Nuri astanadə-4
Nuri astanadə-4
Kərimə-Ğıron vey kırtə işorəonədə,əmmo de məno pur bıə işorə ım Rujə mo həyğəti və hədəfi bəyon kardedə.Bəğərə mıborəkə surə 183-ə şərifə ayədə jıqo handedəmon:”ya əyyuhəlləzinə.... ha imon vardə kəson ha!rujə bəşmə vocib be .çoko ki,bəşməku bənav bıə kəson vocib bıəbe. ğasbu şımə təğvanin bıbon”.Xıdovənde-Xalığ bın ayədə deştə məxsusə xitobi bə Xıdo dust bıə muminon bino kardedə.İmom Sadığ(ə) çın İlahi xitobi barədə hamyedə:”bın xitobədə bıə ləzzt,çı ibodəti renc iyən əziyyəti çı miyoniku bardedə.
Bın şərifə ayədə Xıdovənd çı rujə mo təşri iyən ğanuni bıey fəlsəfə ki,dəvardə ummətonədə həm cari bıə,bəyon kardedə və çı rujə hədəfi bə təğva mərhələ rəsey bəyon kardedə.həlbəttə,çoko ki,təğva qıləy mərtəbə və dərəcəonış heste və bın məğamədə həmməkəs i səviyyədə ni.rujə həm ki,bə həmonə təğva rəsey vəsilə və vositəy,çandə qılə mərtəbə və dərəcəonış heste...
Mərıfəti əhl bo rujə seqlə dərəconış təyin kardə.sıftə:əvomi iyən umumi rujə ki,bəvədə bəpe rujə botıl kardə çiyonku və hardey iyən peşomeyku pərhiz kardey bıbu.dıminə rujə xəvass ya xısusi rujəy ki,bəçəy məbno əsos rujə qətə fərd əvam ya umum məxloği pərhiz kardə çiyonku əlovə,ıştə bənə çəş,quş iyən qəvi bıə sayir əzo və cəvarihi həm çı qınonku bə diyəroko bımando.seminə mərtəbədə bıə rujə həm xassə rujəy ki,bəçəy əsos çı navnə dıqlə mərhələonku əlovə,çı rujə qətə kəsi dıl həm bəpe çı dınyəvi fikonku iyən əxloği rəzilətonku bə diyəro bımando....
