Ilahi rəhbəron-150

Ilahi rəhbəron-150

Demiyən İmom Sadıği(ə) bənə ıştə bənav bıə məsumə İmomon(ə) ıştə əsrədə bıə zolımkorə hukuməton mığobilədə betafut nımande və bə duyədə ıştəni bə peyğombəri(s) xilofəti məğami nisbət doə və ə məğami ğəsb kardə kəson əksul-əməl nışon doydəbe.liza çı İmom Sadıği(ə) iminə və əsosinə hərəkət çı Bəni-Əbbosi ğeyri-ğanuni iyən zolımkorə hukuməton nəfy iyən inkor kardey be.ə həzrəti hamyeşe:har qıləy fərd ki,bə sıtəmkorə ğazi iyən sultoni pənoh bıbo və bıpyişe ki,çəvon koonədə hakimətiko,bə Ğıroni ım ayə məşmul bəbe ki,hamyedə:”aya nıvinde əkəson ki,qımon kardedən bətı iyən bəştı bənav bıə peyğombəron nozil bıə çi imon vardəşone.qıləy holədə ki,bın fikədən tuğyongərə hakimiyyəton hakim ğərol doydən.qıləy surətədə  bəvon fərmon doə bıə bəvon kufrkon”.ım muhimmə nuktə həmonə ayə dəvomədə dığğəti cəlb kardedə ki,Ğıron hamyedə:”ım şəytone(ki,bın ərsədə qıləy rol ifo kardedə) və piyedəşe əvoni  bə qıləy vey iyən diyəro zəlolət sevğ bıdo və İlahi siratəl mustəğimiku bə inhirof bıkəşon”.(Nisa-60)......

Demiyən İmom Sadığ(ə) bəştə rostəvıjə tərəfdoron fəron doydəbe ki,de Əbbosi zolımkorə hukuməton həmkoəti iyən bıdə-bıstən kardeyku nəhy kardeydəbe.ə həzrət bo şiyə ehtiyocinə şəxson maliyyə koon idorə kardeyro bıə ıştə ixtisodi ğudrəti ziyod kardero,bə ə həzrəti əshobonku qıləyni bıə Muəlla ibn Huneyşi votey əsos ıştə şiyəonku xomsi peqəteydəbe və bə zərurəton əsos qıləy hərəkət kardedəbe. həmçinin İmom Sadığ(ə) çı har qıləy fırsətiku boştə bə Əbbosiyon mınofiğə hukuməton ələyh mıborizəonədə çı inkori metod və şivəonku oko doydəbe ta ıştə şiəyon bə zolımə hukuməton səmt dim qətey vəy bıqəto.ə həzrət iruj bəştə şoqirdonku idastə hamyeşe:”az hiçvaxti hozzı nim bə sıtəmkoron nəf iyən xəyri qıləy anqıl ojkom və ya çəvonku duşiku qıləy bo peqətom.zira zolımkoron və çəvon koməkəyon ğıyoməti ruji cəhəndımi otəşədə bəsuteyn”.ə həzrət de sıtəmkorə hukuməton mıborizə bardey risolət və missiyə nışon doeyro,çı har qıləy dastə və qrupiksə vey bə dini rəhbəron hamyedəbe:”fəğihon çı peyğombəron canişinonin.ehanə qıləy fəğihi vindeşe ki,bə sıtəmkorə hakimyyəti meyl pəyduko,bəy etımod məkənən və çəy dindoəriyədə şəkkənən və əy çı camiyə çəşiku eğandənən”.....

Qıləy ruj qıləy fərd bə İmom Sadıği(ə) məhzər şərəfyob be və voteşe:ehanə yəhudiyon umum millət bəştə alimon kur-kuronə təğlıd kardey xoto bə mızəmməti məruz bımandon,umum mısılmınon həm həmonə ko kardedən və ıştə alimonku təğlıd kardedən.çən,çəvon miyono çı qıləy farğ heste?.həzrəti hamyeşe:yəhudiyon umum camaat ıştə alimon zıneydəbin və xəbəşon hestebe ki,əvon du votedən, hərom hardedən,rışvə seydən və Xıdo hukmon əvəz kardedən.əgər de ikəsi deşmınətikon çəy həxı zay və poymol bəkardeyn və ehanə de qıləy fərdi dustiyəti rasbitə bərpokon,əy mıdofiyə bəkardeyn.həzrət həmçinin bəştə sıxanon dəvom doşone və peşo hamyeşone:umum yəhudiyon deməkə ki,ıştə alimon qırd yavə xıslətonku aqah bin,əmmo bəştə kur-kuronə təəssıbi xoto bəştə alimon sıxanon pemandedəbin və bə həmonə dəlili xoto,Xıdovəndi tərəfiku mızəmmət beydəbin.peşo hamyeşe:əgər umum mısılmınon həm bəştə fəğihon kur-kuronə təğlıdkon,bənə yəhudi umum milləti İlahi tərəfiku bə tejmət iyən mızəmməti məruz bəmande.....