Ilahi rəhbəron-152

Ilahi rəhbəron-152

Bə qıləy nəğli əsos iruj mənsur əbbosi ki,İmom Sadığ(ə) ıştə imoməti zəmoni da sorış çəy mıosir be,bo ə həzrəti xəbəş vığande ki,boçi bəçəmə saray şıe-omey kardedəniş?.İmom Sadıği(ə) xəbəş vığande ki,nə əmə çı dınyo zər-zibo əhlimon ki,boəmon ıştıku qıləy bəhrə bobəmon  və nə  tı çı axırəti əhl niş ki, boəmon ıştı kəno boştə axırəti qıləy azuğə zəxirəkəmon.mənsur əbbosi nez iyən saray odəmonku qıləyni votedə:qıləy ruj iqlə muçək çəy dimisə nıştə be,əvış deştə dasti tojneşe.əmmo həmonə muçək ijən ome və mənsuri ijən əvış tojne.nəhoyətən əv oqıniye və bın miyon İmom Sadığ(ə)  ome daxil be.mənsuri dəparseşe:Xıdovəndi boçi muçəkış ofəyə? İmom Sadığ(ə) de oşkoə formə hamyeşe:”bəçəy xoto ki,ıştəni qərdəni pekırnəkəson deçəy vositə zəlilko”......

İmom Sadıği(ə) de ğətiyyəti bıə mevğıyyət,ərsəş bo mənsuri rujbəruj tanq kardedəbe və çun ım vəzyət bo bənə mənsuri bıə diktatori tov vardənin nıbe,əve bə ğərol ome ki,çə həzrət iyən çəy tərəfdoron mıhosirə həlğə vey tanqko.liza,bənə colqə bə hukuməti təşnə bıə kəson Ələvi seyyidon iyən şiöəyon terrori əmrış bekarde və çı İmomi(ə) iyən çəy tərəfdoron fəoliyyət iyən rabitəonış  deştə casuson vositə nəzorəti jiyədə oqəteydəbin.İmom Sadığ(ə) həm boştə hədəfon bə həyğət rosnero və bəştə mıborizəon dəvom doeyro,qıləy nuyə metodış bino karde və ıştə bəfodorinə dustonku tələbış karde ta ağılmand iyən şuurinə koon əncom bıdon və ıştə fəoliyyəton məxfiyonə surətədə bə vırə bırosnon və ıştə fəoliyyətonədə de dığğəti iyən ehtiyoti hərəkətkon ta çı zolımə deşmıni zərəlo-ziyononku əmonədə bımandon.Şiyə siyosi fiğhi mədəniyyətədə bə ın metodi təğiyyə votedən.yəni çı təhdid iyən ziyononku əmonədə mandey.....

Çın şivə bə meydon beşə vırə,mevsumi surətədə və de usuli hədəfon həyğəton punhon oqətey mevzu, Kərimə-Ğıronədə qıləy rəğ-rişəş heste və Ali-İmrani mıborəkə surə 28-ə, Nəhli mıborəkə surə 106 iyən Ğafiri mıborəkə surə 28-ə şərifə ayəon bəy işorə kardedə.İmom Sadıği(ə) de İlahi ayəonku ilhom sıeyçın mıborizə şivəku okoş doe və bəştə əshobon həm tevsiyə kardedəbe ki,əmə ısə bəçəvon çandə qılə nəğli işorə bəkardemon.ə həzrət bəştə dustonku qıləyni hamyeşe:”Xıdovənd,qıləy ğovm iyən milləti bənə çı ruşinəti iyən ço ruşinəti kardedə,bəştə lutf iyən rəhməti şomilko.cokəson deştə ləyoğətinə koon bəçəmə səmt dəvətkənən və deştə qırd zuon səykənən və bənə ə kəson məbənən ki,çəmə sırron və bərnoməon (bo deşmıni)ifşokon”.İmom Sadığ(ə) bə Muəlla ibn Xuneys Kufi hamyeşe:”çəmə əmron(koon)punhon oqət və hiçvaxti oşko məkə”.....

İmom Sadığ(ə)  çı deşmıni ratədə nıştə, əvoni mıhosirədə haştə  və çəvon qırd fəoliyyəti nəzorəti jiyədə oqətə zəmonədə boştə Təğiyyə nomo punhoni mıborizəon roli nışon bəyon kardero hamyeşe:”hakəs çəmə sırron onıqəto və oşkoko,bənə əkəsiye ki,bəçəmə səpe şımşiş kəşə”.ə həzrət ıştə sıxanon  dəvomədə hamyedə:”Xdo rəhmətko ə şəxsi ki,çəmə elmi sırron zıneydıə və ıştə lınqi jiyədə dəkandedə”. həlbəttə,qıləy mıborizə saxtə şərayitədə sırron oqətey jəqo həm hostonə ko ni və aqahəti baxş kardə iyən inğılobi ğıyomon məğlubiyyəton səbəb,həxə cəbhə səbarzətiyədə muhimmə rol ifo kardə insoni ğıvvon bə muhimmə Təğiyyə prinsipi dığğət nıkardey be və fəğət ə kəson bəy rioyət kardəşone ki,har cəhəto tədbirin iyən ağımand bıən.ım İslomi iyən inğılobi ko saxtiyədə,ım vəs kardedə ki,ə həzrəti hamyəşe:”əkəs ki,çəmə sırron bərməloko,bənə kəsiye ki,çəmə piyo şımşiş kəşə,bəlkəm çəy qıno vey dıjde”......