Xıyzoni məcəllə-18
Xıyzoni məcəllə-18
İroni yolə alim iyən mərcəye-təğlid bıə ayətullahul-uzma Mərəşi Nəcəfiku nəğl bıə:təğribən da sinnım hestebe ki,Nəcəfi şəhərədə jimon kardedəbimon.qıləy ruj çımı moə bəmı voteş ki,niməyjə vaxte və bışi pentonə mərətəbədə ıştə pı vanq bıjən.mı şim vindeme çımı pı ıştə kitobon piyo hıtə.çı dıqlə muadilə miyono mandəbim.ehanə bəştə moə itoətkom və ıştə pı çı şinə haniku oğo bıkom.bəvədə çımı dədə norohət bəbe.ıştən-boştə voteme ki,qıləy kokom ki,ehanə çı pı oğo həm bıbu,norohət nıbu.əve enəmim və ıştə pı po və lınqonım maçə karde.bın holədə çımı dədə haniku oğo be və ım səhnəş ki,vinde binoş karde bo bəme.həmonə ləzə və anədə bomış dıvo karde.ımruj çımı çiçım heste,bə çımı dədə bomı kardə dıvo xotoye.
Xıyzoni dılədə pı-mo de fərzəndi miyono rabitə qıləy həssosə rabitəy.qıləy atifə və hisson ki,çı volideyni deştə fərzəndon miyono mevcude,de xıyzoni bənə hovə və boə bıə coqlə uzvon miyono mevcud ni.ğasbu həm bə ım dəlili xotoye ki,İronıjə hevujə xıyzononədə de xıyzoni sayir uzvon taum və mınosibəton de rohətə formə bə əməl omeydə.fərzəndon həmdıləti iyən həmrayətəi məhorəti ıştə pı-moku omuteydən və de tədrici hozzı beydən ta camiyədə zohir bıbon.əvon qıləy rabitəon bərğərol kardedən ki,harçənd bəvonədə bənə volideyni deştə fərzəndon miyono bıə şiddətin iyən zumandə rabitəon nıbu,əmmo məhəbbət iyən etımod ziyod bıə qıləy fəzoədə de cokəson solimə irtibot bərğərol kardey fırsəti bə dast vardedən və qıləy miyonə holəti təcrubə kardedən ki,volideyni deştə fərzəndon iyən çı şəhrvandon miyono bıə umum rabitə miyonə dərəcədəy.bə həmonə dəlili xotoye ki,modern iyən mıosirə dınyo hiç qıləy mexanizmə çı volideyni deştə fərzəndon miyono rabitə iyən ehtıromi çı miyoniku bardey ğudrətış ni və ım rabitə qıləy əbədiyə rabitə formədə baği bəmande....
Həzrət İmom Əli(ə) de jimoni həmroon miyono bıə rabitə əloğdor,qıləy ğəşənq və reçinə kəlməş mevcude.ə həzrət hamyedə:”jeni vəzifəş heste və deştə insoni ağl iyən əndişə kardey bəzıne çı atifə zərfiyyət iyə sıxan iyən rəftori n ğəşənqəti nışon bıdo.çoko ki,merdi vəzifəş heste və ıştə insoni əndişə və əğlani tərəfkkurədə bıə hınə mutəcəlliko və nışon bıdo”.
Im sıxan çı jenı-merdi farğinə roli nışon doydə.Həzrət İmom Əli(ə) de İslomi azizə peyğombəri(s) kinə və deştə jimoni həmro miyono de məhəbbət iyən eşği pur bıə qıləy jimon mevcud be və ım məhəbbətamizə rabitıə ımi bəyon kardedə ki,çı vəzifə iyən rolon tafut və farğon çəvon bəsə coqləynisə bıə fəzilət iyən barzəti nışonə ni.çoko ki,hikməti soyb bıə Xıdo Nisa mıborəkə surə donzəminə şərifə ayədə təzəkkur doydə və hamyedə:”və ikəs ki,qıləy salehə əməl əncom bıdo,ısət çı merd bıbu ya jen,qıləy holədə ki,imonış bıbu,jıqo kəson bə vəhışt daxil bəbeyn və bəvon hiç qıləy sıtəm nibəbe”.
Bəçımi əsos fəğət merdon nin ki,qıləy erjinə vəzifə və koon bə bəvırə rosney ğobiliyyət və istedodışon heste və de qıləy mınosibə mevğıyyəti bə dast vardey boçəy bə vırə rosnyro hərəkət kardedə.bəlkəm jen həm jıqo qıləy mevğıyyətış heste.harçənd bo jeni mınosib bıə vəzifə iyən mevğıyyəton çı merdon vəzifə iyən mevğıyyətonku farğ kardedə və tafutine......
Jenı-merdi mıştərəkə jimonədə çəvon vəzifəonku qıləyni de iyande məşvərət və məsləhət kardeye.ımruj mudiriyytə və idorəçəti mevzuyədə votedən:ğərol bekardey çı idorəçəti ğəlb iyən dıle.qıləy zəmon səhih iyən məntıği ğərol bekardey beydə ki,çı məcmuə jiyədə bıə həmmə kəsonku ray sıey və deəvon məşvərət kardey beydə.bənə kə iyən maşıni hırye və bə səfə şıey iyən bəştə nezə odəmon osə ğandey,mehmonon dəvət kardey,de xass fərdon rabitə bərğərol kardey ya rabitə bırniye,xıyzoni bəromə xarc kardey iyən kə ləvazimoton hırye forməku iborət bıə koonku veyni,çə koonkuye ki,bəpe jenı-merd de bə iyande ehtırom noə holədə de iyande məşvərət və məsləhətkon.
Həzrət İmom Əli(ə)bə ,qıləy mustəbid iyən fəğət ıştə ray bəqəm kardə fərdi işorə kardə holədə hamyedə:”hiç qıləy peştıpurəti(himoyədərti)bənə məşvərəti ni”.həlbəttə ımrujnə jimonədə jenı-merdi ko vıə fəoliyyət anədə bənə iyande bə nez bıə ki,həni ğərol bekardey bə jenı-merdəti əsos təğsım kardey mumkin ni.
