Kərbəlo əsiron,həyğəti mesaji vardə kəson-6
Kərbəlo əsiron,həyğəti mesaji vardə kəson-6
Kərbəlo əsiron,həyğəti mesaji vardə kəson
Əhli-Beyti(ə) əsiron kərvon Kufəku bə Şam bıə coğrafiyi məsir iyən ro torıxi mevzuonku bıə ki, de Huseyniyə Ərbəyini qıləy rabitəş heste və çəy barədə muhəğğiğon çandə qılə nəzə soybin. təhğiğəkəyonku har qıləyni Kufəku bə Şami səmt çı Usəra kərvoni hərəkətışon mıstəğim iyən sərostə seqlə roonku qıləyni yəne de Badiye-Şami və de Furati ru kəno və de Sultoni roy ğeyd kardəşone.
Şeyx Bəhayi əsr bıə kamil kitobədə ki,nisbətən kanə kitob bə hisob omeydə,bə vağiyəon işorəş kardə ki,nışon doydə çı əsiron kərvoni roy de Sultoni roy vositə bıə.bın mənbədə hətto bə kərvoni bənə Mardin,Nəsiyyin şəhr ki,ımruj de Silvan şəhri nomi çı tırkiyə cənub şərğədə bıə qıləy şəhre,işorə kardey bıə.ım vağiyə iyən hodiə bın kitobədə nəğl kardey inev çı Sultani roy şehrəti və hətto çın royku vey hevuj iiyən dırozə qıləyni bənə Kərbəlo əsiron kərvoni unvoni ğeyd kardey bıə....
Coqlə votənin bıə nuktə ki,ziyodə muhəğğiğon çəyku ğafil mandən,ıme ki,Sultani məsir və roy dırozi mıxtəlif şəhronədə de “R`əsul-Huseyni” yəni huseyni sə nomi çandə qılə ziyorətqohon mevcudbe ki,çəvon çandə qılə de tosə ısərnə zəmoni baği mandə.ım məsələ şehrət çı Sultani roy bənə Əhli-Beyti(ə) əsiron kərvoni roy unvoni rosneydə. “R`əsul-Huseyni məğam qıləy vırəy ki, Əsiron kərvoni məsir iyən royədə İmom Huseyni(ə) sə qıləy kırtə mıddətədə əyo oqətəşone və həmonə vırə peşo bə ziyorətqo təbdil bıə.
Əliyyibni Əbibəkr Hərəvi ki, (611-ə Hicri-Ğəməri moəku bıə) təlif kardə muhimmə “Əlişarat ila m`ərifətiz-ziyarat” kitobədə ki,İslomi dınyoədə mevcud bıə ziyorətqohon həxədə İminə iyən veymuhim torıxi mətn iyən əsəronku bə hisob omeydə,bə İmom Huseyni(ə) sə iyən bə Əhli-Beyti(ə) coqlə şəxsiyyəton mənsub bıə ziyorətohon işorə kardey bıə ki,ım ziyorətqohon çı Sultani roy dırozi vağe bıə.
Odəmi dığğəti cəlb kardə çi ıme ki,bızınəmon Hicri-Ğəməri 588-ədə bə dınyo omə İbn Şəraşubi əsər bıə “Mənağibu Ali Əbi Tolıbi” kitobədə de oşkoə formə çı Kərbəlo de Əsğəlani miyono bıə şəhronku qıləyniyədə ki.bımon Mosul ya Mosuliin,Nəsibiyyin,Humah,Homs və Dəməşği şəjhronku iborəte,de “Məşhədur-R`əs”nomi məşhur bıə ziyorətqohonku qıləyniyədə bıə kəroməton işorə kardey bıə.....
Məhərrəm iyən Səfə manqi rujon çı mısılmınon .məxsusən nıbuvvəti xanedan və Əhli-Beyti(ə) tərəfdoron ğəmqinə rujone və əvon bın rujonədə bo İmom Hseyni(ə) əzodrətiyon bə vırə rosneydən və bın royədə cofışonətiyon kardedən.çıro ki,İmom Huseyn(ə) dayima de msilış nıbə əshobon bə ico deştə cpno Xıdo dini royədə fido kardey de zılm iyən inhirofi mıborizə bardey həmməysə barz iyən sabitə səhnəşon Aşurə ruji və həyğəti mıdofiyə kardey cilvəş bə nımoyiş noəşone.
Əmmo Aşurə bəpeştə çəy zəmon be ki,Əsiron kərvon mənzil bə mənzil çı Aşurə mesajışon bə hıtə fikon iyən pas bastə dılon bırsonon və çı dini rufi bəyjikon.çı İmom Huseyni(ə) insonon oğo kardə ğıyom iyən inğılobi mesajon rosney və əy bəyon kardey bə həzrəte Zeynəb(s) iyən həzrəte İmom Zeynul-Abidin(ə) ehdə be.ə həzrəton de Kufə iyən Şami məclisonədə əməvi zolımorə hukuməti cinoyəton ifşo kardey,çı həzrəte İmom Huseyni(ə) ğıyomi hədəfonışon torıxədə əbədi haşteşone.bəle,Kərbəlo Kərbəloədə əmandi,ehanə Zeynəb bıənəbe......
