Ğıron ruşd iyən ozavziye kitob

Ğıron ruşd iyən ozavziye kitob

İslomi buzurquvarə peyğombəri(s)hamyəşe:”Ğıron iyən milləti hikoyət çı zəmin iyən voşi hikoyəte.qıləy holədə ki,zəmin mardə və hışk bıə.bə ikkərə Xıdovənd bəy voş vığandedə və zəmin olıvedə.peşo tındə voşon nozil kardedə və zəmin ijən hərəkət kardedə və ruşd kardedə.peşo dumo yənde nəhr və ruon çı dəonku cari beydə tayinki,zəminiku rəsəyon perəseydə və Xıdovənd bo zəmini dərostero iyən inson və heyvoni xorəkon təmin kardero zəmini dıləku əvoni perosnedə.Kərimə-Ğıron həm deəy ğəbyuul kardə kəson jıləvoni kardedə”.

Rəməzonə manqi yolə bərəkəton de Ğıroni əzəməti əloğədore.bın manqədə rujə qətə kəson Ğıroni nuroniyə təlimon donə ıştə dılonədə kaştedə ta çəy ayəon şua jiyədə ıştə ruf iyən coni ozavzovneydə.har qıləy məçiton,kə iyən kuçonədə Kərimə-Ğıroni tilovəti sədo  rəməzonə manqi ətrin kardedə və çəy mənəviyyat iyən ruhaniyyəti vey ziyod kardedə.qırd ın səmərə və bəhrəon de Kərimə-Ğıroni həyğəton unsiyyət bastey iyən çəy ayəonədə təkəbbur iyən tədəbbur kardey bəvədə hosil beydə.Bari-İlahi!bə Muhəmməd və Ali-Muhəmmədi səlom bıvğand və əməni çə şəxson cərqədə ğərol bıdə ki,bə Ğıroni rismoni çanqış jıə və çəy sayədə orom beydən və çı ziyod bıə dətıvey  şuaku hidoyət pəydu kardedən....

Rəməzonə manq çandə sorone de Kərimə-Ğıroni nımoyişqo bə icoye.əmmo ımsor bə Koronavirusi pandemiyə və bəçəy bə əməl vardə şərayiti rəğmən boyis be ım nımoyişqo coqlə formədə bərpo beydə. boçımi əsos Kərimə-Ğıroni iminə virtual nımoyişqo de “Ğıron,ruşd iyən perəsey kitobi” şuori Rəməzonə manqi 18-ə rujiku yəni Ordıbeheşti 11-ə ruji məcazi iyən virtual formədə ıştə koş binoş karde və ğərol be de tosə 1400-ə Həşi sori Ordıbeheştə manqi 20-ə ruji(Rəməzonə manqi-27)  məcazi iyən virtual formədə bərpo bıbu.əmmo bə ın devrə nımoyişqo tərəfdoron ziyodə tələbi əsos de tosə Rəməzonə manqi oxo təmdid və dıroz be.Ğıroni nımoyişqo ki,hasor Tehronədə İmom Xomeyni(r) musəlloədə bərpo beydəbe. rujə qətə ziyodə milləti dıl iyən con qıləy mənəvi iyən ruhaniyə fəzo və sferaədə səfo və səmimiyyət pəydu kardedə.əmmo məələsəf Koronavirusi pandemiyə dəvom pəydu kardey səbəb be ki, Ğıron iyən İtrəti nımoyişqo 1400-ə Həşi sori virtual surətədə dəvordıney be.ım nımoyişqo bo Ğıroni iyən məzhəbi fəoliyyəton virtual aləmədə pevolo kardey xoto  qıləy mınosibə fırsətış icod karde və həzo naşir və nəşriyyatisə ziyodə Ğıroni mıəssisəon ımsornə nımoyişqo mağazəon baxşonədə fəoliyyət nışon doydən......

Ğıroni hədəf insoni bə imoni səmt ruşd iyən cəhət doey və əy de əxloği iyən mələkutiyə xısləton dərostneye.İlahi kitob və çəy əbədiyə mecuzə ki,bəşəri hərəbaxtəti iyən səodəti səmt səbəro kardedə. İlahi xəbon iyən Kərimə-Ğıroni mənəvi iyən ruhaniyə cozibə və tərovəton bo dınyo qırd noxtəonədə bo çandə milyon insoni jimoni qıləy həyot baxş kardedə.bə dınyoədə İslomi çandə əsronədə bıə huzur iyən iştiroki qıləy nəzə kardeyədə ım həyğəti nışon doydə ki,Kərimə-Ğıron de elmi məntıği iyən təsirinə məfhumon və həmçinin əxloği iyən əməli hidoyəton çı bəşəri jimoni həmməysə komilə mənşurnoməy. Ğıron inson,xılğəti nizom iyən aləmi təzahuron deiyande bıə qıləy komilə tərifi bə təsvir kəşeydə.liza bəşəri camiyə bə ın osmoniyə kitobi ehtiyociş heste.bəşər de Ğıroni vəsilə iyən vositə bə dınyo iyən axırəti həyğəton iyən elmon dast pəydu kardey və ruşd iyən ozavziye bəzıne.Bəğərə mıborəkə surə 151-ə şərifə ayədə handedəmon:”....və şımə zınə çiyon bəşmə omutedə.Xıdo-Rəsul(s) həm hamyedə:”ikəs ki, elm tələb kardedə,çən Ğıroni nığılə formədə təhğığko.həyğətədə Ğıron qıləy nuroni,handənin iyən dınyo səviyyədə qıləy kitobe və bo bəşəri ruşd iyən hidoyətiro enovniyə bıə ki,bəvədə çı hestemoni aləmi rəmzon iyən əzəməti,zəmin iyən osmonon həyğəton və çı insoni vucudi ecozkorətiyon pəydu kardey bəzıniyon.bəçəy xoto Kərimə-Ğıron de “Ğıron,ruşd iyən perəsey kitobi” şuori ıştə fəoliyyətış bino kardə.....

Kərimə-Ğıroni məcazi nımoyişqo bə iftori bəpeştə məhdudə saatonədə bərpo bıə Ğıroni nımoyişqo əks, bəşəv-bəruj be və piyəkəson çı İron iyən dınyo 4 tərəfiku çı kitobi mağaəzonku iyən nımoyişqohonku qıləy bəhrə bardey zıneydən.Kərimə-Ğıroni virtual nımoyişqo ojbemoni ayin de kişvəri İslomi irşod iyən fərhənqi vəzir seyd Əbbos Salehi iştiroki ın vəzərotxonədə bərpo be.İslomi irşod iyən fərhənqi vəzir Kərimə-Ğıroni virtual nımoyişqo ojbemoni ayinədə voteşe: ənənəvi Kərimə-Ğıroni nımoyişqo bərpo kardey hasor bərpo beydəbe,əmmo dəvardə soriku bə Koronavirusi pandemiyə xoto həni huzuri surətədə ım nımoyişqo bərpo kardey ovandəti pəydu kardey nızınemone.əmmo ımsor məcazi formədə bərpo beydə.ın nımoyişqo bərpo kardey bo camiyədə Kərimə-Ğıroni fərhənqi təsbit kardero qıləy zəminə hozzı kardedə.