Asiyə ğərbədə xəbəon

Asiyə ğərbədə xəbəon

Əzizə duston səlom, şıməro xəyr iyən səadət urzu kardəm. Tojədən co qılə bərnomə bə şımə xıdmət təğdim bəkamon. Imruj pidəmone bə Asiya ğərb hadisəon tikəy işorə bəkamon. Im haftədə Livani parlament səçıni bino, İrağədə kabineti təşkil doeyro bə şiə həmohənqi çərçivi Muğtəda Sədri 40 rujə mıhləti sə bey iyən işğaliyə ərazi təhəvolaton, Asiya ğərbi vey muhimmə hadisəonku be ki həminə bərnomədə bə çəvon işorə bəkamon. Dəvət kardəm dəmə bə icobımandən.

Xosə Tolışon, dəvardə haftəku livani parlament səçıni iminnə mərhələ de livanıjoni ki co kişvəronədən, bino bıə. de diğğət bə ım ki Livani parlament səçın de nisbəti prinsipi bərpo bıdə, sədo doə kəson fəğət karde bəznen, co kişvəronədə bə səçıni siyohiku qıləyni ki bəvədə ğeyd kardəşone, sədo bıdən, və ğərəz ım karde bəznen, bə qıləy şəxs həm bənə tərcihi sədo bədon.

Mayə manqi 15 minnə rujədə, livanədə, parlamenti səçın bərpo bəbe və ım səçınədə sədodoə kəson, 24 minnə dıvrə parlamentədə iştirok bəkan. Im dıvrədə 15 qılə vıjniyə bıə mərkəzədə,  2 minnə kərə səçın bə nisbəti prinsipi əsos, bərpo bəbe.

Livani ım dıvrə səçınədə 718 nəfər səçıni namzəd və 103 qılə siyohi ğolibədə de yande rəğabət bəkan. Im dıvrədə səçıni siyohədə 118 nəfər jen həm iştirok kardən ki parlamenti səçın dıvrəon muğaisədə ımsor, vey jenon iştiroki şoydimon.

Im səçınədə, məsihi fırğəon miyonədə ki parlamenti nimə çəvon ixtiyorədəy, həmçınan muhimm və əsliyə rəğobət, ozodə milli cərəyon yəni Mişel oon və Cebran Basil, Əlğovat partiya ki bə Səmir Cə cə vabəstəy iyən Əlmərdə cərəyon yəni Suleyman Fərənciyə miyonədə bəbe.

Əmmo şiə partiya miyonədə proqonoz bəbe ki həmçınan muğaviməti bəfodorə partiya yəni Hizbulla iyən Əməl səbarz bıbun. sınnion cərəyonon miyonədə, de diğğət bə səçeni iştirokiku Səəd Əlhəriri iyən Əlmıstəğbəl cərəyoni istifo doe, co qurupon miyonədə vey saxtə rəğobəti şoyb bəbımon.

Əmmo səmimi həmzıvonon Asiya ğərbədə ın haftə co qılə xəbə ıme ki Telavivi şərğ məntəğədə bıə Elad sinonistə qədə şəhrədə Fələstinıjon co qılə əməliyot əncom doşone. Im əməliyoti nəticədə 3 nəfər sionist həlok və 10 qılə həm zəxmin bıən. Dəvardə 2 manqi mıddətiku tosə bə ısət, Fələstinıjon tərəfo ım 4 minnə əməliyot be, ki jıqo de muvəffəğiyəti əncom bıdə.

Əmmo ım əməliyoton barədə 3 qılə nuktə heste. i minnə nuktə ıme ki ım əməliyaton bə sioniston hrarujnə cinoyəton Fələstinıjon reaksiya xususi Məçitol Əğsaədə cinoyəton xote. Bə Fələstini əsiron mıtoliə koon mərkəzi raporti əsos, Aprelə manqədə 1000 nəfəriku vey Fələstinıj de sionist rejimi vositə dastqir bıən ki çəvonədə 92 nocıvon iyən 14 jen həm vindey bıdə. Bə həminə raporti əsos, işğaliyə Beytul Muğəddəsədə, 750 qılə ım dastqirətion əncom bıə.

Fələstinıjon əməliyatonədə 2 minnə nuktə ıme ki ım əməliyaton Sionist rejimi əmniyyəti zəifəti subit kardə. Bə çəy xoto israilıjon həmonə əməliyatonku vey əsəbani və niqəran bıən. Jəqo ki sionist rejimi iminnə vəzir, Neftali Benet, vəədə doşe ki ım əməliyaton icraəkəyon iyən çəvon himoyə əkəyon dastqir bəkarde iyən cəzo bədoy.

Əmmo Fələstinıjon əməliyatonədə 3 minnə nuktə ıme ki sioniston ım əməliyaton mığobilədə təhdid kardışone ki muğaviməti qurupon yolon əcumlə Ğəzzə tanqədə bıə Həmasi rəis, Yəhya Senvari terror bəkan. Fələstinıjon həminə təhdidi mığubilədə nə fəğət tarsedə nin, bəlkəm nota doşone ki tosə zəmoni ki Fələstini milləti həxədə, sioniston cinoyəton dəvom peydo ko, bə sionist rejimi zid Fələstini milləti əməliyaton həm dəvom peydo bəkay.

əzizon, İrağədə yolə həmohənqəkə cəhbə icod beyro şiə həmohənqi çarçivədə, Muğtəda Sədri 40 rujə mıhləti bə oxo rəse, Asiya ğərbədə ın haftə co qılə muhimmə xəbəon həminə barədəy.

Im mıhləti bəpeşt, şiə həmohənqi çarçiv qıləy koy təşəbbusi ğolibədə, muzakirə royku siyosi qurupon miyono, bə Təvafuği dıvləti təşkil doe təkid kardışone.  Həminə koy təşəbbusi mığubilədə, Muğtəda Sədr qıləy bəyoniyədə elan kardeşe: siyosi prossesədə 3 tərəf iştirokışone. İminnə tərəf: milliyə əksəriyəti partiya yəni (enğazul vətən) partiya ya Muğtəda Sədri partiya) ki milli əksəriyəti sədoş heste, əmmo bə İraği məhkəmə təşkilati ğəroli əsos, əksəriyəti dıvləti icod beyədə tosə bə ısət taxir icod bıə. 2 minnə tərəf, həmohənqi çərçive ki təvafuği dıvləti icod bey dumoədəy, və de diğğət bə ım ki 40 ruj mıhlətiş be əmmo həminə barədə məğlub bıə. 3 minnə tərəf, mıstəğilə nımoyəndəonin. Muğtəda Sədr mıstəğilonku tələbış kardə ki qıləy mıstəğilə fraksiya icod kon və bəvədə hiç qılə həmohənqi çərçivi uzvon iştirok nekon. Həminə bəyoniyədə, Sədr cərəyoni rəhbər əlovəş do: mıstəğilon bəpe bə əksəriyət partiyaon əlovə bıbun ta qıləy mıstəğilə dıvlət icod bıbu.

Əzizə əməson bə ım bərnomə quş doe xoto şıməku təşəkkur kardm.