Beniğobə Amerkə

Beniğobə Amerkə

Amerkədə min cumlə həmməysə muhimməö hodisəonku qıləyni bəpe bə Baydeni bə bın kişvərədə silohi şıkırney kontrol və nəzorəti ğanunon zumand kardey tələbi,həmçinin Amerkə milləti çı Baydeniku bə infillyasiyə xoto bıə norozətiyon,Amerkə çı Tavani məsələ barədə  Çini mığobuiilədə bə dumo pekırey məsələon işorə kardey bəbe.

Amerkədə dəvardə çandə haftə dırozi qullə ğandey və çın kişvəri millətiku ziyodə odəmon min cumlə hırdəon kıştey hodisəon ziyod bıey bəpeşt,Amerkə prezdent Co Bayden bə bın kişvərədə Amerkəvıjon ozodonə şikilədə silohi şıkırney kontrol və nəzorəti ğanunon zumand kardeyış tələbış karde.Baydeni voteşe ki,dıminə mıttəhəm çı Amerkə Əsosə Ğanun ya Konstusiyıəy ki,boştə şəhrvandon ozodnə şikilədə siloh şıkırney həxi təzmin kardedə,mutləğ ni və lozıme ki,bə milləti dastədə bıə silohon ziyodə nəzorət kardey bıbu.Amerkə prezdenti izhorış kardə ki,bın kişvərədə kollektiv surətədə qullə ğandey məsləon bəpe de çın kişvəri yolon ağılmandə hərəkəton vositə kontrol kardey iyən bəvon nəzorət kardey bıbu.holı hozırədə tıbğe çın kişvəri ğanunon Amerkəvıjon canqi avtomatik silohon və 30 qılə qulləş bıə silohon hıriye bəzıneyn.

Co Baydeni voteşe:əmə bəpe canqi silohon iyən de barzə səviyyədə qullə vırəş bıə avtomat silohon ğədəğənkəmon.və ehanə əvoni ğədəğən kardey nızınəmon,bəpe çəvon hıriye məhdudiyyəti sinni 18 sinniku tosə 21 iminə sinni ziyodkəmon.həmçinin Baydeni çı silohon hıryəkəson sabiğə həxədə ziyodə təhğığaton bardey bıbu və həmçinin məhkəmonədə siloh soxtə şirkəton əmonədə mandey məsələ və hakəza bə qamə silohi soyb bıey barədə ğanunon əvəz kardey ayid təklifonış doe. çandə zəmon çımi bənav Nyuoyorki şatatədə qıləy sipyə puston barzəti fikış bıə şəxs bə ziyodə insonon qullə otəşış ğande və 10 nəfərış bə ğətl rosne  ki,bəçəvon çandə nəfəri sə qullə qıniyəbe.çəy bədiqə qıləy 18 sinninə cıvonə zoə bə Texasi əyolətədə qıləy şəhrədə ibtidoyi məktıəbi şoqirdon qulləş ğande ki, nəticədə 19 hırdən və 2 nəfər həm mellimi ıştə conışon çı dasto doe.Amerkə məktəbonədə qullə ğandey barədə ekspert Şril lro Canson votedə:har qıləy dıjdə hodisə ki,bə məktəbonədə əmniyyəti məsələ ziyod kardey tələbi boyis beydə ta xotırcəməti hosil bıbu ki,çəvon fərzəndon peşonə Kolumbayn,Virciniyatek ya Sendi Huk ğıboniyon nıbu.ın hodisə bəpeşt Metal detektoron və rentgen aparaton.silohinə hıvoskəon və məktəbi daxilədə siloh şıkıırney icozəşon bıə kəson  koon bənə adi məsələon bıən.jıqo qıləy təhğığ nışon doydə ki,məktəbonədə qullə ğandey bə xilos bıə kəson qıləy rufi iyən psixi təsirış noə və bə şoqirdon təlimi funkisiyə zəyfəti boyis bıə və hətto məktəbi hamsuyədə bıə məntəğəon həm hevujə təsirış noə……

Vaşinqton posti internetə portali məlumoti nışonış doə ki,Amerkə məktəbonədə ğullə ğandə amilon vey cıvon bıən.çəvon əksər 18 sinnisə sarun və çəvon sınn de miyonə hisobi 16 sinne.ziyodə fərdon hiss kardedən ki,ım muşkil nığılə şikilədə Amerkə camiyədə qıləy rəğ-rişəş heste.təğribən 400 milyon dollarə silohi rəğəm Amerkədə mevcude ki,çın kişvəri cəmyətisə ziyode və təğribən Amerkədə sinnış bəpe bıə kəson nimə  məlumot doydən ki,çəvon kəonədə siloh heste.hırdənon de rohətə formə ıştə kəonədə de ın silohon dimbədim omeydən və çəvon veyni çın silohon çanədə təhlukənin bıeyku bexəbədon.çın oxonə hodisəon bəpeştə ziyodə insonon Amerkə həmmə vıronədə qamə silohon hırye həxədə bıə ğanuni peqətey və çəvon sabiğə dəğiğ təhğığ kardey tələb kardedən.