Fıtrə İdi ruj-1

Fıtrə İdi ruj

Fıtrə İd i manq ibodət iyən bandəçəti bəprştə bənə reçinə həşi peme bə muminon dılon dətıve. Rəməzonə manq rujə qətə muminon dılonış bə Kərimə-Ğıroni tilovəti səmt sofış kardə və Ğədrə şəvonədə de inobə və arsi ovəyzi tobəş bo oqardemoniro qıləy fırsətış zınə,ısət həm əvon de bın rujədə ğosl doey və ıştə ətrin iyən təmizə oləton bə tan kardey, de kuçəon dərostey və de vıl iyən şərbəti pevolo kardey bə Fıtrə idi pişvoz iyən və beşedən.dınyo həmmə mısılmınon zəmini har qıləy noxtədə bın ruji şo və xoşholin və İlahi dərqoyədə ıştə bandəçəti bə vırə rosney xoto ıştəni səbarz və hərəbaxt hiss kardedən.Fıtrə idi xoşə sədo rost bıə və firiştə iyən məlayikon dastə-dastə osmoniku zəminisə omeydən ta İlahi rəhmət iyən baxşeşon bə muminon bəşorət və mıjdəvoni doydən.

Peyğombəre-Əzəmi(s) hamyəşe:Xıdovənde-Mutəali  Fıtrə İdi ruji bə məlayikon hamyedə:”bəştə vəzifəon əmıl kardə kəson mızd çiçe?.firiştəon bəvoteyn:Xıdolim ha! Çəvon mlkofot ıştı dastədəy.Xıdovənd hamyedə:şımə məlayikon şoydəti bıdənən ki,az ıştə bandəon baxşeme”.....

Fıtrə İdi sıbhi zəmon de əzəmətinə nımoji bərpo kardey bino beydə.qıləy mısılmon ki,Xıdovəndi de rəhmət iyən məğfırəti pur bıə mehmonəti manqədə rujəş qətə,ısət deştə sipyi iyən pokə oləton bə tan kardedən və  bə Fıtrə idi nımoji bərpo kardey səmt hərəkət kardedən.əvon Xıdo zikri bəştə lıputon cari kardedən və çəvon dılonədə qıləy vəsf nıbə şovğ və şoyvonəti heste.muəzzin vanq jeydə:”ləbbyek Allahummə ləbbeyk və jıqo bızın həmmə kayinat və məxloğat ım zikri deəy zumzumə kardedə.qıləy dıjdə əzmət və vəhdət icod beydə.de Xıdo və Allahi kəlmə vəhdəti mislış nıbə Xıdo vanq jeydən və nımoji səfonədə huzur pəydu kardedən.Fıtrə İdi bandə bəştə məbudi boəy ğərol doə sofə fıtrəti iyən mənəviyyoti oqardemoni ruje.bə muminon lıvon çı hərəbaxtəti vanq cairiye.Allahu Əkbər,.....Əlhəmdu lillah.......Rəməzonə manqi rujə qətə kəson ıştə şukri bəvırə rosneydən.boçi ki,əvon bo Cəbəruti mehmon bıən və Xıdovəndi izzət iyən əzəmət i ıştə con iyən dılonədə hiss kardedən.və Ləbbəyk Allahummə qıləy vey çokə kəlməy ki, iyo bandə bəştə məbdui bıə irodət iyən bandəçəti ibroz kardedən.....

Fıtrə İdi nımoj qıləy əzəmtinə iştimoy ki,çı mısılmınon imon iyən mənəviyyoti təcəlliye və dini rəhbəron bə ım iştimoədə iştiroki sıfarış kardəşone.çun İslomə din qıləy iştimoyi dine,əve çəy vəhdət baxş kardə rəftoron ziyodə əhəmiyyətış heste.bənə Həcci bıə dini vociboton kollektiv iyən de dastə camaati bə ico bərpo beydə.Həcc çı İslomi izzət iyən şərofəti bə nımoyiş noydə və bo mısılmınon de iyande oşno bıeyro qıləy çokə fırsəte ta çı islomi dınyo muşkiloton həll kardey bıbu.Fıtrə iyən Ğıbonədə İdi nımojon islomi kişvəronədə çı mısılmınon muhimmə iştomo və qırdbemononkuye.İmom Rıza(ə) hamyedə:”həyğətən,Fıtrə id bəçəy xoto id ğərol doey bıə ta millət həmonə ruji bə ivrə qırdə bıbon və bo Xıdo xoto bə bi beşon və əy bəçəy bəvon doə neməton xoto sıtoyişkon.həmonə ruj idə ruj,iştimo ruj iyən bəştə fıtrəti oqardemoni ruje və Fıtrə zəkoti doey ruj iyən rəğbət,təzərru iyən zar-zar bəmey ruje”.....