Nuri astanadə 7
Nuri astanadə 7
Niyyət bo qıləy ko bə vırə rosneyro çı qıləy insoni ixtiyori holətədə kardə ğəsde.rəvoyətədə çı har qıləy ko erj və ğeymət bə həmonə əməli soybi çəy niyyəti dığğət kardə holədə təyin beydə. rəvoyəti mətnədə niyyət çı koon əsl və əsos elon kardey bıə və çəy səmərə həm əməlon zıney bıə.bə mısılmınon pokə niyyət iyən xolisonə əməlon tevsiyə kardey və fosidə niyyət və de riba umuj qıniyə əməlon bərəkəti çı miyoniku bəbarde və çı bəloon bə əməl omey zəminə hozzı kardedə.əxloği elmədə həm niyyət əxloği erji əsos və çı insoni çok iyən bevəcə koon mənşə elon kardey bıə.dini alimon jıqo hisob kardedən ki,qıno ğəsd kardey harçənd fiğhədə hərom hisob bıəni,əmmo əxloği cəhəto pəsənd nıbə və bə xoş nıomə koonku zıney bıə.....
Niyyət çı har qıləy ibodəti əsos iyən sutun hisob bıə və şəri cəhəto həm qıləy fərd ki,ıştə vocibə təklif iyən vəzifə ibdoi niyyət nıbə holədə bə vırə bırosno,çəy ibodət məğbul nibəbe.ibodəton miyono hiç qıləyni bənə rujə de niyyəti umuj qıniyəni.çıro ki,rujə niyyət qətey çı rujə mıddəti həmmə ləzə və anon rabitə silsilə bəyənde vəsl kardedə,dəçokneydə və havaxti qıləy rujədor iləzə əmdən və zıne-zıne ıştə niyyəti darışto və ıştə rujə botıl kardey niyyətış bıbu,çəy rujə botıl bəbe.harçənd,rujə botıl kardə çiyon bə vırə həm nırosno.İmom Xomeyni(r) bın barədə hamyedə: ”ehanə ikəs bənə Rəməzonə mani qıləy mıəyyənə vocibə rujədə rujə qətey niyyətiku oqardo,çəy rujə botıl bəbe”.....
