Ilahi rəhbəron-153

Ilahi rəhbəron-153

İmom Sadığ(ə)  nəhoyətədə çı Ələviyon ğıyomi məğlubiyyəti telə nokomətiyon dığğət kardə holədə,ıştə buzurquvarə pı İmom Məhəmçməd Bağıri(ə) zəmoniku bino bıə mədəni inğılobi bə oxo rosney komilə zərurəti hiss kardedəbe.ə həzrət ıştə əsrədə de diroyət və bə iştimoyi iyən siyosi fəzo təsəlluti xoto.de pencminə İmomi(ə) imoməti zəmonədə foydəninə təcrubəonku bəhrə bardey,bə ın nəticə rəse ki,siyosi mıborizə və çı həxı de botıli mıborizə,qıləy zəmon ki,bə xoş omə nəticə rəsey bəbe ki,camiyə məxsusən bə botıli ələyh bıə həxı royədə mıborizə bardə kəson bəpe qıləy nığılə dini iyən siyosi bəsirəti soyb bıbon. boçımi əsos İmomi(ə) tərbiyəvi məktəbış bino karde və bın məktəbədə barzə əxloği xısləton soyb yolə şəxsiyyətonış perosneşe və çəy şoqirdon rəğəm rujbəruj ziyod beydəbe....

Şeyx Mufid “İrşadədə” nıvışteydə:mıxtəlifə fənnonədə İmom Sadığiku(ə) nəğl kardə raviyon mığdor bə ço həzo nəfəri nezi be.Təbərsi “Ə`lamul-Vəra” kitobədə həmonə mığdori təyid iyən təsdığ kardedə.de ın tərtibi Şəşminə İmom(ə) ıştə əsr və zəmonədə həmməysə dıjd və həmməysə təsirinə Ali məktəbış bərpo karde və çı vəhyi mərkəz bıə Mədinə şəhrış çı həzrəte Muhəmmədi(S) vardə əslə İslomi təlimon omutey və pevolo kardey vırə və məkon be.bın sahədə coqlə muhimmə mevzuon çımiku iborət be ki,Şiyə bənə Cabir ibn Həyyan,Hişam ibn Həkəm,Zurarə bin Ə`yun və Mumini Tağ bıə yol iyən barzə şəxsiyyəton çı İmom Sadıği(ə)  məktəbədə perəsə və tərbiyə vində kəsonin ki,əvon çə həzrəti təlimon nəşr və pevolo kardey koyədə əsosinə rolışon ifo kardə.həmçinin çı hənəfiyon rəhbər əbu hənifə həm iftixor kardedəbe ki,dı sor çı İmom Sadıği(ə) palu dərszış handə və elmış omutə və votedə ki,ıştə elmi qırd azuğəon çə həzrəti məhzərədə kəsbış kardə.joqo ki,əv votedə:ehanə həmonə dı sor bıə nıəbe,Numan həlok əbi.çı malikiyon rəhbər bıə malik həm fəxr kardedə ki,çı İmom Sadığ(ə)  nəzdədə de elmi təhsili koy məşğul bıə. joqo ki,votedə:bəsə Cəfər ibn Muhəmmədisə qıləy barzə inson  nə ikəsi vindəşe və nə məsəşe və bə hiçkəsi əndişə iyən təfəkkuri həm xuturış kardəni,dəvardəni....

İmom Sadıği(ə)  məktəbi harujnə ziyod bıə nufuz və Nəbəvi iyən Ələvi təlimon nəşr kardey ki,çə həzrəti bənav bıə İmomon(ə)və İlahi Rəhbəron zəmonədə qıləy çokə şərayit bə əməl omə nıbe,boyis be ki, əbbosi hukumət bə həzrəti nisbətədə qıləy həssosiyyət pəydukon və bə ə həzrəti ciddi nəzorətkon.siyosi ərsəku həm əlovə,çı İmom Sadıği(ə)  elmi iyən mədəni nuzfuzi mığobilədə qıləy səf və cərqəşon kəşe.bə həmonə dəlili xoto və bə qıləy kəşə bıə plani əsos,əvon “əğedə canqi”nomo qıləy nuyə caqnışon bino karde.əvon