Hacibabayi:deşmen ironi həğiğəti dərəseku ocize
Bə Pars Tudey xəbəron əsosi ironi islomiyə şura məclisi rəisi muavin bə Amerkə və sionist rejimi har cəhətinə hucumonku bə ironi zid işorə kardeədə votışe: deşmen ironi həğiğəti dərəseku ocize.
Bə Mehr aqentəti nəğli əsosi Pars Tudey xəbəş doə ironi islomiyə şura məclisi rəisi muavin Həmid Rıza Hacibabayi votışe: sionist rejim qıləy zumandə ironi mışohidə karde tov varde zındə ni və əlovəş karde çəmə İron de çandə həzo sorə kanə tarici ki de 1400 sor Muhəmməd(s) əslımandə islomiyə təlimaton umuj qıniyə və ım şəxsiyyətədə bıə tərkib, qıləy suğut nıkardə ğaləş soxtə ki deşmenon çəy həğiğəti dərk karde zındə nin və votışe: bə ironi zid har cəhətinə hucumon boçimi xotoye ki çəmə məmləkət ımruj nə ım ki məntəğə yolə ğıvvəy bəlkə dınyoədə həmmə zılm vində millətonru ozodəti tələb karde iyən de istimar mubarizə barde ulqu bıə.Haci Babayi bə rəhmət şə rəhbəri şəhid imom Xameneyi yod və xatirə qiromi qəteədə təkidış karde jıqo ki şəhidə rəhbəri votəş be mıstəkbiron əsosə problem de ironi nom və nışone.əvon pidəşon ni zumand və mıstəğillə İron sioniston xəbis, vəhşi və hırdən əkıştə rejimi vədə bımandon.Boçimi xoto bə ım zumandətion zərbə jeyu ıştə həmmə zuku bəhrə bardedən.
