Nuri astanadə-13

Nuri astanadə

Mıborəkə Rəməzonə manq bə Xıdovəndi nez bıeyro həmməysə  əhəmiyyətinə manqonkuye. qıləy fırsət ki,İlahi rəhməti bəon bo insoni oj beydə ta əv de Xıdovəndi zikri ıştə pərvərdıqori roziyəti cəlb kardey məsir iyən royədə qəm şodo.bın manqədə mısılmınon ıştə vaxton veyni de nımoj,Kərimə-Ğıroni tilovət kardeydən iyən bəşəvnəy bəyji mandedən və Xıdovəndi zikr kardedən iyən deçəy zikri koy məşğul beydən.məlum bıə çi ıme ki,insoni bə oxoş nıbə ğudrət iyən əzəməti mənbə bıə Xıdovəndi dığğəte ki,ım bə insoni jimoni ziyodə təsiron noydə.Xıdovənd həm əy bə yod dənoə iyən zikr kardə ıştə bandə bəştə rəhməti bəyku daxil bəkarde və əy iləzə həm bəçəy ıştən holi nivabədoe....

Xıdovənde-Xalığ Bəğərə mıborəkə surə 152-ə şərifə ayədə və`dəş doə ki,ehanə əy zikrkəmon, (əvhəm) əməni zikr bəkarde və hamyedə:”fəzkuruni....çən,mıni zikrkənən ta az həm bəşmə yod bıbum və bəmı şukrkənən və(çımı neməton vədə) kufr məkənən”.İmom Sadığ(ə) həm qıləy hədisədə vardəşe ki,Xıdovənd hamyedə:”ha çı Odəmi zoə!ıştə dılədə mıni yodkə ta mı həm tıni bə yod dənom.xəlvətədə mıni zikrkə ta xəlvətədə az tıni bə yod dənom.cəmi miyono mıni zikrkə ta tıni çı cəmi miyono zikrkəm.hiç qıləy bandə niki,Xıdovəndi çı milləti miyono zikrkon ğərəz ımi ki,Xıdovənd əy çı məlayikon cəmədə zikr bəkarde”......

Xıdovəndi muhimmə əsəronku insoni bə dini usul iyən təlimon iyən bə həlol iyən həromi rioyət kardeye.kali odəmon jıqo təsəvvır kardedən ki,Xıdo zikr kardey iyən bə yod dənoey yəni dayimi surətədə bənə Subhanəllah iyən Əlhəmdulillah kəlməon təkror kardeye.harçənd de zıvoni zikr kardey qıləy bə xoş omə koye,əmmo bə zəmon çı veyə xey iyən bərəkəton mənşə bəbe ki,inson de həromə ko dimbədim omeyədə,bə qıno mırtəkib bıeyku ıştəni oqəto.bəçəy xotoye ki,Xıdo-Rəsul(s) Mıborəkə Rəməzonə manqi rujə çı cəhənnımi otəşi mığobilədə qıləy sipər elon kardedə......

İslomə din dandoni səlomətəti iyən qəvi səhiyyəvi cəhəton ziyodə sıfarıış iyən təkidış kardə və ım məsələ bə həmməkəson məlume.mınosibe ki,bızınən bə dandoni misvak jıey səvob İslomi əmr kardə çiyonkuye ki,bın cəhətədə bəy ziyodə təkidon kardə bıə.ımruj həm stomatologiya bə harujnə hevujə təhğığot iyən bəşəri təcrubə təkyə kardə holədə stomatologiya elmon muhəğğiğon və mıosirə təchizotonku oko doey,bo qəvi səhiyyə cəhəto səviyyə bəpe bardey iyən çəy səloməti oqəteyro,bəşəri camiyədə çokə cəhdon kardey beydə.

Mumkine jıqo bə nəzə boy ki,stomotologiyə xıdməton de dıjdə ibodətonku bıə rujə ki,bə insoni ruf iyən cismi ziyodə mənəvi nığılə təsiron noydə,mıtobiğ iyən i omeydəni.bə ın cəhət ki,harde-peşomey de qəvi roy vositə bə əməl omeydə,islomi fiğhi hukmonədə çı rujə botıl kardə çiyonku bə hisob omeydə və rujə zəmonədə çı hardey-peşomeyku mıtələğə formədə iştinob kardey tədricən bə bə ın hissi bə əməl omey boyis bəbe ki,bə qəvi qıləy çi noey və harçi çəyku dəvordıney mumkine de rujə qətə şəxsi ziddiyyət təşkil bıdo….