Erməni qenosid israili boçişe?

İsrail bə Osman imperiyadə erməni tuməbir məsələ oqarde ğəror omə.

Hokuməti bin təklifi dastakış doə və ın məsələ parlamentədə təsdığ bəIm bə ermənion bənə dastəki çidə, əmmo Ermənistoni hokumət qenosidi beynəlxalq zıne mevzu əhəmiyəti bə jiy eğandə, de azərboycon-tırkiyə bloki əlağonış qıvonin karde pidəni. Bın koy çe tırkiyə-israil vəvə mandə prizmaku diyə karde mətiği nez əbi. Erməni tuməbıri məsələ bə tırkiyə təzyiği ro vey çokə aləte və çın səbəbiku İsrailədə bə ğəror omən ki, Ğəzzadə kardə tuməbıri cəvob erməni məsələ aktual bıkon. Bın məsələdə azərboycon faktoriən çe yodo bekarde əbıni. Diyə məkəmon ki ın əlağon ğoymin, ısət dı hokuməti mınəsibəton İron canqi fonədə bənə navkonə nin. Вoku mıttəfiğon bə İroni vəynə canqədə oşko nıçiye cəhd kardə be. Əve, israili erməni tuməbıri zıne de Ermənistoni əlağon ğoym karde ne, bə tırkiyə vəynə şodoə qəme Ermənistoni tərəfən ın məsələ bə tarixe arxiv vığande xəttış qətə. ER Sər Vəzir Nikol Paşinyani bəyonış kardə ki, İsraili ın şodoə qəm bə Ermənistoni məntəğədə bardə siyosəti zidde.