Ilahi rəhbəron-147

Ilahi rəhbəron-147

Əbdullah Məhz bo İmom Sadıği(ə) himoyəti cəlb kardey iyən ıştə zoə mevğıyyəti təsbit kardero,i dastə odəmış çı İmom Sadıği(ə) dumo vığandeşe.həlbəttə bə Əbulfərəc  İsfəhani nəğli əsos,Əbdullah voteşe ki, Cəfəri dumo odəm məvğandənən.zira əv əgər booy.əmmo ijən deəmə mıvofiğ nibəbe.torıxəvononku idastə votedən ki,Əbdullah jıqo qıləy sıxanış votəni,əmmo umuməm torıxi fakton və ğərinəon nışon doydə ki,Əbdullah ziyodə meylış hestebe ki,çı İmom Sadıği(ə) nəzə cəlbko.bə həmonə dəlili xoto,çoko ki, ə həzrət bəçəvon məclisi daxil be,ıştə vırəku əyşte və bə ə həzrəti qıləy məxsusə hurmətış nışon doe. peşo ıştə miyono ğəbul kardə həmonə təklifışon bə ə həzrəti ərzışon karde və voteşe ki,bə ısətnə aşuftə iyən  bəyənde qıniyə vəzyəti nəzə kardeyədə,şımə həmmə kəson zıneydon ki,çımı ım zoə çı Umməti Məhdiye və şımə deəy beyəton kardə və tı Cəfər həm deəy beyətkə.İmom Sadıği(ə) de oşkoə formə hamyeşe:”peyğombəri(s) çəy zuhuri və`də doə Məhdi(ə) ıştı fərzənd ni və tı ehanə jıqo təsəvvır kardedəşbu,jəqoədə səhfədəş.peşo bə camaati dimış qəte və hamyeşe:”əgər şımə de “Umməti Məhdi” deəy beyəton kardeyon piyedə,az beyət nibəkardem.ım iddio qıləy duyə iddioe və çı bəşəri camiyə imom iyən oxonə huccət bıə Məhdiye-Məvudi(əc) zuhuri zəmon ısətnə əsr və zəmonədə ni,əmmo ehanə şımə ğıyom de əmr be məruf iyən nəhy əz munkəri niyyəti və de zılm iyən sıtəmi  mıborizə bardey hədəfi bıbu. bəvədə az beyət bəkardem”....

İmom Sadıği(ə) deştə ım oşkoə mevğıyyəti ıştə nəzəş bə miyon noe.əmmo əvon ıştə inhirofə nəzə piyo isror kardedəbin və voteşone:”ım çı umməti Məhdiye”.həzrəte Sadığ(ə) bın surətədə hamyeşe ki,az beyət kardedənim.ə həzrəti çın koyku Əbdullah Məhz norohət be və İmomi(ə) bəy jıqo hamyeşe:”mı bətı votedəm ki,ıştı zoə çı umməti Məhdi ni və çəmə Əhli-Beyti(ə) nəzdədə sırron heste və əmə zıneydəmon ki,kom kəsi bo peyğombəri(s) umməti İmoməti iyən canişinəti ləyoğətış heste və kom kəsi bo məğami ləyoğətış ni.ijən votedəm ıştı zoə umməti Məhdi ni və kıştey bəbe.”.demiyən İmom Sadıği(ə) bə Əbdullah Məhzi zoə Məhəmmədi veyə təğva soyb bıey xoto qıləy rəğbətış heste.Əbulfərəc  İsfəhani nıvışteydə:ə həzrət əy vindeyədə çəy çəşonku ars rubeydəbe və votedəbe çımı con bəy fədo bıbu.millət çəy barədə sıxanon votedən ki,həyğətış ni və əv jıqo hisob kardedə ki,həyğətən əv Məhdiye.əmmo deəy beyəyt kardə kəsonku qıləyni bə hukumət bərəse və əy bəkışte.....

Bəni-Əbbos ki,bə ğərəz hukuməti rəsey co qıləy hədəfışon nıbe,zohirədə de Əbdullah Məhzi zoə Məhəmmədi beyətışon karde,əmmo boştə hədəfon bə həyğət rosero,Kufədə Əbu Sələmə Xilal nomo qıləy fərdışon nəzədə qəte və bo umum milləti bə dast dənoeyro bəy Ali-Muhəmmədi vəziri ləğəbışon noe və Əbu Muslim nomo co qıləy fərdışon bərujnə Xorasani hevujə məntəğəonədə vıjniyeşone və bəy Ali-Muhəmməd əmiri ləğəbışon noe.Əbu Muslim bə ğudrəti rəsyero ıştə rəğib Əbu Sələmə bə ğətl rosney fiikədə be  və nəhoyətədə həm ıştə ım fikış icroş karde.Əbu Sələmə ki,ıştə maqi bənav dərəsəbe ki,əv bə  ğudrəti təşnə bıə kəson tor eqıniyə, əve peşmon be və bə ın fik dəşe ki,xilofəti Ali-Əbbosiku bıstəno və bə Ali-Əbutolıbi oqordıno.bəçəy xoto de noməon vardə ğasidi vositə bo İmom Sadıği(ə), Əbdullah ibn Həsən iyən Umər ibn Əliyyibni Həsəni bə Mədinə qıləy noməş vığandeşe və bəy voteşe ki,sıftədə çı həzrəte İmom Sadıği(ə) palu bışi.əgər ə həzrət həmonə noməş oj karde,əmandə dıqlə nomə poəkə, şodə.ehanə ğəbulış nıkarde,Umər ibn Əliyyibni Həsən ibni Əli palu bışi.əmmo,İmom Sadıği(ə) çı Əbu Sələmə noməş nıhande sutuneşe və hamyeşe ki,əv  bə cokəson tabeye.peşo çı Kumeyt bin Zeydi şeriku i misraş hande:otəşı pekarde,əmmo cokəson çəy nuriku okoşon doe.ezımı cəmı karde,əmmo çı cokəsi rismonisə rukarde və cokəs cəm bıkarde və bəbarde”.....