku oğo kardero və əvoni bo səhəri hozzı kardero.dıminə dəfə boəy hardero və seminə kərə həmbo nımoji bərpo kardey və voteyro.de har qıləy təbli jıey,odəmonku qıləyni ki,çokə sədoşon heste, dıvo iyən mınocot handedən, milləti oğo kardeydən iyən bə səhəri hardey səmt dəvət kardedən.