Ilahi rəhbəron-149

Ilahi rəhbəron-149

Ğasbu həmməysə muhimmə dəlil :Peyğombəre-Əkrəmi(s) mələkutiyə rehləti bəpeştə Əli(ə) bə kəno noeyku həmməysə telə təcrubə kəsb bıə.deməkə ki,İslomi-peyğombər(s) Ğədiri-Xumədə de İlıahi fərmoni de 120 həzo mısılmoni iştiroki Əli(ə)-ış bə xilofət iyən viloyəti məğamış mənsub kardeşe.əvon ıştə de həzrət Əli(ə) bastə beyətışon darışte və bə Səğifə camaati anqıl qınin.əvon hətto ıştə de Əli(ə) bıə addi iyən şəhrvandiyə rabitəşon həm bırniye.həzrət Əli(ə) vistı penc sori bədiqə de umum milləti bəsə ə həzrətisə hucum vardey iyən ziyodə isrori bədiqə xilofətış bəştə dast qəteşe.əmmo həmonə milləti çə həzrəti penc sornə hukuməti zəmonədə seqlə Cəməl,Siffeyn iyən Nəhrivani canqonış bə həzrəti təhmil və məcbur kardeşone və nəhpyədəd həm ə həzrətışon şəhid kardeşone....

Bə İmom Sadıği(ə) siyosi mıborizə ərsə daxil nıbey dəlilonku qıləyni,çı İmom Həsəni(ə) devroni telə xotırə be ki,Kufə milləti de muaviyə elon bıə canqi zəmonədə hozzıəti be.əmmo qıləy kırtə mıddətədə əvon bə həzrəti peştışon qordıne və bə həzrəti tabe nıbin.əvon iddio kardeşone ki,yəzidi hukuməti məhv kardey bədiqə,çı xilofəti ko bə ə həzrəti bəspardeyn.əmmo əvon bəştə əhd-peymoni əməl nıkardışone və bə İmomi(ə) ələyh bə ico ğıyom kardşone və çı Əməvi hukuməti sutunonışon mehkəm kardeşone.binobərin İmom Sadığ(ə) bə dəvardə təcrubəon nəzə kardə holədə bə milləti hiç qıləy etımodış nıbe.əve ə həzrəti bə milləti peştıpur nıbe və ğıyomış nıkarde və xilofəti koyış bəştə dast nıstənışe.İmom Sadıği(ə) deştə səhobəonku qıləyni bıə sıxan və votemonon ıç həyğəti bəyon kardedə.joqo ki,Sərir Seyrəfiku nəğl bıə ki, voteşe:İmomi(ə) palu daxil bim və voteme ki,çıro şımə ğıyom kardedəniyon?həzrəti hamyeşe:bə kom dəlili əsos jıqo votedəş? Voteme ki,şımə ziyodə duston iyən şiəyon hesteyone.İmomi(ə) hamyeşe:fik kardedəş ki,əvon çand həzo nəfərin? Voteme:100 həzo nəfər.həzrəti de təəccıbi hamyeşe:sa həzo? Voteme ki,bəle,ğasbu həm dı sa həzo nəfər.həzrəti ijən de təəccıbi hamyeşe:dı sa həzo nəfər? Həzrəti həni sıxanış nıvote və ğədəm şode-şode bə Mədinəku xaric qıləy məntəğə səmt hərəkətımon karde və bə pəson ğələ rəsimon.peşo həzrəti qıləy ahış kəşe və de həsrəti hamyeşe:bə Xıdo ğəssəm ehanə çəvon ədəd çımon yəni  çın pəson ğədərədə bıəbe və əvon həyğətən çəmə bəforoə şiyə bıəbin,az rəyrə ğıyom əkardim.nəğl bıə ki,çə pəsə ğələ mığdor haftdə nəfər be.....

Demiyən İmom Sadıği(ə) bənə ıştə bənav bıə məsumə İmomon(ə) ıştə əsrədə bıə zolımkorə hukuməton mığobilədə betafut nımande və bə duyədə ıştəni bə peyğombəri(s) xilofəti məğami nisbət doə və ə məğami ğəsb kardə kəson əksul-əməl nışon doydəbe.liza çı İmom Sadıği(ə) iminə və əsosinə hərəkət çı Bəni-Əbbosi ğeyri-ğanuni iyən zolımkorə hukuməton nəfy iyən inkor kardey be.ə həzrəti hamyeşe:har qıləy fərd ki,bə sıtəmkorə ğazi iyən sultoni pənoh bıbo və bıpyişe ki,çəvon koonədə hakimətiko,bə Ğıroni ım ayə məşmul bəbe ki,hamyedə:”aya nıvinde əkəson ki,qımon kardedən bətı iyən bəştı bənav bıə peyğombəron nozil bıə çi imon vardəşone.qıləy holədə ki,bın fikədən tuğyongərə hakimiyyəton hakim ğərol doydən.qıləy surətədə  bəvon fərmon doə bıə bəvon kufrkon”.ım muhimmə nuktə həmonə ayə dəvomədə dığğəti cəlb kardedə ki,Ğıron hamyedə:”ım şəytone(ki,bın ərsədə qıləy rol ifo kardedə) və piyedəşe əvoni  bə qıləy vey iyən diyəro zəlolət sevğ bıdo və İlahi siratəl mustəğimiku bə inhirof bıkəşon”.(Nisa-60)......