Ayətullah Xameneyi,zumand iyən mehribon

Ayətullah Xameneyi,zumand iyən mehribon

Milləti miyono ziyodə mahbubiyyətış bıə bənə İmom Xomeyni(r) misliş nıbə,xarizmatik,inğılobi iyən təhəvvul ofəyə şəxsiyyəti bəfoti bəpeştə,İroni deşmınon jıqo fik kardedəbin ki,de İmom Xomeyni(r) çı dınyoku şıey İslomi inğılob həm çı miyoniku bəşe.əmmo əvon həni zıneydə nıbin ki,Xameneyi çı Xomeyni(r) məktəbədə perəsə və tərbiyəş vində və çı kişvəri vey saxtə şərayit iyən vəzyətədə çəy palu bıə və çə həzrəti kəno bıə.ısət 32 sore çı ayətullah Xameneyi zumandə rəhbərəti bəpeştə hətto deşmınon həm elon kardedən ki,ə həzrət İmom Xomeyni(r) noə royədə hərəkət kardedə və çı inğlobi hədəfon de veyçokə formə bənav bardedə və deçəy ağımandə rəhbərəti vositə İslomi İron çı deşmıni mıxtəlifə hiylə və məkrinə planonku dıəvardedə və ın kişvərış Miyonə Şərği məntəğədə bə həmməysə əmno-əmniyyətinə məmlıəkətiş təbdil kardə.

Amerkə sabiğ Xarici Koon vəzir Kondoleezza  Rice və corc buşi barzə mışovir ayətullah Xameneyi barədə jıqo votedə:İroni rəhbər de ziyodə budcə sərf bıə həmməysə çokə zehnon hozzı kardə və qıləy vey dırozə mıddətədə mahirə icroəkəyon bəştə ehdə peəqətə məkrinə planon,deştə i saatinə sıxani bəyənde jeydə və çəy vəy qəteydə.

Isət həm de İslomi inğılobi əzəmətinə səbarzəti 42 sor bəpeştə  və Ayətullah Xameneyi 32 sornə dəvəşə devroni noiliyyəton çı inğılobi toğəş bə qıləy barzə doş təbdil kardə ki,həmmə tərəfədə livə və səmərəş heste....

İmom Xomeyni(r)mıxtəlifə zəmonədə təkidış kardə ki,ayətullah Xameneyi çəy bəpeştə rəhbərəti məsuliyyətinə vəzifə bəştə ehdə peqətey ğudrətış heste və əv bımi loyığe.ə həzrət idastə camaati huzurədə hamyəşe:i nəfər bənə cənob Xameneyi pəydukənən ki,bə İslomi xıdmətədə təəhhudış heste və çəy dıli nığıllə vırəku ın bovəş bıbu ki,bə ın milləti xıdmətko.pəydu nibəkardiyon.az əy dırozə soronku zıneydəm.

İmom Xomeyni(r) ıştə bə ayətullah Xameneyi bıə nomə iqlə baxşədə jıqo nıvışteydə:”az ki,çı inğılobi çandə soron bənav detı qıləy nezə rabitəm hestebe və həmonə rabitə ısəthəm mandə,tıni İslomi Respublikə zumandə kəşonku qıləyni zıneydəm və ....zınedəm çı duston iyən bə İslom iyən bə İslomi əsoson  bəfodorə şəxson miyono  min cumlə nodirə şəxsonkuş ki,bənə həşi vavriski doydəş”....

Ayətullah Xameneyi barizə xıslətonku ıme ki,çəy sıftənə dərəcədə bə Xıdo imonış heste və bə İlahi və`dəon bovəş heste.Ayətullah Xameneyi ğoymə imon,nığılə təvəkkul və deştə pərvərdıqori xolisonə rabitəş heste.ə həzrət Kərimə-Ğıronış qırd hifz kardə və de İlahi ayəon qıləy unsiyyətış heste.livani Hizabullah Hərəkati rəyis seyd Həsən Nəsrullah çı inğılobi Yolə Rəhbəri ın xısləti həxədə jıqo votedə:min cumlə vıronku bovəm heste və ımi çəy coqlə xıslətonku co kardedə,İmom Xameneyi bə Mutəalə-Xıdovəndi bıə barzə etımode”....ısət bo İslomi Respublikə idorə kardero,umməti rəhbərət və de dınyo imperiyaliston amerkə və tağuton mıborizə bardey İmom Xameneyi məsuliyyətış bəştə ehdə peqətə və mustəzəf və məzlumon himoyə kardedə və canqi vey saxtə şərayitonədə votedə ki,mı bə Xıdo etımodım heste və həyğətən çəy etımodış heste.ehanə ayətullah Xameneyi bə Xıdovəndi etımodi ın dıjdə dərəcə rəsə nıəbe,əy bə cokəson ovoştıney nıəzini....