Ilahi rəhbəron-152

Ilahi rəhbəron-152

İmom Sadığ(ə)  çı deşmıni çəvon ratədə nıştə, əvoni mıhosirədə haştə  və çəvon qırd fəoliyyəti nəzorəti jiyədə oqətə zəmonədə boştə Təğiyyə nomo punhoni mıborizəon roli bəyon kardero hamyeşe: ”hakəs çəmə sırron onıqəto və oşkoko,bənə əkəsiye ki,bəçəmə səpe şımşiş kəşə”.ə həzrət ıştə sıxanon  dəvomədə hamyedə:”Xdo rəhmətko ə şəxsi ki,çəmə elmi sırron zıneydıə və ıştə lınqi jiyədə dəkandedə”. həlbəttə,qıləy mıborizə saxtə şərayitədə sırron oqətey jəqo həm hostonə ko ni və aqahəti baxş kardə iyən inğılobi ğıyomon məğlubiyyəton səbəb,həxə cəbhə səbarzətiyədə muhimmə rol ifo kardə insoni ğıvvon bə muhimmə Təğiyyə prinsipi dığğət nıkardey be və fəğət ə kəson bəy rioyət kardəşone ki,har cəhəto tədbirin iyən ağımand bıən.ım İslomi iyən inğılobi ko saxtiyədə,ım vəs kardedə ki,ə həzrəti hamyəşe:”əkəs ki,çəmə sırron bərməloko,bənə  ə kəsiye ki,çəmə piyo şımşiş kəşə,bəlkəm çəy qıno vey dıjde”...

Imi həm zikr kardey lozıme ki,sırr oqətey sukut kardey iyən betafuti və de deşmıni mıborizə bardeyku dast kəşey mənoədə ni.bəlkəm ım hərəkət bo İslomi iyən inğılobi hədəfon bənav bardero  mıborizə qıləy taktikə iyən şivəy.binobərin bə “Təğiyyə” prinsipi dığğət kardey bə de umum milləti bə milləton hakim bıə və de duyə şuoron əvoni dast dənoə ğudrətmandon bədəni ciddiyə zərbə jıeyro, ağılmandəti,deşmıni zəyifə noxtəon zıney,mıborizə siyosəton və bərnoməon plani kəşey mənoədəy.boçımi əsos bo İmom Sadıği(ə) əyoni surətədə səhnədə iştirok kardero harçənd iştimoyi iyən siyosi şərayiri əsos səhnədə mevcud nıbe,əmmo ə həzrət hətto iləzə həm bənə zolımorə əbbosi hukuməton mığobilədə orom nınışte və de mıborizə taktikə və şivəon əvəz kardey,dayima deəvon mıborizə bardedəbe.bə həmonə dəlili xoto,ehanə İmom Sadığ (ə) hiss kardedəbe bə təğiyyə usul və prinsipi rioyət kardey kali zəmonədə lozım ni,ələni iyən əyani surətədə mıborizə kardə kəson və inğılobçiyon himoyə və əvoni təsdığ kardedəbe.de ın ko əloğədor İmom Sadığ(ə) bəştə Əbduillah ibn Əbi Yəəfur nomo səhobəonku qıləyni hamyedə:”bə Xıdovəndi tərəfiku mənsub nıbə zolımə hukuməton meyl pəydu kardə kəson dinışon ni.harçənd çəvon barzə səviyyədə təğva soyb həm bıbu.peşo hamyeşe:bəqəm ım ayə məsəşon ni ki,Xıdovənd hamyedə: ”vəlləzinə ....və əkəson ki,kofir bin və tuğyongərə hukuməti viloyətış ğəbul kardeşone,əvoni nuroni (imoni) fəzoku xaric bəkarde və bə toykiyə(kufr və zılmi) dınyo səmt sevğ doydə.Əbduillah ibn Əbi Yəəfur sıvol kardedə ki, bəqəm Ğıroni mənzur iyən məğsəd “vəlləzinə kəfəru” ni?.həzrəti hamyeşe:kofiron nurışon ni ki,bıpyişone çəvonku bıstəno.ım dastə ıştəni bənə mısılmoni nışlon doə dastəy ki,bəştə con iyən moli  xoto zolımkorə ğudrətonku tarseydən.nəticədə əvon çı islomi nuriku xaric bıən və kufri toykiyətiyon səmt hərəkət kardedən və Kərimə-Ğıron çın ayə oxoyədə hamyedə: ”Ulayikə..... ..həmonə ”əvon otəşi dustonin və əvon əbədi əyo bəmandeyn”.....

İmom Sadığ(ə)  nəhoyətədə çı Ələviyon ğıyomi məğlubiyyəti telə nokomətiyon dığğət kardə holədə,ıştə buzurquvarə pı İmom Məhəmçməd Bağıri(ə) zəmoniku bino bıə mədəni inğılobi bə oxo rosney komilə zərurəti hiss kardedəbe.ə həzrət ıştə əsrədə de diroyət və bə iştimoyi iyən siyosi fəzo təsəlluti xoto.de pencminə İmomi(ə) imoməti əzmonədə foydənin təcrubəonku bəhrə bardey,bə ın nəticə rəse ki,siyosi mıborizə və çı həxı de botıli mıborizə,qıləy zəmon ki,bə xoş omə nəticə rəsey bəbe ki,camiyə məxsusən bə botıli ələyh bıə həxı royədə mıborizə bardə kəson bəpe qıləy nığılə dini iyən siyosi bəsirəti soyb bıbon. boçımi əsos İmomi(ə) tərbiyəvi məktəbış bino karde və bın məktəbədə barzə əxloği xısləton soyb yolə şəxsiyyətonış perosneşe və çəy şoqirdon rəğəm rujbəruj ziyod beydəbe....