De İmom Sadığ(ə) şəhodəti ruji mınosibəti

De İmom Sadığ(ə) şəhodəti ruji mınosibəti

İmom Sadığ(ə) çı İsna-Əşəri Şiyə məzhəbi şəşminə imome.çə həzrəti məşhurə kunyə Əbu Əbdullahe.həmçinin  bənə Əbu İsmail və Əbu Musa kunyəonışon həm heste.çə həzrəti həmməysə məşhurə ləğəb Sadıği ləğəbe ki,tıbğe İslomi peyğombəriku(s) rəsə qıləy rəvoyəti ə buzurquvarə şəxsi ım ləğəbış bəy doəşe.rəvoyəti mənbəonədə İmom Sadığ(ə) əxloği xısləton zəminədə çə həzrətiku zuhd,infağ,ziyodə elm,veyə ibodət və Ğıroni tilovəti həxədə xəbəon omə rəsə.əhlı-sınnəti alimonku qıləyni Muhəmməd ibn Təlhə İmom Sadığ(ə) çı Əhli-Beyti(ə) həmməysə dıjdə şəxsonku,ziyodə elmi soyb,vey zuhd iyən ibodəti əhl və Ğıroni tilovətəkə tevsif kardedə.əhlı-sınnəti fiğhi məzhəbi imomonku qıləyni bıə Malik ibn Ənəsi nəğl kardedə ki,i mıddət İmom Sadığ(ə) palu dərs handedəbe,dayima ə həzrəti seqlə holət yəni nımojvotey,rujə qətey iyən zikr kardə holədə vindedəbe.....

Şiyə hədisi mətnonədə İmom Sasdıği(ə) de coqlə məzhəbon mutəkəllimon və Xıdo inkor kardə kəson miyono mınozirə və diyaloqon barədə rəvoyəton mevcude.kali debat və mınozirəonədə  İmom Sadığ(ə) şoqirdon çə həzrəti huzurədə mıxtəlifə sahədə ixtisosışon hestebe de cokəson mınozirə və debat kardedəbin.bın iclosonədə İmom Sadığ(ə) bə ın debaton nəzorət kardedəbe və qahi zəmon ıştən həm bə ın mınozirəon daxil beydəbe.

Şiyə İmomon(ə) miyono ısət çı usuli din və furuu din bıbu,həmməysə veyə hədis İmom Sadığiku(ə) nəğl bıə.həmçinin ə həzrətiku nəğl kardə  ziyodə raviyon mevcud bıə.Əli ibn İsa Ərbili haftminə əsri çı şiyə muhəddis,torıxəvon iyən şayir çə həzrətiku rəvoyət nəğl kardə raviyon mığdor çohəzo nəfərış elon kardə.bə Əban ibn Təğləbi votey əsos şiəyon havaxti peyğombəri(s) sıxanonədə qıləy ixtilof vindeyədə bə həzrəte Əli(ə) sıxanon sıxani çanq ğandedən və İmom Əli(ə) sıxanonədə qıləy ixtilof pəydu kardeyədə,bə İmom Sadığ(ə) sıxanon ruzu iyən ovard kardedəbin.bə İmom Sadığ(ə) rəsə fiğhi iyən kəlami rəvoyəton ziyod bıey dəlili xoto,İmomiyyə Şiyə məzhəb de ə həzrəti nomi yəni Cəfəri məzhəbi nomi məşhure.bəçəy xoto İmom Sadığ(ə) de Cəfəri məzhəbi rəyisi nomi məşhure.....

İmom Sadığ(ə) hamyedöə:”təəccıb kardedəm əkəsiku ki,çoqlə çiyku tarsış heste,çokonə bə çoqlə çi pənoh bardedən? Heyrəti dılədəm bo əkəsi ki,tars bəy ğalib omə,çokonə bə ın zikri pənoh bardedəni.”Həsbunəllah və niməl vəkil,fəğət Xıdo bəmə kifoyət kardedə və Əv çokə vəkil iyən səmərənine.(Ali-İmran-173).zira məsəme ki,Xıdovənde-Əzzə və Cəllə ıştə nomi zikri bəpeştə hamyəşe:fənğələbu...həmonə dastə muminon de Xıdo fəzl iyən neməti qıləy holədə oqardin ki, boəvon hiç qıləy əzob iyən renc bənav nıome və əvon Xıdo roziyəti dumo bin və Xıdo dıjdə fəzl iyən rəhməti soybe”....(Ali-İmran-174).....