İlahi rəhbəron-215

İlahi rəhbəron-215

Kali dıjdə mıfəssır və təfsirəvonon çın ayə nozil bıey şə`n və səbəbi çı həzrəte İmom Məhdi(əc) tərəfdoron zıneydən ki,çə həzrəti ğeybəti devronədə bəştə etığodi usul və məbno deştə jimoni qırd etat-petaton və de mədəni,iştimoyi,siyosi iyən ixtisodi behronon bə ico ijən sabit ğədəm mandedən və zuhuri zəmonədə həm bənə İslomi peyğombəri(s) zəmoni de həzrəte İmom Məhdi(əc) imomət və rəhbərəti  və de aqah iyən rostəvıjə muminon bə ico bə şırk.zılm,kufr,nifoğ iyən bə dınyo zolımkor və imperiyalistə ğudrəton zidd mıborizə bəbardeyn və səhnədə hozzı bəbeyn və de oxonə ğələbə və səbarzəti çı cihodiku obəqardeyn.

Ğasbu həm bo bəzi insonon ın sıvol bənav booy ki,çıro bə həzrəte İmom Məhdi(əc) Ğayim yəni ğıyoməkə nom və unvonışon doə?.bəqəm co imomon ğıyomışon kardəni və bo İslom iyən həxı bərpo və botıli məhf kardero ğıyomışon kardəni?.bın surətədə boçi fəğət bə həzrəti ğayim votedən?çın sıvoli cəvobədə bəbe votey bıbu ki, beşək İslomi qırd rəhbəron bo həxı səbarzəti iyən botıli məğlub kardero ğıyomışon kardə. əmmo bəştə zəmonə zolımkorə hukuməton sultə və bə bəfodorə yaro-yavəron kam bıey dəlili xoto və həmçinin bə mınofiğon pojənəti xoto ə həzrəton bəştə mığəddəsə hədəfon rəseyışon zınəni və nəhoyətədə həm çəvon har qıləyni de nəhoyətə dərəcədə bıə qıləy məzlumiyyəti bə şəhodəti məğami rəsən.əmmo bə İlahi məşiyyəti əsos ğərole həzrəte İmom Məhdi(əc) bə həmmə peyğombəron,salehə şəxson.siddığon,şuhəda,çı imomon silsilə hədəfon və qırd məzlumon,sıtəm vində kəson və çı sıviku ozodb bıey dumo bıə kəson  ki,çı perəxey intizorədən və saniyəon aşmardedən,çəvon oruzon bə həyğət bərosne,real bəkarde və ə həzrət deştə ğıyomi çı mustəzəf iyən zəyif kardey bıə insonon hakimyyəti mınosibə zəminə hozzı bəkarde....

Coqlə dəlil ki,əy bə həzrəte İmom Məhdi(əc) məxsus zıney bəbe yəni çə həzrəti ğayim bıey isbot kardedə, ıme ki,İslomi coqlə rəhbəron qırd əsosə hərəkəton qıləy siyosi iyən coğrafi məhdudədə bə əməl omə, əmmo həzrəte İmom Məhdi(əc) ğıyom qıləy qlobal və dınyo səviyyədə bıə ğıyome və həmmə siyosi iyən coğrafi marzon ıştədə ehtivo bəkarde.binobərin bo ə həzrəti ğıyomiro hiç qıləy məhdudiyyət mevcud ni və çə həzrəti qırd zəminə iyən cəhətonədə  Ğayim bıey,dınyo həmmə vıronədə təcəssım pəydu bəkarde və bo İlahi iyən insoni ideyalon real kardey vəö bə həyğət rosneyro roy piyo bıə qırd maneyəon həmmə peqətey bəbe və həni co hiç qıləy ğudrət və hakimiyyəton həzrəte İmom Məhdi(əc) ğıyomi mığobilədə mandey nibəzıneyn və həxı bə botıli oxonə səbarzəti qırd ıdnyoədə pevolo bəbe.joqo ki.votey bəbe:”vuji həx ome və botıl məhf be,bərosti ki,botıl çı miyoniku şənine”....(İsra-81)....