Otəşvəsiku baği mandə devrədə, Hormozi tanqədə şe-omey ozod bey elon

Pars Tudey- İroni xarıci koon vəzir, Otəşvəsiku baği mandə devrə zəmonədə, Hormozi tanqədə şe-omey ozod beyku xəbəş do.

Bə Pars Tudey raporti əsos, zinə İroni İslomi Respublika xarıci koon vəzir, Seyd Əbbos İrağçi, sosyal şəbəkədə Otəşvəsiku baği mandə devrə zəmonədə, Hormozi tanqədə şe-omey ozod beyku xəbəş do.İrağçi əlovəş karde: Livanədə otəşvəsi elon bey dumoədə, bo otəşvəsi devrə baği mandə zəmoniro, Hormozi tanqə royku həmmə ticori kəştion şe-omey de komil surəti ozod bey elon beydə.Əv ijən votışe: ım şe-omey bəpe de İroni İslomi Respublika dıyovonəti və porton təşkiloti vositə, həmohənq bıə roy iyən çımisə bənav elon bıə royədə əncom bıbu.