Ilahi rəhbəron-159
Ilahi rəhbəron-159
İmom Sadığ(ə) de mənsur əbbosi məmuron vositə zəhrin be və çə həzrəti şəhodəri zəmonədə,mənsuri bə Mədinə fərmondori əmrış karde ki,bə ə həzrəti kə bışo və çəy varisi həm dərhol bıkışto.əmmo İmom Sadığ(ə) çəvon məkrinə plani vəyış qəte və fərmondor çə həzrəti vəsiyyotnomə bə dast vardə zəmonədə bə heyrət və təəccıbi ğərğ be.joqo ki,İmomi(ə) əyoş penc nəfəri nomış boştə varis ğeydış kardəbe.əvon çımonku iborət bin.bə zəmonə zolımə xəlifə mənsur dəvaniğ,muhəmməd ibn suleymon(Mədinə fərmondor), Əbdullah ibnn Cəfər ibn Muhəmməd(İmom Kazımi(ə) bıvə) Mosə ibn Cəfər(ə) və İmom Sadıği(ə) jimoni həmro Həmidə xanım....
Harçənd İmom Sadığ(ə) de ım metodi ıştə fərzənd iyən canişini conış peroxne zıne və çı deşmınon məkrinə planon vəy bıqəto.mənsur əbbosi hissış karde ki,əv məğlub bıə,əmmo ijən bın fikədə be ki,çə həzrəti canişini pəyduko və əy bə ğətl bırosno.bə həmonə dəlili xoto,bə əbbosi casuson hərkəton rəğmən İmom Kazım(ə) deştə buzurquvarə pıku omutə dərson bə ico çandə mıddət ıştə imoməti oşkoə formədə elon kardey zıneydə nıbe və bəştə nezə odəmon həm tevsiyə kardedəbe ki,əvon həm bə ım metod iyən şivə əməlkon.həyğətədə,ım qıləy siyosi taktika be ki,tədricən və de zəmoni dəvardey bo İmomi(ə) stratejikə siysoəton hədəfon dəvom pəydu kardero lozım bıə zəminəon hozzı beydəbe….
Hişam ibn Salim Cəvaliği Şəşminə İmomi(ə) məxsus iyən səmimi dustonku be,votedə:çən,İmom Sadığ(Ə) şəhodəti bəpeştə çə həzrəti yolə fərzənd Əbdullah bə imoməti iddio dəşe və idastə inson bəçəy sə cəm be.iruj az ijən çandə coqlə mısılmınonku idastə çəy palu şimon və boəy imtovon kardero çandə sıvol hozzımon karde.əv bəçə sıvolon səhvə cəvobonış doe və əmə norohət bimon və sərqərdonə formədə çəy kəmon tərk kardemone.əmmo heyrəti dılədə mandə bimon ki,çı İmom Sadıği(ə) rostəvıjə canişin kiye və əmə bəpe bə kom şəxsi ovardkəmon?.bın zəmon qıləy piyəmerdi əmnış bə İmom Kazımi(ə) kə səmt rahnuma və nışonış doe.çın İlahi tovfiği bəpeştə çə həzrətiku dəparseme:az bəşmə ğıbon,şımə buzurquvarə pı şəhodəti bəpeştə çəmə imom iyən rəhbər kom şəxse?.İmom Kazımi(ə) hamyeşe:ehanə Xıdo bıpyişe az tıni hidoyət və səbəro bəkardem.
