Ilahi rəhbəron-154

Ilahi rəhbəron-154

Ğahirə xarici zıvonon unversteti ərəbə ədəbiyyoti ustod doktor Hamid votedə:vist sorisə veye ki,İslomi elmon iyən fiğhi torıxədə təhğığ kardedəm.bın ərsədə İmom Sadıği(ə) barizə şəxsiyyət,Nəbəvi xanedani pokə sulolə çımı nəzəş bəştə cəlb kardə və çımı təsəvvır ıme ki,ə həzrət İslomi elmon icodədə navjənonku və barzə mutəfəkkironkuye ki,qırd Şiiyə iyən sınni alimonış bəştə cəlbış kardə.(Əlimamis-Sadığ vəl məzahibul-ərbəə səyfə 52).

Əhlı-sınnəti hədisi sahədə navəjənonku qıləyni bıə mailk ibn ənəs votedə:mı elm,ibodət iyən veyzıney nəzəku  bəsə Cəfər ibn Muhəmməd Sadığisə vey çok iyən vey ləyoğətinə qıləy şəxsım nıvinde.(həmonə mənbə səyfə-53).

Əhlı-sınnəti çoqlə məzhəbonku qıləyni bıə hənəfi məzhəbi təsisəkə əbu hənifə numan ibn sabit İmom Sadıği(ə)  həxədə jıqo votedə:az fiğhədə bəsə Cəfər ibn Muhəmməd Sadığisə vey zınə kəsım nıvinde.qıləy ruj bə Əbbosi xəlifə mənsuri sıfarışi əsos fiğhi sahədə çıl qılə muhimmə məsələ və mevzu hozzı kardeme ta çı xəlılifə iyən çəy məclisədə  bıə qırd şəxsiyyəon mığobilədə çəyku bəhskom.İmom Sadığ(ə) çə həmonə məsələon cəvob iyən çəvon ixtilofonış jıqo bəyon  karde və bə qırd çıl qılə məsələ jıqo cəvobış doe ki,əyo bıə həmmə kəson etırof kardeşone  ki,ə həzrət İslomi elmon iyən maarifi sahədə bəsə həmməysə vey aqh və xəbədoe.(Mənağibe Əbi Həliğə-1-ə cild,səyfə 172)......

Imi həm zikr kardey lozıme ki,zolımkorə hukuməton əksər bə elm iyən zıney hiç qıləy meylışon nıbe və bəzi zəmonədə həm çəvon sarayonədə kali mutəfəkkir iyən alimon mevcud bıə,çəvonku bənə əbzori oko doey xoto və ıştəni bənə elmi himoyədoron nışon doey bıə və ya bın fikədə bıən ki,çəon elmi şəxsiyyət və ğudrəti bə sıvoli ji bıbon.Əbbosi xəlifə mənsur həm de ın hədəfi əbu hənifəku tələbış karde ki,çıl qıləy fiğhi sahədə saxt iyən çətinə sıvolon hozzıko və bın təsəvvırədə be ki,İmom Sadığ(ə) bəvon cəvob doey ğudrətış nibəbe və çə həzrəti barzə şəxsiyyəti çı məclisi əhli palu darışto.əmmo bəçəy şəytoni iyən mıəkrinə plani əks,İmom Sadığ(ə) jıqo səbarz və ğalib be ki,məslisədə bıə qırd camaati bə ə həzrəti əhsən voteşone və təşviğ kardeşone.bə Kərimə-Ğıroni təbiri əsos ki.hamyedə:de həxı deşmın bıə kəson məkri əhli hiyləşon karde(ki,ğasbu həxı məğlubkon,əmmo həni xəbəşon nıəbe ki,)Xıdo həmməysə çokə tədbirəkəy.(və çəvon qırd hiyləon vəy qəteşe).Ali-İmran-54)....

Ğamusul-Əlam kitobi mıəllif Xeyruddin Əzzirikli İmom Sadıği(ə) barzə şəxsiyyəti həxədə votedə ki,elm iyən fəzilətədə ıştə zəmonə yeqanə şəxs və çəy dərsi məclisonədə imom əbu hənifə bəsə zonusə nışteydəbe və çəy zohiri iyən botıni elmonku bəhrə bardedəbe.İmom Sadığ(ə) cəbr.kimya və coqlə elmonədə məhorətış hestebe.min cumlə çəy məhzərədə elm kəsb kardə kəsonku kimya elmi sahədə barzə şəxsiyyət bıə  bə vey məşhurə alim Cabir ibn Həyyani işorə karde bəbe.

İmom Sadığ(ə) elmi barzə şəxsiyyəti soyb bıeysə əlovə,zuhd iyən təğvadə iyən sodə jimon və çokə muaşirətədə həm qıləy bemislə şəxs be və bın sahədə həm ziyodə ləyoğətış hestebe və bəçəy əxloği fəziləton xoto bə həzrəti Sadığ və rostəvıj ləğəbışon noəbe və ə həzrət de ın ləğəbi məşhur be.Misrıjə qıləy ənıvışt doktor Əhməd Əmin  jıqo votedə:İmom Sadığ(ə) Şiyə fiğhi iyən huğui həmməysə yolə şəxsiyyət, bəlkəm İslomi mıxtəllifə əsronədə və peşonə devronədə həmməysə yolə elmi şəxse.Dayirətul-Maarif Ğarnul-İşrin məşhurə kitobi mıəllif Fərdi Vəjdihəm jıqo votedə: Cəfər ibn Muhəmməd Əssadıği(ə) elm iyən zıney mərkəz  har ruj de dıjdə alimon pur be.ə alimon ki,de hədison,təfsi,fəlsəfə iyən kəlami elmon  oşno bıeyışon piyedəbe,əve əvon çə həzrəti dərsi məclisonədə iştirok kardedəbin.əksər vaxtonədə dı həzo və qahi zəmon həm ço həzo nəfər məşhurə alimon bın elmi məclisonədə iştirok kardedəbin....