Bə Ğərbi Asiyə hodisəon qıləy nəzə

Bə Ğərbi Asiyə hodisəon qıləy nəzə

İMT Əmniyyət Şurə dəvardə çoşanbə ruji de 2621 ğətnomə elonış karde ki,İrağ de bə Kuveyti devlət  və şirkəton fərdon ğəromət ya kompensasiyə doey ,rəsmən İMT haftminə fəsliku xaric bıə.Əmniyyət Şurə iclosədə İraği Xarici Koon Vəzir Fuad Huseyn təkid kardedə ki,İrağ ımruj ıştə torıxi muhimmə səyfə ki, təğribən si sior dıroz dəkəşe bastedə və ıştə siyosi,ixtisodi iyən diplomatikə torıxədə qıləy tojə səyfə oj kardedə ki,bə İraği de Dınyo iştimoiyyəti komilə hədəfi həmonəhnq iyən  bənə qıləy təsirəkə kişvəri unvoni deçəy mədəniyyət və torıxi mıtənosib reqiyonal iyən beynəlxalğə roli zumand kardey boyis bəbe. əv votəşe ki, bə İMT Kompensasiyə Komitə oxonə hisoboti əsos İrağ bə Kuveyti 1 milyon nim xəsorəti vırə xoto 52 tam dadə 4 milyard dollar kompensasiyə doəşe və bə İMT mənşurnomə haftminə fəsli əsos həni hiç qıləy moliyyə təəhuudış ni.

İMT Əmniyyət Şurə çı Bəəs rejimi milodi 1990-ə sori bə Kuveyti həmlə bədiqə qıləy Kompensasiyə Komitəş təşkil doe və İraği ehdə bə Kuveyti 52 tam dadə 4 milyard dollar kompensasiyə doey noşe.İrağ seqlə da sori bəpeştə qırd ım kompensasiyə məbləğış bə Kuveyti pərdaxtış karde,doe.Əmniyyət Şurə 2621 ğətnoməədə omə ki,İrağ (1991-ə sori)687 və (1991-ə sori) 692-ə ğətnoməonədə bə İMT Komitə tərəfiku təyin bıə bə həmmə ətrofi kompensasiyə pərfdaxt kardey bıəin be.min cumlə ətrof muhiti,bə təbiiyi mənbəon çı miyoniku şıey və coqlə baxşonədə bıə xəsorəton ki,İrağ ıştə natə fondiku həmonə xəsorət və ziyonon kompensasiyə pərdaxt kardəbe,doydəbe.ısət həni İraği qıləy ehdəmonış ni bə Kuveyti zərəlo-ziyonon kompensasiyə pərdaxtko,bıdo.

İraği İMT mənşurnomə haftminə fəsliku xaric bıey,bə çın kişvəri milləti şoyvonəti boyis bıə.İraği prezdent Bərhəm Saleh bə İMT Əmniyyət Şurə ğətnomə reaksiyədə elonış karde ki,de “bə Kuveyti İraği tərəfiku kompensasiyə doey” dosye bastə bıey,əmə zoımkorə rejimi bihudə canqiku bıə qıləy hovlnokə fəsliku dəvardimon ki,çəy xarc çəmə millət iyən həmmə məntəğə pərdaxtış karde,doe.ımruj İrağ bə qıləy xarici siyosəti səmt hərəkət kardedə ki,deştə bıvon.hamsuyəon iyən  de beynəlxalğ iştimoiyyəti bə həmməysə çokə rabitəon əsos və həmçinin məntəğədə sulh iyən əmniyyəti himoyə kardə holədə bo həmmə kəson bənə qıləy mıştərəkə mənfəətış bıə kişvəri unvoni ğoym bəbe.

İraği parlamenti rəyis Muhəmməd Əlhəlbusi həm deştə tvitteri intişor kardey təkiıdış karde ki,de bə kompensasiyə dosye ayid təəhhudon bə oxo rəsey,ımruj deştə bıvon.iyən hamsuyəon bıvəti iyən dustəti rabitəon bərpo bəkardemon və çandə dasornə deşmın iyən ziddiyyətinə siyosəti nəticəon ıştə peştono haştedəmon və bo kişvəri ozavziyero iyən çı canqi nəticəonku xaric bıeyku qıləy tojə mərhələ oj kardedəmon.İraği Milli Hikməti rəhbər Seyd Əmmar Əlhəkim həm bə ım hodisə reaksiyədə de qıləy bəyoniyyə təkidış karde ki,ım noiliyyət milli səviyyədə bo İraği hakimiyyət və istiğloli bə dast vardero bıə hevujə səyon nəticəy.