Dıminə Ğərəboği Canqi Loyihə Məğsədon və Nəticəon-3

Dıminə Ğərəboği Canqi Loyihə Məğsədon və Nəticəon-3

Xosə Tolışon  səlom, şımə cımə ruj bə xəyr bıbu, ımhaftə həm bənə dəvardə haftə, (2minə Ğərəboği Canqi Loyihə Məğsədon və Nəticəon) nomo bıə bərnomə bə şımə xıdmət təğdim bəkamon.    dəvət kardəm de ım məcmuə bərnomə dəmə bə ico bımandən.

Əzizə əməson, dəvardə haftə bərnomədə bə Ğərəboğ 44 rujə canqiku Azərbaycan Respublika kali hədəfon işorə kardımone.

Votımone ki ım hədəfon enerji ovoştoniyero əmniyyəti əlovə kardey, Bə Rusiyə zid reqional balans icod kardey, bə Ğərəboği mıhosirə orəx doe, ozod bıə məntəğəon cəmiyəti tərkibi əvəz kardeyku, iborətin.

Əmmo əzizon, Ğərəboği 2minnə canqi planədə, muxtəlifə tərəfon vey təsirinə iştirokışon be. İjən muxtəlifə mısbət və mənfiyə nəticəon proqonoz be. Ğərəboği 2minnə canqədə, Azərbaycan Respublika çı iminnə canqi əks, muvəffəğ bıə de Tırkiyə iyən sionist rejimi koməkon bə səbarzəti bırəsi. De Ğərəboği 2minnə canqi plani muhimmə nəticəon vıcudi, ım canq, Bukoro muxtəlif nəticəon bois bıə. Ğərəboği 2minnə canqi plan, Azərbaycan Respublika millətiro, 4 qılə mənfiyə nəticə bois bıə: çəvon sərzəmini komil surəti ozod nıbey, bə Ğərəboği sakinon avarə bey, məntəğədə bıhroninə balans iyən vey saxt və mırəkkəbə otəşbast təvafuğnomə. bərnomə idomədə pidəmone, har qılə ım amilon barədə sıhbət kəmon.

Əzizon, Azərbaycan Respublika millətiro, Ğərəboği 2minnə canqi iminnə nəticə ım be ki, çəvon sərzəmin komil surəti ozod nıbe. De ım vıcud ki Azərbaycan Respublika, bandiyə Ğərəboği kənoədə, 7 qılə məntəğə iyən Ğərəboği çand qılə baxş xususi Şuşa şəhri ozod kardəş be, əmmo həmçınan Ğərəboğ, Buko kontrolədə ğəror qətəş ni. Jıqo ehtimolış bəbe ki ım sərzəminiku təğribən 3000 kvadrat kilometr, de Rusiyə sulh mərominə hərbion vositə, işğal bıbu. əlovə bə ım, bə Miladi 2020 minnə sori Noyabrə manqi 9 minnə ruji otəşbasti təvafuğnomə əsos, Laçin kanali royku, və de Rusiyə sulh mərominə hərbion iştiroki vositə, de Erməniston Ğərəboği zəmini rabitə təsdiğ bıə. Azərbaycan Respublika Im məsələ barədə hiç rozi ni.

Polşa Vorşoy universiti ustad, Pavel Stoarz etığadış heste ki: Ğərəboğ məntəğədə mırəkkəbə baxşonku qıləyni, Laçin karidore. Azərbaycan Respublika sərzəminiku, Qıləy 5 kilometrə tanqə ki Ğərəboği şimol bıə məntəğədə ğərorış qətə, İron iyən Stepanakret (Xankəndi) miyono, bənə pard iyən rabitə əməl kardedə.

Qıləy holədə ki Usmani emeriya meylon, iyən bə (Turani kanal) nomo bıə pesoxtə kanali icod kardey cəhətədə, Tırkiyə, umidış dəbastə və bə nəzər rəsedə Ğərəboği 2 minnə canqi nəticəonku rozi bıbu, Əmmo Azərbaycan Respublika millət həmçınan Ğərəboğ sərzəmini dast peydo kardey dumoədən iyən ım məntəğə həx-huğuğon barədə niqəronin. Azərbaycan Respublika millət, bə bandiyə Ğərəboğ sərzəmini dast peydo kardey dumoədə, təğribən 2783 nəfər ıştə dovtələbə cıvonon iyən hərbion fido kardəşone.

Ğəfğaz məntəğə məsələonədə, İronıjə ekspert, Borhan Heşməti, etığadış heste ki: Ğərəboği 2minnə canqi planiku, Azərbaycan Respublika əsliyə hədəf, vey mırəkkəb bıə, boçiki Ğərəboği ozodi bə vırə nırəse vey muşkil bıə. Vey fakton, bənə 44 rujə canqi otəşbasti bəpeşt, hakımiyət iyən mıxolifon miyono, şifohi canqi əlovə bey, nışo dodə ki vəoməy soronədə, Azərbaycan Respublika siyosi etosniye iyən eyne holədə ısətnə hukuməti mıxolifon reaksiya, vey əlovə bəbe, iyən ım Azərbaycan Respublikaro, Ğərəboği 2minnə canqi co qılə tələb nıkardə iyən icborinə nəticə bə hisob omeyd.

Əmmo Ğərəboği 2minnə canqi plani nəticəonku co qıləyni ım be ki Ğərəboği sakinon avarə bey iyən Azərbaycan Respublika ozod bıə məntəğəon cəmiyəti sturuktori əvəz kardeyədə vey cəhdon əncom bıə. Im canq bois bıə vey milləton Ğərəboğ səmtiku bə Erməniston fəror kon. İjən bois bıə 10 həzo nəfər ki daveon məntəğə ətrofi jimon kardedə bin, Azərbaycan Respublikaədə avarə bıbun.

Bə İ Bıə Milləton Təşkilati Pənoh vardə kəson kamissiya (UNHCR) raporti əsos, Azərbaycan Respublikaədə, 112000 nəfər, ım daveonku təsir qətəşon iyən ım miğdoriku 80000 nəfər avarə bıən. Im avarəonku kalion oqardəşone, əmmo təğribən 30000 nəfər muvəffəğ nıbıən bəştə kəon oqardon, boçiki çəvon kəon vey zərəl-ziyononış vində ya komil surəti xərob bıə.

İ Bıə Milləton Təşkilati Pənoh vardə kəson kamissiya (UNHCR)  təğribon nışo dodə ki tosə bə ısət 60 həzo avarə ki canqədə çəvon kə xərob bıə, təcil surəti bə insoniyəti koməkon bənə səhiyyəvi və tib koməkon ehtiyocışone. Erməniston iyən Azərbaycan Respublika umumiyə laqerdədə, avarəon jimoni vey bevəcə vəziyət, bois be vey rə bə korona virusi pandemiya əlovə ko.

Ğərəboği 2 minnə canqi cərəyonədə, həminə tılə həğiğət yəni avarəon əlovə bey jintonədə, kali raporton nışo dodən ki Azərbaycan Respublika iyən çəy mıttəfiğon yəni Tırkiyə və sionist rejim hədəfışon heste ki ozod bıə məntəğəonədə coğrafiya iyən cəmiyyəti əvəz kon. və hol ım ki torixi mıddətədə Azərbaycan Respublika ozod bıə məntəğəon cəmiyəti sturuktor, şiə iyən çəy sivilizasiya İroni be.

Ğəfğaz məsələonədə İroni ekspert, Doktor Əhməd Kazımi etığadış heste ki: Ğərəboği ətrofədə, Buko, ozod bıə məntəğəon cəmiyəti sturuktorədə, əvəz beyro, Təkfiri hərbion royku iyən çəvon ailəon və həmçınin muasir nomo dion plani icra bey royku, səyo cəhd kardedə. Əhməd Kazımi ijən bovəş heste ki ozod bıə məntəğəonədə, İroni kompaniyaon iştiroki royədə, Buko mane bey iyən bəştə vəədə əməl nıkardey həm de həminə mıvzo rabtəş heste.

Əzizə Tolışon bə ım bərnomə quş doe xoto şıməku təşəkkur kardəm. İnşaəllah vəoməy haftə həminə bərnomə idomə bə şımə xıdmət təğdim bəbe. Dəvət kardəm bə co bərnoməon quş bıdənən ki koy həmron bə şımə xıdmət təğdim kardən.