Tocikıstonədə Rəməzonə manq
Tocikıstonədə Rəməzonə manq
Tocikıstonədə Rəməzonə manq
Tocikıston de Tocikıston Respublikə nomi Miyonə Asiyədə qıləy kişvəre.Tocikıston Miyonə Asiyə həmməysə qədə kişvər və məmləkəte.çın kişvəri poytaxt Duşanbə şəhre.Tocikıstoni kişvəri təğribən 8 milyon cəmyətış heste və çın kişvəri milləti nəve haft fayiz mısılmonin.bın məmləkətədə mıborəkə Rəməzonə manqədə həm bənə coqlə İslomi kişvəron qıləy barz və məxsusə vırəş heste.
Tocikıstoni millət hasor Rəməzonə manqi ayin iyən mərismon məxsusə formədə bərpo kardedən. Tocikıstoni mədəniyyət və fərhənqi de islomi mədəniyyəti umuj qıniye boyis bıə ki,Rəməzonə manq bın diyorədə de dustəti iyən məhəbbəti manqi məşhure.
Az Qulroxsarim.qıləy tocikə mısılmonə kinəm.çımı xıyzon bənə sayir tocikıstonıjə xıyzonon hasor bə Rəməzonə manqi və beşedən və çımı çın maqiku çokə xotırəm heste.mı jıqo hisob kardedəm ki, Rəməzonə manqədə çı milləti miyono iyən sufrəonədə ziyodə mehribonəti iyən bərəkət heste.zira mı bın manqədə çı milləti nəzə və sədo miyono veyə oroməti vindedəmon.bə həmonə dəlili xotoaz ın manqım vey piyedə....
Tocikıstonədə se saqləsə həm vey məçit heste ki,sori dırozi məxsusən Rəməzonə manqi rujonədə çı tocikə mısılmınon jimonədə qıləy muhimmə rol ifo kardedə.tocikon bə məçiton ziyod erj və ğeymət noydən.çunki,jıqo etığodışon heste məçiton çı mısılmınon miyono vəhdət iyən dustəti mərkəze.bə həmonə dəlili xoto,de Rəməzonə manqədə əvoni dərostey iyən nəzofəti məçiton bo milləti ğəbul kardero hozzı kardedən.ım ko ki,de mısılmonə cıvonə tocikon vositə bə vırə rosney beydə,ısət hasor bə qıləy kanə adəri təbdil bıə ki,Rəməzonə manqi çandə ruj damey bənav Tocikıstoni qırd şəhr iyən diyonədə bərpo beydə.
Tocikıstonədə Rəməzonə manqədə unikalə xıslətonku qıləyni milləti iyande zınə və nızınə kəson de iyande çı iftori zəmonədə iqlə mizi kəno cəm bıeye.ım mərosim vey vaxti məçitonədə bərpo beydə. Rəməzonə manq qıləy mehribon iyən bərəkətinə manqe və Xıdovənde-Xalığ ıştə bandəon dustiyətiku xoşış omeydə.bın mıborəkə manqədə çəmə vey votə və vey məsə kəlmə Rəməzon mıborəke kəlməy.ım cumlə Tocikıstonədə de tosə Rəməzonə manqi oxo bəyon beydə......
Çəmə tocikon mehmondorəti cozibədorə adətonku qıləyni,İftori doey rituale.joqo ki,əmə tocikon Rəməzonə manqədə iftori doə zəmonədə qıləy rəğobət heste və bə həmonə dəlili xoto Rəməzonə manqi damey bənav qıləy məhəllədə cəm bıeyro ıştə nomon nıvışteydən və bo ım ko qıləy cədvəli təyin kardedən.
