İlahi əsma

İlahi əsma

Ğəfur Ğəfəri rişəku puşniye,edoye və məhfuz mande mənoədəy.həlbəttə,Ğəfur çı puşniyesə bəpeye.çıro ki,puşniyeədə çı qıno iyən aybi piyo puşniye beydə.əmmo həmonə qıno iyən ayb çı miyoniku şeydəni, bəlkəm ijən dəvomış heste.əmmo Ğəfər qıləy puşniye ki,çı qınoku hiç qıləy əsər-əlomət baği haştedəni. Xıdovəndi Ğəfur bıey bın mənoədəy ki,Əv qıləy Əabxşe ki,qınoon puşniyedə və bəştə fəzl iyən rəhməti hevujəti şiddəti xoto hətto ıştə qınokorə bandəon qıno çı məlayikon xotırəku pok və təmiz kardedə ta çı hisob-kitobi ruji əvon rızvo nıbon.çımisə əlovə ıştə məxsusə nemət iyən rəhməti bə tobəkə insoni cari kardedə ta çəy daxili ayb və noxsanon bərtərəf kardey bıbu və əv de hostonə formə  bə ruşd iyən kəmoli səmt hərəkətko....

Xıdovənde-Aləm Fəthi mıborəkə surə 1-2-ə ayəonədə bə peyğombəre-əkrəmi(s) hamyedə:”inna...əmə botı qıləy oşkoə ğələbə hozzı kardemone ta Xıdovənd bətı nisbət doey bıə dəvardə iyən ayəndə qınoon bıpuşno(və ıştı həğğoniyyətış sabit karde) və ıştə neməti bətı təmomko və bə rostə ro hidoyətko.bın ayəonədə fəth iyən ğələbə bə peyğombəri(s) nəsib bəbe ta çəy qırd dəvardə iyən vəomə qınoon bıpuşno.yəni bənə fıtnə icodəkə,bə ərəbi adəton be etinoəkə,şayir və məcnuni bıə qırd iftiroon iyən nisbəton ki,bə ə həzrəti jeydəbin bıpuşno və çın qırd norəvoə sıxanon təsiri çı miyoniku bıbo.puşniye fəğət qıno barədə ni,bəlkəm çəy təsiri həm ehtivo kardedə.....

Ğəfuri nom Kərimə-Ğıronədə 91 kərə tikror bıə ki,çın mığdoriku 72 kərə de Rəhimi nomi bə icoye ki,bo həmmə qınokoron umubaxş kardə mıjdəvoniye.Ğəfur iyən Rəhim həyğətədə iyande təkmil kardedə.boçi ki,Ğufran bə rəhməti boyis beydə və rəhmət həm bə ğufrani boyis beydə.ehanə Xıdovəndi ğufranış nıbu rəhmət ni və əgər İlahi rəhmət nıbu,ğufran həm mumkin ni.Ğəfurə Xıdovənd Zuməri mıborəkə surə 53-ə şərifə ayədə bəştə bandəon bəşorət doydə ki,əkəson ki,ziyodə qınoon kardedən,deştə hevuj iyən ziyodə məğfırəti baxşeydə.həmçinin əvon ki,Xıdovəndi rəhmətiku məyus bıeyku ğədəğən kardey bıən,harçənd ki,ziyodə qınoş həm bə vırə rosnə və bə kəbirə qınoon həm mırtəkib həm bıbu.bın dıjdə bəşorətədə qırd qınoon ısət çı hırd və dıjd bıbu və ya oşko iyən punhon bıbu.bə həmonə dəlili xoto,Əbaxşə Pərvərdıqor çəy bə ziyodə qıno mırtəkib bıən və həyğətən bə Xıdovəndi səmt tobə kardedən,oqardeən və bəçəy əmron təslim beydən və qınoon tərk kardedən,Xıdovənd əvoni bəştə baxşeş iyən məfırəti şomil kardeydə və baxşeydə.....

Kərimə-Ğıronədə Ğufri rişəku seqlə Ğəffar,Ğəfur iyən Ğafiri nom omə.odəmi dığğəti cəlb kardə çi ıme ki, bo qınokorə fərdon həm seqlə nom oko doey bıə