Bə Ğərbi Asiyə hodisəon qıləy nəzə
Bə Ğərbi Asiyə hodisəon qıləy nəzə
Bə Ğərbi Asiyə hodisəon qıləy nəzə
Dəvardə haftədə israyili hərbiçiyon de Fələstıni şəhrvandon miyono canqon bə qıləy tojə mərhələ daxil be və soniston bə Ğəzzə bıə həmləon ziyodə şiddətış pəydu kardə.ım canqon çı Ğudsi Şeyxu Cərrah məhəlləku bino be.israyili rejim de Fələstınıjon çəvon jiyə vıronku məcburi kuç doey və əvoni çəvon kə-bəku avarə kardey,həmmə Ğudsədə ıştə hakimiyyəti zumand kardey dumon.ım qıləy mevzuye ki, Fələstınıjon de ğətiyyəti demi mıxolifətışon karde və Ğudsi ıştə sərzəmini torıxi iyən məzhəbi hoviyyət və şəxsiyyəti somvoliku co nıbə ibaxş hisob kardedən.həmonə holədə İslomi kişvəron veyniədə bıə millət və həmçinin avropədə jiyə camaat de hevujə şikilədə etırozinə aksiyəon bərpo kardey,Fələstıni millətışon himoyə və seonist rejimi cinoyətınışon məhkum kardə……
Fələstıni Səhiyyə Vəzərotxonə elonış kardə ki,bın dəvardə haftə ərzədə bə seonist rejimi bə Ğəzzə kardə həmlə nəticədə çı şəhidon mığdor bə dısa nəfərisə həm veyə ədədi rəsə ki,çəvon miyono 58 qılə hırdən və 34 qılə jen toyfə mevcude.
Ğəzzədə Bemarzə Həkimon Onemoni rəyis Helen Peterson Ğəzzədə ısətnə həmməysə dıjdə muşkilış bə seoniston həmləon xoto dəvo-damonon nıvğandeyış elon karde və vpteşe ki,əmə zıneydənimon ki,Ğəzzə damonədə Səhiyyə Sistem de tosə keynə bə israyili hərbiçiyon bombaronon tov bəvardeyn?.
Seonist rejim hətto bə televiziya kanal və aqentətiyon həm həmlə kardeyku hiç qıləy tarsış ni.Ğəzzədə bə seonsit rejimi bə aqentətiyon həmləon və əvrə təxrib kardey,həyğətədə bə sıxani ozodəti həmlə nışon doydə və əvon işğal bıə Fələstinədə ıştə conoyəton inhisori dılədə oqətey dumon…..
Dəvardə haftədə eyni holədə bo otəşbasti bərpo kardero cəhdon həm bıən.əmmo,Ğudsədə bə fələstınıjon ələyh bıə israyili rejimi ıştə hoziyətiku dast kəşey və dumo pekırey mışohidə bıəni.
Ironi Xarici Koon vəzir Muhəmməd Cəvad Zərif de İslomi Həmkoəti Təşkiloti xarici koon vəziron iztirori virtual iclosədə voteşe:ımruj rabitəon normal kardey bə vırə rosney bədiqə çı Fələstınıjon hırdənon ğətlı-am əncom beydə və cinoyətkorə rejim və odəmkıştə seoniston ijən sabitışon karde ki,de ın rejimi dustonə rabitəon fəğət bəçəvon ğəsovət və sığədıləti şiddət pəydu kardey boyis beydə.
Zərifi əlovəş karde:israyili nifoğamizə hərəkəton hədəf fəğət,çı mısılımınon miyono təfrığ eğandey iyən Fələstıni milləti coyli haşteye.Ironi Xarici Koon vəzir Muhəmməd Cəvad Zərif elonış karde ki,israyil fəğət Mığoviməti zıvoni famedə və Fələstıni millət komilə surətədə boştə həxı mıdofiyə kardero iyən çı ğudlurə seonist rejimi mığobilədə mandero qıləy həxış heste….
