İlahi əsma

İlahi əsma

Xıdovəndi coqlə ism iyən nomonku qıləyni Əzimi nome.Imom Rıza(ə) ım nomi çı Xıdovəndi iminə ism hisob kardedə və hamyedə:”Xıdovənd boştə nomış intixobış karde ta deəy vanq kardey bıbu və ehanə Xıdovənd de nomi vanq kardey nıbu,məlum nibəbe.çən,iminə nom ki,boştə vıjniyəşe “Əliyyul-Əzime”.çun Əv bəsə həmməysə barz və bəpeye.

Əzim Yol iyən Əzəmətini mənoədəy ki,həm çı şəxson iyən həm hiss bıə əşyo və həmən mənəvi koonədə bo ko dıjd iyən barz qəteyro oko doey beydə.çən,harçi bəvədə heste,Əzime.osmonon deştə qırd kurə iyən qalaktikəon və səyyorəon Əzimə Xıdovəndi nışonəonkuye.qıləy zəmon ki,əmə bəvədə jimon kardedəmon çı Həşi qalaktikəonkuye ki,ıştən Şıti roy qalaktikəku qıləy kamə hissəy.qıləy qalaktikə ki, bənə Həşi, planet, astovə.dumədorə astovə, siyuəçolə və coqlə səmo cismon bıə ziyodə qıləyniyon ıştədə ehtivo kardedə və həmməysə heyrətamiz və odmi dığğəti cəlb kardə çi ıme ki,Şıti roy qalaktikə dınyoədə mevcud bıə çandə milyard qalaktikəkonku fəğət qıləyniye.ımon həmmə Əzim və Həkimə Xıdovəndi xılğətiku iqlə baxşe.Kərimə-Ğıron Şura mıborəkə surə 4-ə şərifə ayədə omə:”ləhu.....osmonon iyən zəminədə bıə çiyon bəy məxsuse və Əv, Barz,Yole”.....

 Xıdovənd Bəğərə mıborəkə surə 255-ə şərifə ayədə ki,de Ayətəl-Kursi nomi məşhure,hamyedə: ”Allahu....Xıdoye ki,ğərəz əv coqlə məbud ni,Bəyji iyən Bərpoəkəy........və Əv Barz,Yole”.bın ayədə Subhonə Xıdovəndi əzəməti çandə qılə məzhəron pəydu kardey bəbe.Xıdovənd qıləy əzəmətinə hukmrone ki,co mevcudaton vucud bəy ğarzıxoye.Pərvərdıqore-Aləm bə hiççi ehtiyocış nıbə qıləy vucude və qıləy ğudrəti soyb be ki,bəvədə hiç qıləy ocizəti ni.çoko ki,ayə bəy işorəş karde Əzimə Xıdovəndi mılk hevuj və osmonon iyən zəmini şomil beydə və çəy elm dəvardə soron.vəomə iyən ısətnə holi şomil beydə.millət ocize ki,bəy dast pəydukon və illa ki,Xıdovəndi elm iyən hikmət əy irodəko və Əv icozə bıdo.bə Xıdovəndi dərqo nez və mığərrəb bıə kəson həm zıneydən ki,çəy əzəmət icozə doydəni  ğərəz çəy icozə qıləy şəfoət kəsb kardey bıbu.çoko ki,çəy səltənət iyən hukmronəti bə qırd bəpe iyən saru aləmio(ulya və sufla) şomil beydə və deştə ğeybi ğudrəti hiçkəs bəy qıləy həyğiyə elmış ni və fəğət Xıdo əy idorə kardey zıneydə.ikəs ki,çın ayə həyğəton dərk bıko,deştə vucudi nığılə vırə bəvote:”pərvərdıqor ha! Tı çanədə Əzimiş,bərosti çımı pərvərdıqor Barz iyən Əzime....

Xıdovəndi de Əzəmət iyən Yolyəti zikr kardə vıronku qıləyni,Məcidə-Ğırone.Xıdovənd Hicri mıborəkə surə 87-ə şərifə ayədə bə Peyğombəre-Əkrəmi(s) xitob kardə holədə hamyedə:”və ləğəd ....əmə bətı Həmdi surə iyən Əzimə Ğıron domone.ım kitob Əzimə kitobe.çıro ki,çəy votəkəs Mutoalə-Xıdoye və əy həmləkə mığərrəbə mələk Cəbrəyile,əy ğəbuləkə peyğombəron xatəm,həzrəte Muhəmməd(s) və çəy hafiz iyən hıvoskə mutəalə Xıdovənde və çəy irsali zəmon Ğədrə şəve və çəy Şərhəkə və mıfəssır Əhli-Beyt(ə)in.çən,həmə cəhəton ki,Ğıroni əzəmətədə qıləy rolış heste,ım ıştən çəy mislış nıbə əzəməti cəhətonkuye....

Xıdovənd Əzime və jıqo bızın ki,çəy əzəməti hiçki dərk kardey zıneydəni.çəy məxloğat həm çı Xıdovəndi əzəməti təcəlli pəydu kardə məxloğin.ısət ım planet bıbu ya qıləy zərrə ğədərədə bıə çi bıbu.Kərimə-Ğıronədə bə Xıdovəndi əzəməti təcəlli çandə qılə vırə işorə kardedə.bənə ğıboni kardey ki, hamyedə: ”fədəynahu bizibhin əzim”.və qıləy dıjdə ğıboni bəy(bə həzrəte İsmayili) fədo kardemone.(Saffati mıborəkə surə 1070.həmçinin dınyəvi ləzzəton,harçənd bənə ğaruni sərvətış bıbu,Əzime.:”innəhu ləzu həzzin əzim”.:əv(ğarun) dıjdə bəhrə və ziyodə həzzış heste.(Ğəsəsi surə-79).

Xıdo fəzle həm Əzime:”vəllahi zu fəzlin əzim.Xıdo fəzl iyən dıjdə rəhməti soybe.(Ali-İmrani mıborəkə surə 174-ə şərifə ayə).hətto Xıdovəndi insoni bəy giriftor kardə bəloon həm,çun əzəmətinə Xıdovəndi tərəfikuye.:bəlaun min rəbbikum əzim.ə dıjdə bəlo iyən imtovon ki,Xıdo şıməni deəy imtovon kardedə.(Bəğərə mıborəkə surə 49-ə şərifə ayə).həmçinin ğıyoməti ruji zəlzələ və çəy mıkofot və əcr həm əzime.:innə....Əzimə (Ğıyoməti ruji)zəlzələ bo milləti vey dıjdə hodisə iyən qıləy saxtə vağiəy.(Həcci mıborəkə surə 1-ə şərifə ayə)....