Mediya terrorizm

Mediya terrorizm

Tayinki,hərəkəton çı İMT məromnomə 1-ə maddə 1-ə band darıştey mənoədə be ki,bın zikr bıə maddədə  təcavuzi ğədəğən kardey kənoəyədə,”sulhi darıştə co koon” ğədğədku sıxan bə miyon vardedən,əmmo əmələn ziyodə istemorə kişvəron veyni İMT məromnomə nəzədə nıqətə holədə deştə informasiyə vositəon mıdoxilə vositə bə mıstəğilə siyosətonış bıə kişvəron daxili koon mıdoxilə kardedən.İMT Umumi Assambleyə 1947-ə milodi sori İMT-ədə de Rusiyə nımoyəndə təklifi qıləy ğətnomə ratifikasiyə be ki,əyo “qırd kişvəronədə de sulhi təhdid,sulhi darıştey iyən təcavuzi təşviğ iyən təhrik kardey hədəfi təbliği qırd forməon” məhkum kardey be.istemorə kişvəron boştə ğudrəton təsbit kardero marziku xaric bıə mediyaəon təblığədə dırozə torıxədə min cumlə co informasiyə əbzoron və peyk antenon ki, seminə kişvəronədəy,Hollandiyəku 1927-ə milodi sori bo şərği Hindıstoni qıləy mənfiyə radyo təblığotış hestebe və fransə həm 1931-ə milodi sori boştə mustəmləkə və istemorə siyosəti bərnoməon pevolo kardero qıləy torıxış heste.....

Birtaniyə həmçinin milodi 1934-ə sori ingilisi fərhənq iyən jimoni səpgi təblıği siyosətış ıştə mıstəmləkə iyən mənafeyışon mıştərək bıə kişvəronədə de hevujə surətədə mədəni nufuzi zumand kardey hədəfi hərəkətış karde.1937-ə milodi sori həm londonədə qıləy radio stansiyə Fələstinədə bəro dəğandey be və bo ərəbon dayimi surətədə bərnoməonışon pevolo karde.oxonə soronədə həm dıjdə kişvəron informasiyə vositəon bə coqlə kişvəron daxili koon mıdoxilə kardey siyosət ijən dəvomış pəydu karde ki, ım həm beynəlxalğ səviyyədə de ziyodə etırozon dimbədim ome.joqo ki,çın etıroznku kali qıləyni beynəlxalğ ibemononədə  veyə etırozon ğeyd bıə.istemorə ğudrəton dınyo kişvəronədə mediyaon mıdoxiləon barədə mıxtəlifə nəzəon mevcude.....

Bəzi kişvəron de ın mediya mıxoxiləon ğədəğən kardey aktivə formədə deəy mıborizə bardedən və kali məmləkəton həm bə ın hərəkəton mane beydən.Almaniyə kişvər çə kişvəronkuye ki,bə qıləy kişvəri mıdoxilə çə həmonə mığobil kişvəri hərəkətonku bə şıkrəy.minimum vistı haft qılə kişvər bə sulhi ələyh bıə hərəkətonışon qıləy cinoyət hisob karde.məsələn İsveçrə kişvərədə çə kişvəri de coqlə məmləkəton rabitəon miyono problem icod kardə rujnomə v qəzeton dəvastey bəbe.Dıminə Dınyo Canqi bəpeştə həm Almaniyə iyən Yaponiyə  cəzo məhkəməon cərəyon çəyku hikoyət kardedə ki,ım məhkəməon nəyinki,təcovuzkoronə canqon məhkum kardedən,bəlkəm idelojik iyən informasiyə təcovuzış həm məhkum kardə.....

Əmmo bənə İngiliston iyən Amerkə kişvəron bə coqlə kişvəron ələyh boştə mediya qrupon deşmınə təblığoton bardero hiç qıləy ğədəğənonışon icod nıkarde.joqo ki,ımruj həm çəvon informasiyə vositəonku kali qıləyni bo terrorizmi pevolo kardero oko doey beydə.bəzi kişvəron de Estoppel ğaydəku suyi-istifodə kardey bə coqlə məmləkəton daili koon mıdoxilə kardey koy icozənin hisob kardedən. Estoppel ğaydə çı “iğrori bəpeştə inkori ğədğəni”-ku iborəte və çəy məno həm ıme ki,ehanə qıləy devlət boştə həxı nıbey iğrorko,peşo çəy mevcudiyyəti iddio kardey əzıni və bo seminə tərəfi qıləy həxı iğrorko,peşo çəy həxı nıbey iddio kardey əzıni.de qıləy co iborəti bə coqlə kişvəron mediya mıdoxiləon  ğədəğən  zıneydən.çoko ki,qıləy kişvər bəçəvon daxili koon informasiyə mıdoxiləon dast bığando,bə mıtəğabilə əməli istinodən bə mıtağbilə mediya mıdoxiləon dast ğandey bəzıneyn.əmmo çoko ki,qıləy kişvər jıqo qıləy mıdoxilə ğədəğən nızıno,məmləkəton bə həmonə kişvəron mediyə mıdoxiləon kardey bəzıneyn və jıqo qıləy hərəkət de beynalxalğə məsuliyyəti dim bə dim inibome....