İlahi əsma və nomon

İlahi əsma və nomon

Dəvardə bərnomədə votemone ki,Xədovənde-Ğəvi qıləy mıtləğ iyən komilə ğudrəti soybe.ımrujnə bərnomədə əmə çı Xıdovəndi Mətin ism iyən nomi həxədə sehbət bəakrdemon.Mətin məno cəhəto bə Ğəvi vey neze.Mətini ism çı Xıdovəndi marz iyən oxoş nıbə dıjdə ğudrət iyən zu mətonət iyən ğoyməti təcəlliye.hiçvaxti zəvol iyən məhfəti bəçəy ğudrət iyən zu məzhər bıə mılk iyən səltənəti ro pəydu kardey zıneydəni.zira Mətinə Xıdovənd çəysə barz iyən bəpeye ki.ikəs kardey bızıno çəyku qıləy aqahəti iyən mərıfətış bıbu.bəçəy xoto kulli aləmi ağılmandə şəxs peyğombəre-ə`zəm(s) bə ın mətləbi işorə kardə holədə hamyedə:”inni la uhsi...az tıni həmdı-sıtoyişi həxıku ocisim və tı ıştən ıştəni çok sıtoyiş kardedəş. həmçinin Əmirəl-Muminin Əliyyibni Əbutolıb(ə) Nəhcul-Bəlağə iminə xutbədə jıqo hamyedə:sıtoyiş bıbu bo Xıdo ki,sıxani soybon çəy tarifiku ocizin və çəy nemton aşmardon iyən hisobəkəyon çəy həxı ədo kardeyku dəmandən.qıləy Xıdo ki,həmməysə nığılə əndişə və fiki soyb həm çəy zotı dərk kardey zıneydəni və çı elmi dıyo ğəvvoson dast həm bəçəy vucudi nibərəse.qıləy pərvərdıqor ki.çəy kəmoli qıləy hədd və hududış ni......

Mətini ismmətn kəlməku peqətə bıə ki,bədəmi peştədə ğərolış qətə mehkəmə əzələ mənoədəy.ım luğət təsniyə yəni dıqlə  formədə oko doey bıə  və bə kəməri nahiyəku becurtiyə dıqlə hissə votedən ki,çı peşti astə sutunon miyonoe.bəçəy xoto bə qıləy ğoymə çi mətin votedən.həmçinin bə qıləy ko mətin votedən ki,ğoym iyən mehkəmətisə əlovə bəvədə əvəz bıey mumkin ni və çəy çandə qılə xısusiyyətonış heste: əvvəl ıme ki,qıləy mətinə ko və əmr de ağl iyən məntıği ziddiyyət təşkil doydəni.bəlkəm bəpe əv hejo istidlol iyən ğətiyyətinə dəlilon bə icoye ta bəvədə hiç qıləy şəkk-şubhə vırə nımando və çəy ğoyməti bə sıvoli ji nışo.dıminə qılə ıme ki,çəy bəpe qıləy hədəfış bıbu və behədəf nıbu.çıro ki,har qıləy behədəfə əmr və ko ıştə əsos iyən bınə çı şəkk və tərdidi mə`rəzədə ğərol doydə və çəy mehkəmə sutunon sısıt iyən zəyif kardedə.və coqləyni ıme ki.qıləy mətinə ko bəsə ğoymətisə əlovə çı ifrot iyən təfritiku bə diyəro bə qıləy miyonə hədd iyən marzi rioyət kardedə və etıdoli holətədəy.bın surətədəy ki,dayima ğoym iyən mhekəm bəmande.....

Mətin bənə Xıdovəndi nomi qıləy mevcudi mənoədəy ki.çəy ğudrət iyən ğıvvədə hiç qıləy noğisəti mevcud ni və bəvədə əvəzon həm mumkin ni.Mətin bənə Ğəvi nomi bə Xıdovəndi benəhoyətə ğudrəti dəlolət kardedə.təmom hestemoni aləm Xıdovəndi əzəməti iyən irodə mığobilədə təslim iyən sə təzim kardedə,həmmə məxloğat çəy ğudrəti jiyədə məğlubin və harçi deçəy əmr.fərmon iyən ğudrəti koməki hərəkət kardedə.Xıdovənd harçi bıpyo əv bə vuxud bome və çəy irodə nıkardə və nıpiyə çi icod nibəbe. Əv osmonon iyən zəmin və çəvon miyono bıə çiyonış şəş ruji dırozi ofəyəşe.